啼笑皆非

生平最妙的事, 是遇見一些不明就裡的人, 俾佢地激到啼笑皆非！例如有一次參加了一個澳門一日遊（多年前）, 領隊在路過何鴻燊先生的大宅, 向團友說, 如果有人在葡京輸過錢, 可去大宅取回一塊磚！

車上有位大嬸大呼！吓？真嫁？咁停車等我攞番舊先！全車人愕然！睇佢一D都唔似講笑！（全車人, 都啼笑皆非也！）

有時黄SIR講笑, 又係遇倒D咁嘅人ｏ有日同人講自己係粵劇界好鬼有地位ｏ我師父係笑話哥, 笑話哥係龍劍笙, 梅雪詩, 林家聲嘅北派師父ｏ 竟然有D儍人以為第一句係堅嘅, 其實第二句先至係！（通常黄SIR講嘢, 意中有意, 弦外有弦, 真真假假, 真係冇咁易理解也！）

最近的一次, 借題發揮, 話自已天下無敵, 難忍取笑！一俾人笑親, 就發癲ｏ咁都有人信！真吹漲！都不知從何解釋ｏ唔通凡講親嘢, 講明呢句係吹水, 呢句又唔係, 呢句叫靚師妹咀一嘢, 係堅嘅！果句怨天怨地, 怨到樹葉都落, 係流嘅！唉！黃SIR講嘢ｏ千万留神先得！（原因係, 我D高層次, 食千層糕都只食面果層, 低層次就要小心嘞！哈哈！哈哈！呵！哈哈哈！）

其實周不時, 真真假假, 假假真真, 真作假時假作真, 有時都要考吓大家智慧嫁！講得两講, 又講出個禍, 真真是無辜辜也！