生活的智慧

有D人很易惹是非, 有D人又好易情緒低落, 有D人好易嬲, 有D人又好易動怒ｏ（吓, 嬲即係動怒！哦, 加重語氣嘛！）

原因是缺乏了幽默感, 包容性, 事事太認真, 難忍別人的愚昧！

以寫BLOG為例, 有人一發覺別人是無神論者, 就會發癲！神咁堅你都唔信？一定要長篇大論, 教訓吓你先！（唔知人寫吓無神, 又踩親佢D乜？）

又有D人話民主黨（反對派）為國為民,為民主ｏ 但不同意者, 就會話人俾佢地呃倒！（唉！边D真！边D假！都係各人的睇法！除非睇見人比祈福黨滾, 否則黄SIR都費鬼事出声也！政治嘅嘢！係你千我ｏ我千你嫁啦！笑吓就算啦！）

正如今日蘋果頭版報導, 有個師奶被跳舞老師騙去七百万, 相信又有許多家庭,有人學跳舞嘅炒大交矣！因為一定有人亂諗嘢！借題發揮！無限上綱！解釋都解釋唔倒咁多了ｏ

人的層次, 不是人人一樣的ｏ玩樂有人沉迷, 就不等於玩親都沉迷ｏ唱粵曲會有婚外情, 跳舞亦會有, 賭馬會傾家盪產, 賭股又係ｏ（死啦！全部嘢, 而家黄SIR退咗休都日日玩ｏ死啦！死啦！你話點算？）

撞着D低層次, 日日喋喋不休, 又話你乜, 又話你物, 又叫你小心乜, 又叫你小心物, 又會叫你唔好乜, 又唔好物！

最好就乜都咪玩, 匿係屋企！等死！就至正嘞！（正一低層次！哈哈！）