醜婦見家翁

2014/10/27 08:14:50 網誌分類: 經濟

27 Oct

港交所一直不願承認是佔中令滬港通無法通車。但正踏入10月最後一週，港交所不能不承認滬港通無法如期啟動，故在昨日傍晚發出公告，指至今尚未取得啓動滬港通的相關批准，因此無實施滬港通確實日期。

港交所承認滬港通延期但無講死因。滬港通無得通這件事，陸羽仁早兩三個星期一直有預告。現時聽權威消息話，佔中一日未完，滬港通就無法通。我心諗若佔中玩一年半載，同期滬港通無法開通，都好大鑊。但到時到候要強硬清場，就仲大鑊(而家出現這個情況機會較大)。

客觀上講，阿爺不滿香港，郁完滬港通，下一步會郁埋自由行。所以那些話佔中對香港經濟全無影響的言論，十分倒米(事實上亦真係有影響，程度多大各行業各地區不同)。佔中愈來愈朝向一隻股市黑天鵝的方向發展。

從股市投資的角度，滬港通暫時不通，不止影響港股，連內地證券界也擔心，會影響埋A股，因為之前因為咁炒咗一轉，而家通唔到，恐怖要回調。加上四中全會開完又無乜新剌激，內地股市都有壓力。

至於美股上周五繼續反彈。三大指數齊升0.7%。杜指漲128點至16805點，標普500指數漲14點至1965點，納指漲31點，收市報4484點。全個星期計就認真牛啦，杜指漲2.6%，標普500指數大漲4.1%，納指仲勁，大升5.3%，係今年以來最大嘅單周漲幅。

上周五美股走勢靚仔，朝早挫一挫之後，一路向上，以全日最高位收市。除了9月份新房銷售46.7萬幢，正處於2008年中以來的最高水平，刺激市場氣氛外，多家美企均派出靚仔成績表繼續係推動美股持續反彈的主要引擎。包括福特汽車、寶潔、高露潔棕欖及微軟等巨企，去季盈利都好過市場預期，期內的營收都不俗，福特汽車營收較去年同期略低2.5%，但仍高過市場預期，寶潔、高露潔棕欖略差過預期幾千萬美元；而微軟比較弱，營收220億美元，較預期少了12億美元。

10月16日，一向被市場視為「鷹派」的聖路易斯聯儲主席布拉德提出，聯儲局決策者應當考慮推遲結束量化寬鬆政策（QE）的時間，美股開始絕地大反攻，股市恐懼指標VIX指數亦由最高峰的31點，不斷回落，反映投資對大市前景愈來會樂觀，最新報16點。

對於美股呢個幾星期的表現，係反彈完會再跌，抑或只係一個上升市的比較大的調整，分析界人言人殊。Canaccord Genuity的證券分析師Tony Dwyer比較傾向後者，佢認為近期彈幅雖然比較大，但升勢仍會持續到年底。Dwyer接受CNBC訪問時表示，近期美股的升勢明顯由美企業績標青帶動，特別是先公布業績的公司表現好，市場此前見外圍經濟放緩，美元走強，比較擔心跨國美企的業績表現，結果率先公布業績嘅Caterpillar成績好過預期，更上調今年的利盈預期，開咗好頭，大幅振升市場氣氛。跟住派成績表的美企業績亦不負眾望，成為推動美股不斷向上的主要動力。

據湯臣路透資料顯示，至目前為止，已有205家標普500成份企業公布了業績，當中有七成企業盈利超預期；有五成九企業營收好過預期，整體成績非常不俗。Dwyer認為除了美企賺錢能力好過預期，市場基本因素良好，再加上信貸可以。預期美股牛市仍會持續到年底。

有人睇好，自然有人唔係咁樂觀。IG公司首席市場策略師維斯頓(Chris Weston) 比較關注伊波拉病毒會否受到控制。他認為聯儲局下周將召開貨幣政策會議，「假設伊波拉病毒能夠得到控制，投資者注意力將集中於聯儲局會唔會在議息會議聲明中刪除「在相當長時間內」維持低利率的措辭。如果會的話，將令市場對提早加息預期升溫，大市會受到一定的衝擊。

美股後向未定，內地股市有壓力，港股直接受滬港通沖擊，10月快完，11月都係要捱吓先。

陸羽仁

回應 (103)

我要發表

2014/10/29 11:54:07 回覆

星＋坡終於有一樣嘢贏香港: 法治!
雖然星+坡嘅"民主"都好假, 但起碼仲有法治, 香港就本末倒置, 為要爭民主就寧願法治都唔要, 又竟咁多人認同, 好奇。從來都係要有法治根基至可以民主㗎啦，有民主冇法治，咪即係到時選舉都可以唔依法囉!

至於賣機密賣畀美國既問題問題，一旦A股市場國際化，就邊度"通"嘅風險都係一樣，睇唔出香港嘅風險會低過星＋坡喎。

2014/10/28 11:37:02 回覆

看到andy 和 KFC 的留言, 對比很有趣. 不知要多少倍生果金才可以夠買一個車位呢?

"學習動力不强, 目標也不明確, 比較被動" 這些性格為什麼去到外國會忽然改正呢? 個人經驗, 唯一方法係送去少唐人的地方讀書, 但這殊不容易.

最後問問陸sir:

如果中央不信任香港, 難道會反而信任星加玻? 滬港通的戰略目的是透過香港將A股市場國際化, 即係賣A股比鬼佬. 如果有滬玻通, 中央點解決星洲將機密賣比美國既二頭蛇問題? 多幾間A股老闆搵投行押股借錢, 夾一夾數, 出報告short sell 呢d行為, 滬港通容易定滬玻通容易?

我實在想不到何以陸sir的識見會提滬玻通, 想必是我見識不夠, 陸sir 可否再詳加解釋?

2014/10/28 10:17:40 回覆

袋鼠: 自駕WORK? 好提議喎, 我GOOGLE過, 只係16分鐘車程... ${#icons_dog8}$

2014/10/28 10:16:28 回覆

"一方又希望能藉此機會培養獨立的能力"

這是最多人的錯覺, 咁多人無出外留學, 他們如何學獨立? 小些貼身服務, 放他自我解決問題就是了.

簡單講: 喜歡讀書, 讀得好, 有名校收, 又可負擔, 可以出外讀, 甚至應該去讀.

不是 ... 不是 ..唔讀得就出外讀, 入間野雞讀.

2014/10/28 09:55:14 回覆

小貓: 識用癌症做比喻, 又講望聞問切. 唔通你嗰五百份之一? ${#iconb_223}$

2014/10/28 09:41:15 回覆

螞蟻亦要搵野食，唔做事確係無益，
少壯就要多努力，來日望自食其力。
學生哥，要思己過，唔係第日悔恨更多，
人之初，應知錯，唔自立就會捱餓。
${#iconb_364}$

2014/10/28 09:34:58 回覆

去外國讀書唔係包保一定成功，好多都失敗收場

如果眼見細路性格唔適合，勉強唔黎

而且去邊讀，讀乜分別好大，用錢都唔少

要考慮清楚

子龍 (kaka就是大叔的契哥) 2014/10/28 09:17:40 回覆

學生哥應把握機會與正苦對話, 將戰線回歸談判桌, 這才是正道. 全民公投也好, 民主化提委會也好, 通過對話解決問題, 佔中為下, 佔心為上, 重唔明??? ${#icons_dog5}$

2014/10/28 09:10:36 回覆

陸sir, 想請教一下有關升學問題, 目前家人對小兒明年的DSE後出路有不同意見, 爸爸主張在港升學, 考到咩學校就讀咩, 要佢自己對多年學業後果負責, 阿爺主張小孩要盡力培養, 在港如果上唔到好的大學, 辛苦些也應該争取到海外(加國/澳洲)升學…..自覺小兒學習動力不强, 目標也不明確, 比較被動, 一方面擔心這種性格不適合國外國教育氛圍, 一方又希望能藉此機會培養獨立的能力 ……想在家長的層面了解一下海外升學的優劣影响 ,因我們對此完全陌生, 希望有經驗的綱友提供意見, 謝謝!

KFC 2014/10/28 08:49:36 回覆

寶翠園車位380萬放摩

高買入價兩成半

2014/10/28 08:48:53 回覆

經常看到有人說 CY 點差點差，坦白說，如果比本來內定的唐唐做，又會好成點呢? 樓價高企，香港竸爭力下降並不是 CY 上場後造成的，CY 上場後其實做了不少惠民的事 : 例如雙倍生果金，在內地養老的老人家可以申請資助，不用每年住滿一定期間，加快起公屋和重建居屋等等, 為什麼沒有人說呢? 站在道德高地指責別人, 何其容易 !

2014/10/28 08:38:34 回覆

耗著

http://www.bastillepost.com/hongkong/1-%E6%94%BF%E4%BA%8B/395262-%E8%80%97%E8%91%97?r=w

無論贊成佔中或反對佔中的人，都沒有思想準備事情會長期磨下去。我曾經接觸一些佔據人士，他們甚至產生一種意識，期望政府早早清場，了結事件，讓他們可以回家，當然清場的責任全在政府。而反對佔中的人，自然會期望政府早早清場，讓生活回復正常。如今看來，不能期望政府來做這個醜人，大家要行動自救了。

老師，

請問我們怎樣自救? 去清場?有錢的人能移民，基層或底下層呢?

政府該做的事不做，要民眾對民眾?

若中央覺得香港是負資產，由得香港滅亡，不如給回英國管治。以前的港督也沒說過這些特首門這麼沒智慧的話說。

2014/10/28 07:49:29 回覆

根據陸sir（耗著）話齋，唔知會晤會變左滬波通，滬倫通，定係滬紐通，到時候我地就會慨嘆，馬雲去了紐約上市，滬港通變了滬紐通 ${#iconb_3133}$

animal666 2014/10/28 06:53:18 回覆

滬港通有排唔通
2014年10月28日

　　外圍升市，無奈假期傳來滬港通押後消息，一開市炒兩地股市相通概念的股份即係碌低。當打呢個概念的港交所(388) 大插逾4%，與A股相關的指數基金都有資金流出嘅跡象。

　　佔領風波累埋A股

　　陸羽仁一早預告咗滬港通暫時不通。不幸中之大幸，係阿爺無正面講滬港通因佔中唔通，有少少含糊，對市場衝擊無咁大。不過還要小心，𠵱家聽啲消息「係佔中一日未解決，滬港通一日無得通」，市場暫時都以為滬港通都係推遲一頭半個月，但萬一佔中拖半年、一年咁點算？怕就怕拖得耐殺個新加坡出來，話同阿爺傾「滬坡通」，阿爺又唔怕去傾吓，咁就攞命啦。隻港交所跌咗落嚟有166.2元，短期跌得急有可能彈吓，但小心大家慢慢發現滬港通有排唔通的現實，彈完佢仲要向下尋底。其他一系列炒滬港通的股票，都可能有類似要反覆尋底的命運。

　　滬港通未取得啟動批准，連內地股市都受影響，上證指數開市已失守2300關，以及上周IPO申購所凍結的資金，要待明天才能解凍，資金面仍然趨緊。在不利因素影響下，上證指數最多曾急挫近1%，全日在低位上落。證券股沽壓重，平均跌近4%。

　　港股方面，恒生指數收市報23143點，跌158點，成交增至567億元。國企指數報10312點，下跌80點，藍籌股普遍向下。

　　滬港通係撐住港股嘅主要概念，𠵱家消息洩咗氣，唔再「靈擎」，咁香港遇到其他負面消息，就要直接承受無情衝擊嘞！港股未來一兩個月未必會跌得好急，但大勢都要下行搵底。

　　萬洲受通縮威脅

　　二線股最傷係隻萬洲(288) ，佢旗下雙匯管理層指第三季季績失望，股價猛插近兩成，收4.96元，一日跌咁多，散戶真係無得走。萬洲的市場轉弱及政府審批慢，但大行德銀暫時續撐萬洲，目標價8.3元。不過，𠵱家內地通縮威脅未除，佢咁急跌法，博反彈就要嚴守止蝕。

　　比亞迪(1211) 將於周三(29日)公佈業績，股價現下跌3.5%，失守二十天線，在50元水平爭持。由於中國汽車工業協會秘書長董揚表示，經濟放緩在汽車產業將有所反映，預計今年中國汽車市場將僅增長7%，汽車股普遍隨大市下跌。　

　　除咗股市短期投資情緒，另一樣要擔心香港企咗喺度，但其他人唔會等你，好似話醞釀多時的天津自貿區方案，又有報道話呼之欲出，國務院早前正式批准天津港口岸新一輪擴大對外開放計劃，而天津港下轄的東疆港區正是目前天津市申報自貿區的主要陣地。

　　內地《經濟參考報》引述權威人士透露，天津自貿區除了保留上海自貿區內可複製的方案外，還會以發揮融資租賃業務功能為重點，增加對內輻射效應，而天津自貿區的投資負面清單可能會更少，開放力度將更大，凸顯自由貿易港功能。

　　商務部研究院國際市場研究部副主任白明分析指，自貿區意義在於開放，口岸限制大會成為約束發展的瓶頸，故是次對外開放給予當地探索自貿區的基本保障，再加上隨着京津冀一體化加速，愈來愈多的經濟資源和行政資源互聯互通，這賦予天津自貿區更多意義。可以預見，內地省市會加快轉型力度，香港呆呆吓，股民唯有吼吓其他概念，自己搵機會啦！

　　陸羽仁

2014/10/28 04:54:27 回覆

2014-10-27

Dow Jones Industrial Average (^DJI)

16,817.94 12.53(0.07%) 4:34PM EDT

Prev Close:	16,805.41
Open:	16,796.10

Day's Range:	16,729.83 -16,836.98
52wk Range:	15,340.70 -17,350.60

Dow Jones Industrial Average (^DJI)

2014/10/28 02:08:43 回覆

如果要我用婚姻愛情關係為例, 就係兩代人對自由戀愛的睇法, 後生仔女寧要愛情, 不愛麵包, 高呼自由戀愛, 父母對子女的對象有保留(可能因為印象, 可能因為對方收入唔穩定, 可能因為網上結識), 子女離家出走, 但激情過後, 通常都係父母是對的, 因為諷刺的是自由戀愛下的現今社會, 離婚率更高.

曹仁超曾經用以下比喻民主, 內容大概如下: 民主就像未追到手的女孩子, 遠望十分吸引, 一但追到手結婚以後, 才發覺不外如是

2014/10/28 01:55:43 回覆

03年樓價跌到老董腳痛下台, 趕走了老董, 換上甚麼也不做的貪曾, 基建停了, 置業階梯停了, 自由行唔識控制, 導致今日高樓價伏線; 今日如果CY因為高樓價而下台, 換上另一個人, 或者因為佔中而失去中央支持, 負資產, 燒炭重現, 只可講一句香港人自作自受. 以買賣股票的角度來睇, 群眾的狂熱最後往往證明是錯的.

以今日回望過去, 已經還了老董一個公道.

2014/10/28 01:01:33 回覆

終結者，係『放任而沒有制約之下嘅』資本主義嘅錯 ${#iconb_67}$

唔係個股市點會咁多波幅咁好炒？

2014/10/28 00:11:25 回覆

依家控股兄~

出差都得閒睇下呢度的師弟師妹呀~~

您的見解很認同,今次佔領就算點攪點收尾,都係一種民意表達。

有家有咩感受都講清講楚,對統治者決定如何管治時,都更準確地考慮清楚,

咁樣唔係一件壞事。望聞問切嘛~才能對症下藥

大戶終結者 ( 等人齊 ) 2014/10/27 23:46:16 回覆

金錢萬惡, 係資本主義既錯! ${#iconb_67}$

2014/10/27 22:56:53 回覆

依家兄，have a good trip！ ${#iconb_241}$

雖然好唔鍾意睇見旺角嘅場面、嗰啲憤青，但係整個背景、點解一鑊嘢爆出嚟，又真係完全同意你講法。

大部份香港人，分獲利益比份又有得幾多？

莫非真係用番呂奇嗰句，呢啲係社會嘅錯？

2014/10/27 22:10:20 回覆

陸sir, 網友們，在下出左差，呢幾日又離開左香港，睇完陸sir篇耗着，都有幾句想吹下

在下感覺到，佔中係97，03年之後，香港既經濟同樓價第三個轉折點，03年樓價跌到底，賤物鬥窮人，太多人頂唔順，借住23條既事一野大爆發，跟住孫九招(維持到依家仲未有居屋，好似年尾有兩千個17年先入伙)，自由行，國企湧港，香港經濟反彈，問題係四個字“過猶不及”，香港人本身唔識做主人，冇遠見，去得太盡，無止境無限升既樓價同租金，再加理趕盡殺絕既領匯，再加自由行搶貴衣食住行，大陸人搶大學學位，今日無樓階級受既苦超越03年負資產，大陸人搶資源直接影響下一代年輕人，咁岩撞正厚顏無恥既689做特首，結果就借佔中事件一炮過大爆發佔中大爆發之後，可以預見大陸會對香港收水，停滬港通係第一步，下一步係自由行，但係從年輕人角度睇，佢地冇樓又冇錢買股票，停滬港通同自由行關佢叉事，橫惦讀書讀得好都係去銀行sell基金而已，反而最叻果批入投行搞ipo可能受影響，但果d有幾多個？真係讀書叻，做醫行去急証室日做36個鐘都月入五萬，阿爺停放水一樣做唔切，停自由行？舉腳贊成啦！你話果個賣過千蚊隻炒蟹，佔中搞到佢冇生意於是走去攬學生妹裙底既老闆，入左過百萬炒蟹，冇生意做等執粒，成間鋪伙記失業好慘？後生仔話你搵左十幾年錢，有n層樓仲未賺夠？做自由行賣過千蚊隻炒蟹，迫走晒細鋪茶餐廳，人地d伙記就唔慘？最好快d執粒，變返晒做士多茶餐廳啦！

在下唔係話佔中迫停滬港通，自由行天經地義，而係咩都有因果，佔中咁多人參加，背後深層次原因不可忽視，就算有外國勢力，點解本地人一呼百應？講到底，去得太盡，所有野都物極必反，03年樓價跌到老董腳痛下台，唔知今次樓價見頂，689有冇機會成為第一個樓價升到要下台既特首？如果689可以青出於藍，老董真係老懷安慰

2014/10/27 21:45:41 回覆

小貓，袋鼠會在你字句中刪除『原則』、『立場』四字；因為有原則唔係壞事*。只係很多人以為佢哋自己有原則，但行動卻完全違反原則。而有立場就一定無可避免。

其他字眼保留，認同。

*當然應用在感情關係，就要有隻眼開隻眼閉嘅藝術吧！love is blind嘛 ${#icons_boy9}$

2014/10/27 21:16:39 回覆

袋鼠:

經過今次,我真係發現太多香港人唔知香港根本沒法獨立生存。

太多了,多到足夠拖死香港的未來,

以我比較熟悉的婚姻愛情關係為例,太多年輕情侶都以為要食住,騎住對方,要有原則,要有立場,咁對方先會尊重自己,咁樣先可以長久。

但實際上,這種不信任,甚至敵意的態度才是拆毀愛情的最主要原因。等到醒覺時,早就散左了。香港人依家就係咁。

animal666 2014/10/27 21:02:36 回覆

Blood is for sure...

SIGH...

2014/10/27 20:39:51 回覆

Modd兄，用你啲線索，找到討論區留言。假設，係假設，如果兩張電視截圖相中係同一個人，沒有被二元改圖，沒有點錯相，就真係好灰色地帶；作為記者要在自己個人立場及維護專業操守找平衡，袋鼠覺得以維護職業操守為首。

PS 睇睇吓，兩張電視截圖唔似係同一個人。

EDIT 28/10 : 已經澄清，又係五毛黨行為港台譴責捏造遇襲女記者訪問畫面

無論如何，無線那三名員工都好寃枉啫，有場面走埋去影係正常 (雖然都應該睇形勢去顧住條命仔)。攝影師被扯跌攝錄機，要報警非常合理，民事索償都要備案，否則叫佢貼份人工賠俾公司咩？

同一話題，唔單止律政司，其他政府高級官員，都唔應該参與任何社會民眾運動。

好難話去到邊個長官級數劃線，但司長級若果再會見學生，唔應該有一個強化對立取態吧？雖然可以討好一些民意，但只會更難去尋找下台階吧？警察好明顯，不論職級萬萬不可；兩年前有臨近退休警察，公開出席聲討粗口女教師，影響警察形象事大，犯大忌。記唔記得在龍和道撤退交場嘅輔警佔中者，都差啲將事件再搞大？

官員高調參與《還我道路》簽名運動的話，角色混淆。

2014/10/27 20:25:16 回覆

袋鼠兄我係信唔過記者, 有時為左報導, 挑起者好可能是記者, ${#icons_dog1}$ 所以話係記者搞比較敏感.

now 331台長期有現場直播, 有時我在網上去看看, 有時啲記者冇關咪, 都聽到下野

2014/10/27 19:41:28 回覆

Modd兄，唔怪得，總係覺得同你之前寫嘅留言，火氣好唔同 ${#iconb_256}$

2014/10/27 18:57:53 回覆

袋鼠兄, 他們用暴力硬係唔啱, 我在電視見到都覺得這班人好惡-離晒普.

剛剛睇朋友send來幾篇後記, 嬲得制寫左之前的留言 ${#icons_dog6}$

只不過記者的態度是不是有問題. 唉! 現在網上真假難分

網上流傳係港台既女記者做餌兼做戲,

2014/10/27 18:20:42 回覆

本來想收收聲，不過出開聲，小貓兄，那一段留言推測有紋路喎！

小貓愛情觀 27/10/2014 14:49:06 網友在此的回應

2014/10/27 18:15:50 回覆

Modd兄，老實講，有人問一句你有無收錢，都唔可以作為打人藉口嘛？

此外，你一旦出現在公眾場所，就放棄唔俾人影相嘅私隱權(怕俾人影，抑係留在私人場所﹐抑係遮面)，當晚記者亦不是犯跟蹤罪那種滋擾 (stalking)，當事人又無出示法庭禁令唔俾人影 (有時在家庭糾紛會發出，但好似限制發佈為主 - 假如係嘅就唔好去呢啲場合啦，明知一定多相機呀)，反而搶奪他人財物才是犯法吧？

問問題及拍攝係正常記者工作，頂多只係可以問記者有無sensitivity，但呢件事就肯定係打人犯法。

個個都話專重法治，但係警察護送人走，就反稱為支持執法拍手掌，可見好多人所謂法律，適合個人方便就係法律嘅反智言論？

PS 可否提供你提及到相關情況嘅source？袋鼠呢邊資訊慢，唔知邊度揾。

2014/10/27 17:58:33 回覆

香港啲記者質素 ${#icons_dog3}$