低相關性
歐洲經濟數字回暖，歐元區10月份製造業採購經理人指數(PMI)意外地上升至50.7點，創出兩個月高位，而市場預期原本製造業會萎縮，低過50點，結果比預期好。與此同時，德國製造業採購經理人指數亦重上50點以上的水平，服務業指數則觸及4個月高位。歐洲股市造好，其中德國及法國股市升1.2%及1.3%。
美國最近一周首次申領失業救濟人數增加1.7萬人至28.3萬人，同市場期差唔多，而四周移動平均數降至28.1萬人，係2000年5月份以來最低水平。反映經濟狀況好轉，失業情況繼續改善。另外，巨企3M及卡特彼勒（Caterpillar）昨日公布季度業績，3M盈利好過預期，但營收略差過預期，而卡特彼勒盈利及營收到好過預期。3M及卡特彼勒昨日勁升接近半成，反映市場對兩份成績表都滿意收貨。
外圍唔錯，內部經濟數據OK，美企業績可以，美股昨日反彈，彈力亦不弱，杜指一度勁升300點，後來傳出有醫生染伊波拉，大市回軟，但杜指都只係回番80點，收市仍漲217點，收報16678點，升幅1.3%；標普500指數漲24點至1951點，漲幅1.2%；納指跑贏大市，升70點至4453點，漲幅1.6%。
歐洲製造業意外地未跌落萎縮區域，令投資者有點振奮，股市因而造好。而好過預期的經濟數據亦帶俾歐洲央行(ECB)一些寬慰，不過值得留意的是通縮大局未9變，10月綜合産出價格指數從9月的48.5降至47.1，係2010年2月以來最低，已經連續第31個月下調産品價格，而且降速更係近5年來最快，令人憂慮歐元區的通縮，愈來愈嚴重。更嚴重嘅問題係以歐元區領導人過往的做事作風，見到經濟數據有些起色，就會放慢手腳，唔係死到臨頭，都唔會有動作。
內地股市同美股近期總係有相反路線，加上佔中不退，搞到港股忽上忽下，好難估也。昨日，《經濟學人》指出上個月全球股市暴跌，其中歐美日股市暴跌了5至9%，而中國A股卻風平浪靜。《經濟學人》認為中國股市有一個「低相關性特質」，即係話世界其他地區的股市對中國的影響很小，中國股市也極少影響全球股市。亦由於這個特質，已成為好多大戶已經將中國A股視為對沖其他市場風險的選擇。
《經濟學人》話過去十年，上證綜指與美國標普500指數相關性為弱正相關：0.37，雖然兩者走勢方向相同，但關聯很弱。例如標普500指數與泛歐績優300指數的平均相關性就達到了0.84，顯示兩指數基本上同步而行。
《經濟學人》解釋，中國股市之所以這樣「特立獨行」，原因在於中國有資本管制。每當全球風險偏好上升時，投資者湧入各地股市，但入唔到中國，外國人唔可以直接買A股，令中國市場冇咁受外圍扯高影響。當然，資本管控唔係100%做得到，例如熱錢在一定程度上能夠推高人民幣匯價，不過，離完全可以互相影響仍有一段好長的日子。據瑞銀資料顯示，分配給境外機構的投資配額不到中國股市總市值3%。即使與滬市最相似的港股，有很多中國公司同時在香港和內地上市。即使只觀察AH股嘅聯繫，亦出乎意料地低，最近五年兩者相關性只有0.63。
所以對於尋求分散風險的投資者來说，中國的低相關性變成一個賣點。不過，從另一個角度睇，過去5年中國股市表現與外圍唔同，主要仲係落後大市。聰明的做法可能係：如果世界其他地區市場開始下跌時，避險中國股市，A股可能逆向上漲，或者至少跌幅較細。但其他股市開動時，就要離開A股，因為佢未必跟得上。
陸羽仁
陸羽仁覆網友
BoBo Fox:你沽了3983中海油化學，佢跳崖直插，如今價位亦是08海嘯時之低位.你想搏技術性反彈, 問值搏率高不高。
一隻股咁插緊，大市又弱，正路是向下尋底，當然搵到底時會急彈，問題唔易話那裏是底，短炒要博反彈都只能定較低位分段入。長揸最好見佢有底再插唔穿底時才入。
油價大跌 炒作有「機」
2014年10月27日
美股繼續炒反彈，杜指上周五升127點，成為今年表現最理想的一周。不過，聯儲局周三將結束會議，量化寬鬆(QE)結束，未知加息前景如何，預料本周美股投資氣氛會比較緊張。估計港股今天會隨美股反彈，但佔中未止，旺角隨時清場，政治低氣壓持續壓住股市。
在中環和茶友食飯吹水，話金融界流傳一個陰謀論，話有支持佔中大戶沽空了大量期指，想隊低個市獲利，阿爺條氣好唔順，在本月期指結算前都會頂住個市，唔畀造淡的大戶食胡，過完周四結算先至清場，要清先清旺角，成件事在下個月搞掂，唔畀造淡大戶食爆棚。仲話上周五匯控(005)
、騰訊(700) 
跌咁少，中移動(941) 
仲要倒升2.2%，就係托住大股頂住個市。
呢啲陰謀論好難盡信，但阿爺唔係幾想個市大跌又唔係好出奇，因為內地好流行話呢一場係金融戰爭，話老外大國借香港去狙擊內地金融改革中的金融體系，都可以影響內地決策層的思維。
阿爺未必想大插
陸羽仁和官場中人食飯，都證實咗「一日佔中未完，一日滬港通唔通」的消息。我話點解啲高官仲話「滬港通未通和佔中無關」，官場中人一臉苦笑。我估現時局勢咁亂，高官都係隨意發揮，無想清楚為官者只可以講半真話(half-truth)，不能講假話的基本原則。若然明知有關，點可以話無關呢？
阿爺唔開通滬港通，暫時又無正式公佈，拖住拖住，客觀上減少了對市場的衝擊力，試想若阿爺正式講「滬港通暫時唔通」，個市起碼要交番500點出來，𠵱家唔講，高官又話唔係同佔中有關，大家唸唸有詞「睇唔到睇唔到」，個市又守到23000點。不過過完結算後，特別係萬一清場唔係咁順利時，個市的真正考驗才到。(陸羽仁的立場是唔理炒股係點，都希望可以不流一滴血)暫時估計本周個市還是拉鋸居多，但要小心美股大幅反彈後有回吐，咁亦會拖低港股。
最近留意到一個題目好有趣，就係油價大跌。紐約期油今年6月由高位每桶107.26美元，跌到上周五收報81.01美元，較今年高位跌了24%。我一直是油價淡友，早前都寫文講過，美國開放頁岩氣，今年5月開始出口石油，慢慢會變成石油淨出口國；歐洲經濟唔得，中國經濟放緩，油價怎可以長期企在100美元以上的高位？
油價終於回落，而且跌勢甚急，除了上述原因，還加上一個因素，佔領了敍利亞和伊拉克大片地區的極端組織伊斯蘭國(ISIS)，在黑市大量低價倒賣石油，自然會拖低油價。
ISIS低價賣原油
美國市場訊息商IHS Inc.近日發表報告預計，伊斯蘭國在黑市出售石油，一年就可非法賺取8億美元，每日賺200萬美元。另外智庫布魯金斯學會的研究員Luay al-Khatteeb話，伊斯蘭國現控制伊拉克和敍利亞大片土地，他們掌控伊拉克北部7個油田和兩家煉油廠，控制敍利亞東部6個油田，估計ISIS控制約60%的敍利亞油田和伊拉克的眾多產油資產。
Luay al-Khatteeb指出，ISIS控制的油田每日產能達8萬桶，現在有半數仍在開採。ISIS透過黑市倒賣原油，許多都銷往敍利亞的中介人，然後由中介人送往土耳其、伊朗和西亞北部庫爾德斯坦地區的煉油廠。美國曾向土耳其抗議，但土耳其沒有採取有效措施，去切斷ISIS的黑市賣油管道，美國9月空襲敍利亞時，曾空襲有關運油設施，但看來成效極其有限，ISIS還在黑市大量賣油。
用油企業有着數
紐約期油上周五收報每桶81.01美元，IHS報告話，即使油價近期顯著回落，但ISIS其實以更低的價錢倒賣石油，每桶黑市價只是賣40美元，由於ISIS是騎劫了敍利亞和伊拉克的油田，完全不用考慮成本和低價賣油對產油國長遠的損害，一味賤賣搵錢。雖然ISIS賣油量不多，但全球的用油需求本已疲弱，再加ISIS的低價轟炸，油價就順勢急回。正常產油國在油價回落時會減產支持油價，但ISIS不會，估計佢如果想透過賣油日賺200萬美元，油價回落，黑市價跟住落，佢反而會賣得更多，以保持每日的套現量，成為拉低油價的重要因素。
ISIS促成油價回落，長線對用油國如中國有利，對用油企業如航空、航運、造紙、重工、石化行業有利，對油企不利，也要小心用油企業囤積了石油或相關期貨會中招。
我在今年6月油價上高位時，已預示油價將見頂回落，叫大家小心，只是無估到有ISIS這個因素，令油價跌得咁急。我在6月30日在網誌上寫到就快出現「石油變局」，估油價見咗頂，當時講到三大油股：「睇三隻油股走勢，就知道市場看法，最強的是集中做下游賣油的中石化(386)
，上下游平衡的中石油(857) 
都可以，最弱是集中採油的中海油(883) 
，似乎投資者都在賭油價見頂，睇住美國佬個局，若果你揸住呢三桶油其中一隻，就要好小心研判未來個石油世界係點。呢啲油公司早前有國家任務去對外收購，萬一油價大變，佢哋買落的項目就要重新估值。」
小心囤油股減值
如今油價急回，本來是中海油中招，中石化受惠，中石油都OK，但中石油高層接受《21世紀經濟報道》訪問時就表示，公司擁有大量石油商業儲備，在油價受壓下，需要作大幅撥備減值準備，未來利潤增長預測因此調低。在油價下滑的趨勢下，公司會盡可能降低一些高成本上游業務，以觀望未來油價走勢。
睇完中石油咁講，我對三大油企都有少少戒心。過去多年油價大升，令中國呢個經濟急促發展國家成本大漲，阿爺睇為石油戰爭，為未來發展打算，就叫幾大油企四出大拓油源，難免有高價入貨的問題。若我係分析員有時間，就會做報告分析幾大油企過去幾年的收購要減值多少。
ISIS唔易收科，經濟需求又弱，油價穿80美元之後，跌得咁急應有一輪反彈，但彈完後還似會再尋底。對用油企業如航空、航運、重工應有幫助。只是好多行業需求未得，所以又唔可以睇得太好。反而航空股可以留意吓，內地航空股以國航(753)
好少少，但我整體上對內地航空業有保留，需求疲弱勢將影響盈利，高鐵對內地航線的競爭又大，油價跌都未必補得番，比較下覺得香港的國泰航空(293) 
好少少。
航空業界人士話，油價回到75美元以下時，國泰開始好景。聞說佢生意唔錯，特別係客運。雖然歐美關注伊波拉疫情，但至今長途客運如飛倫敦、紐約都仲好爆，暫時亦未見佔中影響生意，但我對大市仍有戒心，可等大市回落時，慢慢低價收集國泰，等明年首季公佈業績時收成，記着不用心急，唔平唔好買。
陸羽仁
陸SIR ,希望今早你睇到呢個POST 啦~
上次請教過的#3983 , 見你分析後, 好彩仲執番手續費鬆人, 謝謝 !
今晚做功課, 見佢連跌多日, 快要穿52周低位 @2.83,
又: 此價亦是08海嘯時之低位.
又心思思想搏技術性反彈, 請問值搏率高不高呢 ?
見到有人打記者, 十分之驚震, 記者都是打份工, 去採訪咋.
點解話人走狗,太瘋狂.
之前, 董伯伯,曾先生時,沒有人民鬥人民. 黑社會不會出來攪政治. 好傷心香港攪成這樣. 呢個是土生土長的地方. 是我們的家.
其他投資者如何,我不知道, 我就真是沒多少信心.
福至心靈地, 9月初, 賣出了所有135及千年細價股. 如果不是,都是大閘蟹左, 今之單野, 對小股民來說, 真是完全的黑天鵝. 唉......
利申, 我尚有好多內銀,及港股. 不過危難當前, 只可以平常心.
今天去教堂, 大家為香港人祈禱. 不談立場, 只為上主對人之愛. 講道時說,人生冇常, 在世之人, 物,錢, 權, 其實都是身外物, ...真是不要為得失而放不下...
我是沽空之王!
廣場投票，是否戴耀庭自己先行提出？
袋鼠懷疑緊佢事前，根本無同學生傾。
袋鼠係有啲受娟姐嘅佔中者日記影響，先至咁講。
睇過去半年，無論係泛民、以至學生運動，都係油自己埋牆角，由泛民23議員聯名宣示政改通過與否嘅底線，或早兩日前將廣場議題強化，都係減少咗自己可以進退嘅選擇。
最弊佢哋嘅對手，只要唔係個性心急，以逸待勞都無問題，亦更有條件油自己去另一邊牆角，你要袋住先就自己過嚟，唔要就罷就。
強烈建議 籃絲們請d質素高小小的臨記, 唔好成日幫倒忙.
為了增加支持者，到底藍絲付錢給誰? TVB不是一直站在他們那一邊的嗎? 這也被打...
學聯始於都是學生，政治智慧有所不足，那個投票和行動本身有問題，也沒有奧巴馬的口才，很難自然其說，在訪問時不斷兜圈也是沒辦法。
其實法庭下令時，他們就該藉專重法庭而撤離那些路段，然後散去。
一直佔下去，也不會改變阿爺的決定。
台灣的太陽花運動，因為有兩個政治重量級來說情，結果學生同意撤去。可惜我覺得香港沒這樣的人。或者有，只是我不知，但現在他們不肯出來。
進退失據
小貓兄，雖然同意你提到，法治精神十分重要，袋鼠亦有講到，各種衝擊香港核心價值嘅反智行為，這些都是玩在進行式，但或者好彩香港底子厚，除非好似盧sir嘅猛人收到料但唔講出，暫時對香港投資環境，未致於有大傷害啩 - 評級機構反應唔大(雖然話佢地廢，但以外資取態，都算係好過無嘅指標)。
PS 阿爺投資一向係政策市，法治反而可能無咁大比重考慮．．．最近又提要依法治國，如果係常態，已經一早唔使叫呢個口號。
與其話「依法治國」，「依國治法」太耐了。
獸兄，與其話升級，不如話俾機會689改善形象，回應時講啲啱聽嘅嘢?
學聯、學民思潮、和平佔中、泛民及民間團體代表發表聯合聲明，宣布擱置原定今、明兩晚的廣場投票，指各方意見不同，承認事前與群眾商議不足，向公眾致歉。
學聯在facebook專頁發放聲明，指各方就投票形式和議題設定有眾多不同意見，包括議題複雜性、投票實際效用等，明白到必須審慎行事。
他們承認決定投票前與群眾商議不足，必須向公眾道歉。
聲明指，群眾運動必須以群眾意見為本，經詳細討論後，決定擱置廣場投票，會再行商議，又呼籲市民仍到三個據點，交流佔領運動未來方向，包括以何種形式凝聚支持者意見，共同爭取真普選。
TO:袋鼠
我覺得如果能真係讓香港回到佔領前,100億都值...
一個沒有法治,沒有資源生產力的貿易城市,憑什麼吸引資金?
投資不能法治的香港要冒比內地專制下的城市更大風險。
--------
TO:MODD
每個星期五六日,都一定有事發生,讓市民同情佔領,支持抗爭,
....我一直都話呢次佔領,有一股"謎之力",不停在延續它的熱度和生命力,
也因此推斷,事情不是學運或民運表面那麼單純。
這角度,似乎已被這裡大多數的師兄姐接納了,
再觀察一下吧,大家能客觀地發現,這"謎之力"的確存在
香港電台都有條女被襲擊，如此推論，港台都係blacken緊反佔中人士？
採訪藍絲帶集會 無綫、港台記者攝影師遇襲 - 巴士的報
權力使人腐化, 無人過得了.
當周永康和學聯覺得可以帶領一群人時, 甚會放下聽道理 ? 只會跟追從者的意願走, 要追從者繼續追從. 其實是被反帶領. 或是他們從來沒帶領過.
這和老梁及共產黨無分別吧 ? 破法去保衛法治 !
用更極權打破極權 ! Just another animal farm.
點解每當有重要事時前或情況比較平和時都會有事發生令民情逆轉
在境頭面前又打人
警察不可靠 (黑警) - 濫刑打示威者
反佔中人不可靠 - 打記者, 還大叫人漢奸? 不是應該多些記者採訪最好嗎?
小貓，袋鼠無講一百億咁多啊，唔好作得太大啦
，上次五區補選個數額係幾千萬至一億咁上下 (ballpark figure - 袋鼠原留言無查証*)。而且而家主要只係希望啲人肯撒走，但係社會矛盾依然存在，仲有排拆彈噢…
*PS 預算案給撥款選舉事務處，一億六千萬。
周永康訪問，之前只係睇新聞報導片段，但睇成個訪問，啲對答睇到袋鼠都O晒咀…
不過最好嘢都係尖沙咀啲藍絲帶，成功上電視新聞頭條… 或者唔好揾啲自發人士嘞，揾番『撐張融』嘅大姐好了
你估呢單野點收科?
w
如無更多其他變數出現，呢單野將會好快收科。
好多想睇大戲既人，將會十分失望。
香港處在大海之邊，每日見慣潮脹潮落。一個浪頭冚落，你以為今次死梗，但浪頭吾係海嘯，唔會毁滅整個城市。
雖然係一波未平，一波又起，波浪或者會擊碎一D離岸既岩石，甚至會將海邊釣魚既人捲走，但波浪始终會上會落，唔可能將太平山移平。
但如果以為，退潮之後又可以大覺睏，就會錯估形勢。
佢以為只係波浪，可以不理。其實呢場叫做唔係波。智慧既港人，都知道乜野叫做「唔係波」。咁唔係波係乜呢？
咁大镬都睇唔倒？
呢镬係湯，唔係波。
底下不斷加以柴火，上邊不斷升温，沸騰矣。
中國人對付沸騰，有一個奇妙方法。就係插枝镬剷入去。如無镬剷，掃把都得。個镬咁大，要掃把方能有用。揾個大力士嚟，不斷搞動掃把，沸騰的勢頭，可以稍止。
其實只係四字真言： 揚湯止沸，係無撚用既。
乜嘢叫做沸騰呢？
水中有氣，氣體受熱，鼓動成泡，就是沸騰。
所以正確方法係釜底抽薪。把加熱的元素抽走，就不怕外力鼓動了。
民心有氣，這才是貼切的形勢分析。
氣從何來？
多如牛毛的貪污，做假，只要略加油鹽烹煮，就是一道妖魔化大菜。材料既然真實，炒作好難避免。
另外，尚要提防乾水。經濟一旦崩潰，镬中無水，神仙難救了。
http://www.leechardasks.blogspot.hk/
其實也無可否認,政府也是在兜圈又兜圈。
但政府兜圈又兜圈,不代表佔領者就可以在佔領的理據上兜圈又兜圈,
因為他們是以伸張正義的理由來破壞法治的呀...
如果借反對者的權益去兜圈又兜圈,咁真係好老千姐...
TVB 訪問周永康
http://mytv.tvb.com/news/ontherecord/191095
主持人問得好, 周永康詞窮, 兜圈又兜圈, 答非所問, 愈答愈亂, 大量的身體語言已自暴其短, 毫無大將之風, 政府打官腔兜圈見怪不怪, 但原來學聯上位後即刻識得用呢招
周永康死口否認佔中已變質, 講大話連臉也不紅, 更表示行動升級是必然需要的, 會堅守旺角不會撤退
周永康: 政府堵塞民主道路, 我地就要堵塞人民馬路
周永康: 只要最後階段去自首就沒有破壞法治 (蠻不講理!!!)
口口聲聲說代表全港市民, 但周永康卻拒絕接受最新民意調查結果, 因為愈來愈多市民傾向「袋住先」, 周永康竟然說民意有浮動, 可能唔係真心想「袋住先」, 咁都得? 民意調查結果不利學運就唔收貨, 如果係有利就收貨?
最可笑係周永康說佔中已經作出讓步, 佔領區開左條路俾市民返工, 連「讓步」的含意係乜都唔識, 大學生!!!
沒有意義的周日廣場投票~學聯的小圈子投票???
~~~~~~~~~~~~~~~~~~~~~~~~~~~
強詞有理：無法無天 賊喊捉賊
http://orientaldaily.on.cc/cnt/news/20141025/00184_006.html
強詞有理：無法無天 賊喊捉賊
反對派特別是那班大狀政客平時總是把「法治」掛在嘴邊，然而，對於佔中出現的種種無法無天的行為，他們卻視為理所當然，連法庭頒發的禁制令也被棄如敝屣，甚至反過來要求法官「平衡各方利益」，果真是此一時也彼一時也。這班人最喜歡批評別人不尊重法治，藐視法庭，原來最不尊重法治、最藐視法庭的恰恰就是他們，他們不僅是雙重標準，簡直是賊喊捉賊。
最好笑的是，反對派政棍李卓人聲稱示威者違反禁制令不代表不尊重法庭，認為「最大法治是實現普選」，這與民主阿婆聲稱「沒有民主就沒有民生」一樣，都是九唔搭八。按照他們的邏輯，香港回歸前從來沒有普選，豈不是說香港從來沒有法治？那麼，過去常說法治是香港成功的基石又如何解釋呢？說穿了，他們爭取民主是假，搞亂香港才是真正目的。香港不亂，他們怎能渾水摸魚？又怎麼向洋主人交代？
可悲的是，許多青少年被反對派的政治口號迷惑，充當政治炮灰而不自知。香港法治根基是經過幾代人努力才建立，如今不足一個月便被摧毀，豈能不令人慨嘆。這場政治鬧劇為社會和經濟帶來損失事小，破壞法治扭曲價值觀事大，當整個社會習非成是，當青少年視法律如無物，香港也就沒有明天可言了。
陳競立
我幾認同袋鼠分析學聯將個波比左泛民五區公投。
呢個的確可以成為大家的下台階,而且有說服力,又公正。
如果可以和平解決此事件,十億,甚至一百億都值。
----------------
P.S.(限基督徒)
其實未經授權就拿別人的權益來運用,這本身已經是盜竊了,這有異議嗎?
當被盜取權益的人發現,向佔領者要求取回時。
佔領者的理由是,暫時的付出,會有民主的回報;
若最終無法爭取到承諾兌現,那這就是欺騙了,這有人異議嗎?
所以佔領者很可能會不斷升級來增加成功的機會。
但完全沒有止損底線的升級,最終對佔領者和被借用權益的反對者,
都很可能是一場承受不起的災難。
難道基督徒能在此事中見證基督十字架的救恩嗎?
這種豪賭的政治鬥爭,與我們的信仰有什麼關係呢?---
只要沒有身份証整個號碼，又唔使填電話，OK啦！ 想得周全。
袋鼠,電話號碼一個人可以有幾個,但身分證得一個.
袋鼠，身分証只填前面幾個，但要比工作人員核對。要填全名。電話可以唔填。
eagleeye，會否記低身份証冧巴及全名？唔會記埋電話號碼吧？
雖然民建聯都係大黨，有份參與，但袋鼠始終會比較顧慮個人資料安全。
另一邊廂，用『鴨屎』投票，一樣有顧慮。
假設發起五區總投，真係足夠叫所有示威者撤走，花幾千萬至以至一、兩億再搞投票，都算便宜。當然這是假設叫得人走，而且假設唔會俾建制派增加議席再發動23條立法 - 尤其是公投隨時會好多人反泛民。都係得個講字多…
PS 睇定啲再講。
Modd，收到，thanks!
兩項目可否投『反對』？
亦可能係純粹兜番住啦，因為個教授，唔知係咪佢自己浪漫主義 (盧sir形容詞)，又唔知佢有無相量就走去講人自講，無啦啦去搞廣場投票。
但睇完學聯秘書長，以五區公投帶抗爭回到社群，作為撤退藉口，包括旺角最激那一班，都有啲說股力。而且袋鼠係覺得，讓班議員死掂佢，都係好主意。
PS 可能自己講緊癈話，再睇吓情況先…
放工經過地鉄站,唔少人親身簽名「還我道路」。仲要出示身分證以供核對。
比起佔領區的所謂電話投票，嚴謹得多。
又黎五區總辭?又黎浪費納稅人的錢,哈哈.
田少無理由咁唔識趣，唔通亞爺認為振嬰養唔大，想佢請辭，揾田少開聲，又可能田少未夠富，收唔到指示，真係要問蟲蟲
要富豪表態可能驚又多一個田少
袋鼠: 看到資料是這樣, 唔見有第3個選擇
投票時間在星期日及星期一的晚上7點到11點進行，投票地點在金鐘、旺角及銅灣三個佔領區進行。結果會在投票結束的半個小時後公佈。大會要求有意投票的市民要事前下載手機應用程式，然後到三個佔領區進行投票。
「廣場投票」設置的兩個議題包括︰特區政府再提交的報告，必須包括特區政府建議全國人大常委會撤回「八三一」決定；以及多方平台必須確立2016年立法會產生辦法，要廢除功能組別及2017年行政長官產生辦法要有公民提名。
學聯秘書長周永康指，上次學聯與政府對話時所的建議沒有方向，今次投票是要政府回應這個兩個議題，提出時間表和路線圖。但不管投票的結果如何都不會改「佔領」的立場。
原來唔夠18歲都可以投票
Kathleen，妳成個週末煲劇
初頭聽話又搞五區公投，好似好戇居，但聽番學聯解釋之後，袋鼠直覺係，一方面係一個又無需改變立場，而又可以說服群眾回家嘅方法，另一方面直頭卸隻鑊俾那班泛民議員。（話唔定私底下學生之間，仲加多幾句問侯語俾啲議員。）
此外戴耀庭搞廣場投票，由原本講到似尋尋有決議性質，今日兜得住，改為純粹搜集意見；問題在於全香港人都可以下載個『鴨屎』，除非袋鼠聽漏嘢，否則即係可以全港投票，只要提議足夠中性，咁包括反佔中嘅人都可以投負面票。
似乎班學生都重係揾緊落台階。
PS 睇定啲再講…
我為香港及香港富豪們
署名Yan Hao的文章「Hong Kong tycoons reluctant to take side amid Occupy turmoil」，指出，國家主席習近平在北京上月接見本港工商及專業界訪京團時，曾要求本港富豪團結一致，支持中央及行政長官，共創香港更好未來，但至今只有政協副主席董建華，公開反對佔領行動。長實主席李嘉誠亦只呼籲示威學生回家，並無表明是否支持學生的訴求。
文章又點名指恒基主席李兆基、嘉里主席郭鶴年及九倉主席吳光正等，至今一直保持沉默，未有表態。
KFC、袋鼠：剛睇完第73局＜進籐對塔矢＞，明天再續。
KFC，動畫只係出到北斗盃預賽篇OVA。日韓對戰，最後倉田六段臨場變陣，印象深刻。
Kathleen，通常漫畫在細節上會詳細好多；不過棋靈王有成75集，有足夠時間去包含大多數漫畫情節。袋鼠兩個版本都睇完，先睇動畫再買漫畫單行本，不過已經好耐以前嘅，除了一部份情節，只係記得當時無投訴，覺得好睇 - 唔識圍棋都可以咁精彩。
袋鼠、Kathleen
你們有沒有看過棋魂北斗杯的完整篇？傳聞因為韓國方面的不滿，在動畫中到預選賽便沒有了。網上傳聞台灣曾播過北斗杯的完整篇，但一直無法找到。
即是問題的成因, 是歐美推行的量寬, 由貨幣政策, 影響到香港的資產價格, 由貨幣影響到本港經濟, 同時正苦的房屋政策未能可持續對應貨幣增長, 而形成房地產價格出現急跌急升現象, 自然吸引了市民的注意力. 亦影響了大部份市民的生計呢. 簡單來說, 即是貨幣影響經濟, 經濟影響了政治. 政治現在又反過來影響了經濟, 只要這個現象持續, 就會互相反射, 形成羊群效應. 繼而物極必反.
如何破解這個反射現象. 唔....要考驗下大家的智慧呢.
袋鼠：我是在 YouTube 看卡通片，日語中字。
小光有高人在身邊，兩年多時間耳濡目染，天天對弈，自然得其神髓。
我覺得佐為走了，小光應該多研究秀策的棋譜，會領會更多。
最近有啲事令人哀傷，所以看到佐為消失，小光拼命去找他，我都可以大哭一塲。
漫畫會不會比卡通片更好看？
小朋友沒有錯, 錯的只是大人, 過去十年, 因為量寬引致的資產通脹, 將市民的注意力去了房地產, 樓價, 忽略了多元化教育的重要性, 局限了小朋友, 學生哥心智上的發展, 當然面對社會上日益不公平的事情, 情緒無從發洩, 佔中只是反射了過去的問題, 政改只是催化劑而矣.
李麗珊、李慧思真係好少數。
再寫落去，可以扯到各種壟斷及霸權作為解釋，因為供完樓、俾完雜費之後，學業上嘅武裝競賽使費，再加上本地沒有支持這些沒有出息嘅產業，個人和家庭的確要問有否剩餘資源負擔理想。
好似樣樣嘢都辣到去社會政治，唔係咁好，但剛剛聽完講圍棋，睇番香港而家集中在幾個經濟產業，而家長不論自願與否，都將學業變成為唯一出路，為子女進行武裝競賽，唔知埋沒了幾多有學術以外其他天份的後生仔。
學拉小提琴、彈鋼琴，只係為了入學資格加分，去打波只係俾佢玩，一切都沒有理想，沒有話拉小提琴可以拉到去Carnegie Hall，踼波可以踢到入英超聯。咸魚思維從小培養…
雖然以日本人口計，可以靠下圍棋搵食係好少數人，但作為補習社、學業武裝競賽嘅發源地，後生仔似乎還有其他選擇、理想空間。
------
也許袋鼠以前話，佔中啲後生仔無思考，有點刻薄，只因為佔中運動，成為他們追求理想的唯一替代品。
生死有命, 富貴由天.
學聯攪的廣場公投, 應加入退場選擇, 等全民表態呢. 可惜攪手們的思路愈變狹隘, 好像變成為小部份人服務, 但佔中影響就是全港市民. 這就是走向了極端呢.
問題出來那裡呢???---->馬死皆因道旁兒, 千古不變的定律.
Kathleen，原來妳都睇漫畫？
不過妳話時辰到，唔係有乜好玄嘅事嘛…
棋魂真係好好睇，好多情節都有啟發，例如進藤光在棋院做學士時去到樽頸位，佐為話佢其實有進步，但係開始識得驚而影響進攻。
至於藤原佐為消失後，有朋友都話唔捨得；不過在小光的下子時，小光和塔矢亮，都看到，佐為還是活在光的棋局中，真係夠晒使人感觸！
袋鼠：最近看《棋魂》，太可愛了，因為小時候學過小小圍棋，懂些皮毛，所以看得津津有味。
當看到籐原佐為消失時，簡值心痛、失落、不捨……
原來，人也好，幽靈也好，時辰到的話，都無法主宰自己的去或留。
You have a good weekend, too!
2014-10-24
Dow Jones Industrial Average (^DJI)
16,805.41
127.51(0.76%) 4:30PM EDT
唉...正如陸SIR所講,好多人仲幻想對手只係CY,
唔接受這是中央的要求,仲想同中央傾...
更可怕的可能是,令佔領者流血的不一定是反對他們的政府或組織,
也很有可能是激進佔領者,因眼見佔領熱情和新聞價值下降,
爭取收視率和支持度的"禁斷之秘技"。
要知道黑社會不一定就反佔中,
股市數以十億美元計的資金都在賭佔領者的死亡,
政治鬥爭是很污穢不堪的利益戰場...
基督徒不要介入了