生 老 病 死 之 生
2007/10/21 09:13:21
網誌分類:
生活
生 老 病 死 所謂佛家四苦ｏ生, 通常人係冇得選擇, 當你一自覺存在的時候,巳經很無奈地生存在世上矣ｏ
既生瑜, 何生亮ｏ就係周瑜先生對自已的有個無敵的對手而發出的戚歎, 也曾經有D天生有缺陷的朋友, 發出了何必生我的感歎！亦會懷疑何以上天如此不公道？可見生的無奈ｏ亦曾見一些一生活不快樂的人, 發出了要生要死的呼声, 也是對生產生了負面的情緒ｏ
當年黃SIR做學生時, 作文最興, 劈頭一句, 人生在世………好似好有氣勢！但卻是癈話一句, 曾有個較為醒目的老師睇倒, 批我, 如果人唔係生存在世, 作文，都係多餘啦！（俾佢吹漲！）
可見人生在世, 係幾咁無可奈何也ｏ亦曾遇過有D唔開心的朋友, 成日唔鬼開心,不如想到死鬼佐佢, 即一了百了, 就係生的疑惑了ｏ
做人做到生無可戀, 真的很悲哀ｏ有套西片講一個退伍軍人, 同屋企人不和, 又對人刻簿, 自已又盲了眼, 生無可戀ｏ，結果想由家鄉出發到紐約召妓一次, 駛晒D錢, 準備自殺, 了卻一生, 於是請了一大學生做陪同, 去行這條不歸之路！
就是這個旅程, 發生了很多感動了佢, 重新對人生存在的興趣！此戲真的很有啓發ｏ可惜已忘了戲名！
原來人如果能揾倒了生存的樂趣！是一件好美妙之事！看看超伯, 91歲依然對寫BLOG充滿了生趣！大家是不是都會有D感悟呢？
kc
一年之計在於春，一日之計在於寅。
月過十五光明少，人到中年萬事休。
山中自有千年樹，世上難逢百歲人。
世人笑我、說我、欺我、罵我、打我、害我、輕我、賤我，何以處之？
祇是容他、寬他、由他、怕他、恕他、讓他、躲他、不惹他，再過幾年你且看他。