生 老 病 死 之老

黄SIR最近與两位一同在2004年退休的同事聚舊, 大家一見面, 不約而同都說退了休數年, 大家都冇乜老到ｏ

黃SIR自不然搞笑地講, 係呀係呀！ 我冇腦呀！ 因為退佐休, 冇乜用腦吖馬！

老 在人一生中, 根本是日日進行中, 只不過睇吓當事人怎樣去面對而己ｏ曾經有個同事, 有日同黄SIR講. 老啦！老啦！昨晚洗頭, 發覺在盤中的頭髮, 居然還多過在頂上的, 還可不認老？﹝認真搞笑！有D好後生都甩鬼晒啦！﹞

曾經超伯有次飯局, 話自已老矣！攝影的工作也不能勝任矣！問佢點解咁講？唉！影了八小時相, 隻腳很酸！還不是老？全家人𣎴禁失笑, 連續玩八小時, 後生仔都唔得啦！果陣超伯都成八張幾啦！

老, 可能只是心態問題, 如果一直保持赤子之心, 積極面對生活, 勤力D去吃喝玩樂, 應該…可能….或者…..會,……..不知老之將至啩？吓？