高盛睇好
美股上星期升幅創了近22個月最大升幅,雖然歐洲銀行同德國經濟都唔係幾得,油價插落每桶80美元水平,能源股下挫,美股昨日仍然企得好穩,先回再反彈,未見投市場獲利回吐,反映投資者對美股後市仍然信心滿載。 睇股市恐懼指標VIX指數徘徊在15想16之間區間,亦可以見到投資者對股市未來30天的走勢仍然樂觀。 歐元區上周日進行銀行壓力測試,德國銀行基本過關,但全個歐元區共有25家銀行唔合格。重災區集中在意大利。測試結果顯示,歐元區130家銀行的不良貸款在2013年年底增加了1360億歐元至8790億歐元(以美元計,已超過一萬一千億美元)。這筆數量驚人的不良貸款相當於歐元區所有經濟産出的的9%。加上歐元區經濟唔得,區內經濟龍頭德國10月IFO商業景氣指數從9月的104.7下降至103.2,低過市場預期,更係2012年12月以來最低水平。 經濟報告使人對歐債危機重的憂慮升溫。歐洲股市繼續腳軟,其中德國股市跌0.9%,法國跌0.8%。歐股唔得,加上油價再創新低,拖累能源股,美股朝早回軟。 以為美股上星期升得咁勁,昨日會借勢回調,但事實係美股非常硬淨,跌少少已經走番上來。杜指尾市收復上午失地,由跌轉升,收市微升12點至16818點,標普500指數則收窄跌幅,跌3點,收報1962點,納指收市靠穩,微升2點至4486點。 美股硬淨,除了9月二手房簽約銷售指數較上月增長0.3%至105點,係今年第二高值之外,投資者對於聯儲局今個星期召開議息會議,對提早加息方面會表現得比較「鴿派」有關,由於連「鷹派」的聯儲局官員都認為有需要繼續比較寬鬆嘅貨幣措施,所以投資者比較傾向聯儲局的會後聲明會保留「相當長一段時期內」維持低利率的措辭。 而高盛則唱好大市,其首席股市場策略師考斯廷(David Kostin) 發報告,話考慮到美國經濟增長的持續性,預期標普500指數今年底目標2050點,之后嘅10個月內仲會漲到2150點,即係最多仍有大約10%的上升空間。高盛睇好,對大市都有少少刺激。 迪拜ADS證券公司首席市場策略師哈姆利(Nour Al-Hammoury) 則指出,聯儲局這次貨幣政策會議之后,今年內都唔會再開會。預計在聯儲局發布會議聲明之前,市場可能不會出現最近幾星期頻頻出現的大幅震蕩。市場唔會大上大落,投資者又可以睇定啲,唔使咁急住銷定利潤。 紐約原油昨日朝早下跌接近1美元至每桶80.6美元,拖累能源股及大市下跌,不過,油價好快又彈番上來,最新報每桶80.7美元。油價下跌的主要原因係高盛將西德克薩斯輕質原油(West Texas Intermediate crude oil)目標價由 每桶90美元下調至75美元;將英國布蘭特原油(Brent)由100美元降至85美元。幾個星期前,花旗銀行出了一個報告話頁岩氣(shale gas)的總成本大約係70美元至80美元,油價再低的話,就唔可能有人會開採。問題係油價即使跌到高盛的預期,似乎仍未見底。 全球最大產油國沙地已經宣布會減產,但由於美國近期生產量大升,美國現時每天生產9百萬桶原油,係全球產量10%,明年將增至每日1千萬桶,邊際的增幅已經去了美國,而不是沙地。不過,美國產量也會隨著油價下跌而減少,因為美國生產原油嘅成本比沙地還要高。不過伊斯蘭黑市倒賣石油,亦成為油價下跌的另一助力。 油價現在再跌入破位崖邊。油價跌得咁低,市場上已經有人開始擔心,低油價,對消費者固然係好消息,但對美國能源業及就業市場就係一個好大的打擊啦。
陸羽仁 |
袋鼠: 對, 不宜妄自菲薄, 但係都要居安思危,... 唔係講今日上海取唔取代得到香港, 係講緊將來, 依個將來亦唔係憑空想像出黎既, 係據過去三十年既歷史而推測出黎既, 依家啲專家講緊中國經濟總量幾時超越美國, SO上海超越香港, 套用周生既一句說話, just a small dish... 當然, 就算上海超越左香港又唔係咩大不鳥, 中國之大, 點會話容納唔倒幾個世界級城市, 唔一定係零和遊戲, 此消彼長, 上海爆左上黎, 香港就一定衰. 記得中學時學既"六國論", 當然唔係講佢國與國之間既關係, 只係想引用佢解釋導致一個地方失敗既原因主要源於自身既問題, 而非敵手既強大. 所以只要香港努力做好自己, 根本唔需要理會邊個會超越你, 只要守護好我地既核心價值, 同成功既基礎, 香港仍可在世上發光發現... 現在的問題係,
1.何謂香港既核心價值?
2. 這些核心價值有沒有先後之分?
3. 香港作為一個地方政府既定位, 以前在英國管治下, 經過百幾年已發展終於搵倒個合適既定位. 在北京管治下經過十七年就重未搵倒, 唔知幾時先搵倒?
Re-post on behalf of:
陸SIR , 謝謝你的回覆 : 短炒要博反彈都只能定較低位分段入。長揸最好見佢有底再插唔穿底時才入。
但你意思係米調轉呢 ? 短炒要唔穿底才入, 要低位分段 ?
又: 關於基本因素 :
1> 油價跌不是應該利好嗎?
2>化肥價跌是否已從盈警及股價反映了嗎 ?
3>聯營陽坡泉煤礦 拍賣 , 拍賣是否要撥備? 流拍有何影響 ?
謝謝~~
陸sir:
如果中央不信任香港, 難道會反而信任星加玻? 滬港通的戰略目的是透過香港將A股市場國際化, 即係賣A股比鬼佬. 如果有滬玻通, 中央點解決星洲將機密賣比美國既二頭蛇問題? 多幾間A股老闆搵投行押股借錢, 夾一夾數, 出報告short sell 呢d行為, 滬港通容易定 滬玻通 容易?
我實在想不到何以陸sir的識見會提 滬玻通, 想必是我見識不夠, 陸sir 可否再詳加解釋?
Xuej 2014/10/28 9:10:37 網友在此的回應
陸sir, 想請教一下有關升學問題, 目前家人對小兒明年的DSE後出路有不同意見, 爸爸主張在港升學, 考到咩學校就讀咩, 要佢自己對多年學業後果負責, 阿爺主張小孩要盡力培養, 在港如果上唔到好的大學, 辛苦些也應該争取到海外(加國/澳洲)升學…..自覺小兒學習動力不强, 目標也不明確, 比較被動, 一方面擔心這種性格不適合國外國教育氛圍, 一方又希望能藉此機會培養獨立的能力 ……想在家長的層面了解一下海外升學的優劣影响 ,因我們對此完全陌生, 希望有經驗的綱友提供意見, 謝謝!
2014-10-28
Dow Jones Industrial Average (^DJI)
17,005.75 187.81(1.12%) 4:30PM EDT
袋咗先
2014年10月29日
滬港通壞消息插完一日,好似當無事咁,港股結算前彈番上嚟,不期然令人想起有人維穩的說法。呢排個市流傳一種講法,話有外資大戶造淡想撈大水,中央就全力撐住個市,實行唔畀大戶咁易得逞,實行政治上有政治上角力,經濟上有經濟上打仗,變成一場貨幣戰爭,至少頂到周四結算咁話。
個市係咪咁有戲劇性,陸羽仁只係信一兩成,但從淡友部署,9月初大市高位25362點,一嘢插落嚟,到本月初低位22565點,雖然唔算係股災,但調整最多近2800點計,基本上已抹去第三季升幅,如果要一條氣繼續向下再插,有一定的難度,要出現流血清場呢種事態至得。可幸聽聞阿爺最新部署係唔急於叫香港清場,佔半年都等得到,短期就不會有好災難性的事件。咁淡友停一停、唞一唞,喺結算前先食咗胡,一於袋住先,無論係實利抑或係策略上都係有着數,所以唔講有無中央維穩力量,個市喺咁低水平彈上嚟結算,係好正路做法。
克強效應再撐鐵路股
個市上彈另一個原因,係觀望外圍變化,因為美國買債計劃已完,聯儲局要就息口有所表示。按照原先走勢,主席耶倫應該開始就上調息口鋪路,但最近歐洲燃起通縮風,加上油價下插,有利美國延長低息時間,所以美國債息喺低位徘徊,美元喺10月中開始,表現無之前咁硬淨,反映市場對加息時間無睇得好似之前咁早。有咗呢個外圍因素,港股淡友有胡先食,都係明智之舉,畢竟真金白銀落咗袋,暖暖荷包,心理上都佔晒優勢啦!
借住內地股市急升,港股輕微高開後愈升愈有,受A股上升帶動,恒指最多爆升427點報23570點。午後上證綜指五連跌後勁彈逾2%,為三個月最大單日升幅,報2337點收市,市場憧憬國有企業改革。恒指全日最終升377點,報23520點,國指升237點,報10548點,主板成交677億元。百麗(1880) 業績佳,派中期息連同特別息共40仙,全日升9.9%,報9.32元,為全日表現最好藍籌。月尾咁夾法,但到下月可能又係另一個世界,如果揸咗重貨,可以諗諗係咪趁機減磅。
協鑫新能源亡命飛車
國務院總理李克強推介高鐵技術,刺激鐵路基建股大漲。喺克強效應下,中鐵建(1186) 升7.6%;中交建(1800) 漲2%,報5.75元。另外,市場消息指南車(1766) 及北車(6199) 停牌將公佈合併計劃。消息多多之餘,早上車的股民𠵱家真係進退自如,可揸可炒。
大市昨日以內地金融股表現最標青,無論內險抑或內銀,都係跑贏大市。呢浸追捧唔多唔少係憧憬中央放水,反正港股無乜概念好炒,要托高指數最好就搵大大件估值又平嘅內銀股。中行(3988) 上升2.79%,收報3.68元,內銀大笨象工行(1398) 弱小小,都升2%,收報5.05元;重農行(3618) 上升,中小行同民營銀行就只係微升,跑輸大市。內險股以中國太保(2601) 最出息,升近4%。
二三線股繼續炒味濃,協鑫新能源(451) 炒國策概念,近排不斷撩高。佢係月初曾經以2.55元配股,跟住就大幅撩高,不斷破頂。以昨日收市價計,又升8.33%,報收5.33元,已經比配售價高出一倍,呢架亡命飛車如果夠膽上車,𠵱家已經對本對利。睇番佢之前曾經有拆細等動作,一睇已經係個炒樣,但升到咁樣開晒巷,大戶大把水位走貨,短線隨時大上大落,好明顯係風險當炒股。
冷門股喺大股發力下,仍見熱鬧。可以一提係隻賽得利(1768) ,集團早前透露在內地業務獲得洽購,股價爆上,呢個星期又見佢異動。賽得利有意出售的黏短膠業務公眾唔係咁熟悉,呢類生產初期投入資金需求相當,若然賣盤成功,估計公司可以套現番一筆,股價當時已經炒上,昨日再爆上去創今年新高。不過炒呢啲股,記住借好消息兌現時食胡呀。
陸羽仁
謠言可以怎樣止於智者?
w
社會亂,謠言多。一事發生,大家都很憤恨。但不久消息傳來,原來這事情的反面才是真的。於是憤恨的情绪立即加倍。但不久又有最新消息,說反面的反面才是更真的。如此三反两覆,憤恨一再升温。憤恨己經變為仇恨。
原來仇恨是這樣製造出來的。
略施小技,波濤就汹涌了。
謠言可以怎樣止於智者?
甚麼都要親眼看見才信?
但親眼所見,也可能是逼真的戲劇效果呢。
所以,就需要跳上一個層次了。
例如,新聞報導,有人打記者。
又或,有人無端端打記者。
又或,是記者出言傷人在先。
又或,記者從未出言傷人。
以上孰真孰假,其實全不重要。
重要在上面的另一個層次:
到底傳媒在事件中的角色為何?
傳媒有無公正處事?大眾對傳媒的感覺怎樣?
以上問題清楚了,謠言就失去作用。
同樣原理亦可分析外國勢力的問題。如果你了解世界大局,知道甚麼事情正在發生,就不用親眼看見誰和誰在幕後有黑金交易了。因為你己看到更大的两股力量,在真實力場中的行為。
謠言只能在卑下層次有用。
謠言告訴你,是有黑金,是沒有黑金,是有中的沒有黑金,是沒有中的沒有黑金。
如果你 follow ,你就無暇觀賞大局了。
http://www.leechardasks.blogspot.hk/
依家兄:
RE:在下估19才子係想講,大陸買樓資產冇保障,政府一野炒你家,你真係叫天不應叫地不聞
----
嗯,呢個就同意。內地山頭地區主義好强大。所謂政府好多時都係各自為政的地區勢力。中央要維持國家完整和平,好多時都無法强硬執行打貪之類的國策。點樣可以唔革命,和平地把公平體現,真係難題。
依家兄,
我現在都只食香港品牌的食品, 因為放心一些. 台灣,大陸的,都有一些擔心.
誠信是十分重要的價值.
依家兄,
同意.
香港的核心價值,希望可以保存. 不然, 真的是沒了競爭力.
小貓兄,在下估19才子係想講,大陸買樓資產冇保障,政府一野炒你家,你真係叫天不應叫地不聞,之前好似睇過個新聞,海皇粥店係深圳開左間鋪,做左一段時間,業主係有背景人仕,突然話唔租比佢(毀約)又唔賠錢,店主死守,守得幾日政府派人黎打砸燒,掉晒d野冇得賠,公安法院傳媒一慨唔理,呢d就係制度問題,香港想有生意做,唔係要向大陸果套靠攏,係要堅持自己果套,去教好大陸
不過大陸人既思考方式已經入晒腦,在下識唔少大陸朋友,問佢地習大大打貪點睇,佢地全部讀過書,係外資巨企做管理層,全部人都唔信大陸真係打貪,打貪只係機立權威而已……
gary兄,19才子既題目係大陸奶粉就算係同一牌子都取代唔到香港奶粉,唔係日本奶粉取唔取代到香港奶粉,當然大陸買奶粉唔洗靠香港,不過大陸奶粉因為誠信問題做唔起亦係事實,再者日本寄過去要打稅,ems入口則則博係逃稅,當然香港走水貨過去都係逃稅……
依家兄:
RE:金錢是最公正的裁判,上海最貴的豪宅,如果能貴過香港呎價最高的豪宅,上海就超越香港了。
----
片面左D波,香港呎價世界第一,唔見得香港世界第一O波....
上海面積香港10倍,而且全平地,無山無水無森林,實用面積幾十倍,但上海連流動人口都無香港3倍wor,呢篇文强差人意左D掛?
以前講水貨客、土豪襲港,對香港人生活有何負面影響,但袋鼠都成日講,可以掉轉過嚟用正面睇,就係香港在那些人眼中係有優越地位。
身處香港人自己地方,不是叫你太感覺良好、不去居安思危,尤其是香港有不少要解決的內部矛盾,但也不應讓其他外人,言行上踐踏自己香港人嘅專嚴,更不宜妄自菲薄,而是自豪地緊守自己岡位,去守護著香港核心價值。
今日system輸左俾消息,開市斬期指輸$15000,之後市爆上😭😭😭
其實要買嘢,已經唔駛嚟香港買,而家日本樂天仲可以用銀聯結算,直送到大陸。只係來香港方便一點吧……
係youtube聽完19才子既光明頂,大陸取唔取代香港,唔係一個政策或者一個高官一句說話說了算,係市場說了算,係我地香港人本身能唔能夠堅守香港既誠信同法治制度,大陸到今日都冇誠信同法治,你大力投資,國企或者有背景人士搶你錢你根本冇得上訴,美素加儀其實大陸都有,但係大陸人就係要黎香港買,呢d就係誠信同法治,大陸超難取代,問題係香港自己守唔守得住自己既制度而已
下面係19才子今日篇文:
上海快要超越香港了。許多人放言嚇唬。上海會超越香港嗎?視乎哪一方面。如果你問問香港蘭桂坊酒吧的白種男人:他們喝得微醉時,打個酒噎,會告訴你真話:上海的女子比港女模樣俏正皮膚白,在衡山路,上海的女子比你們港女更樂意跟鬼佬(大陸叫「老外」)一夜情,上床比香港容易,你們港女近年對洋人開始挑剔,So, yes, that's true。中國上海早就超越香港這個破地方了。
但是,問問上海的土豪和高官,當他們手上有二三十個億,想買房子保值,會在上海置房產,還是香港?
上海能不能超越香港,除了比較兩地白種男人在酒吧一夜媾泡上床的性慾滿意指數,就是比賽上海兩地豪宅的呎價──金錢是最公正的裁判,上海最貴的豪宅,如果能貴過香港呎價最高的豪宅,上海就超越香港了。
這樣一比較,中國人不會作聲的,都眨着眼睛,心中有數。香港有呎價四五萬元的豪宅,上海沒有。為什麼香港的房子比上海貴?大陸的土豪和貪官心裏明白:香港有「比較健全」的法治。
香港的法律是英國人創立的,房產權益,受到英國普通法的保障,英國法律都能援引一七六五年一宗很著名的「安迪克對卡靈頓」(Entick vs Carrington)的官司:這一年,英國國王派了一個叫卡靈頓的官員,帶三個人,強行開鎖,闖進平民安迪克的房子。安迪克控告英國國王,未經許可闖進他的物業,毀壞他的鎖和傢俬,他要國王賠償。
英國法庭判國王敗訴,判安迪克勝訴,從此成為案例:「一個英國平民的家,是他的堡壘,任何人,包括國王,都無權侵犯。」
香港的法治,沾染了英國人的一股體味。香港、倫敦、洛杉磯,跟上海、北京、廣州不一樣。香港沒有「抄家」這回事。只有由獨立的法庭頒下的搜查令和執達令,而法庭不會據梁振英的一個電話來判決。
所以香港房地產呎價領先上海一天,香港就不會被上海超越。正如洋人的一股體味,在酒吧,令上海妹和港女聯想起海濶天空的英國護照和美國綠卡。性(Sex)和金錢(Cash),決定了人性和市場的選擇。上海能超越香港嗎?問來香港搶購奶粉、生孩子、買豪宅的大陸中國人,他們都眨眨眼,不敢說話,但不停向香港這邊付鈔。
其實肯做人大,係半個身入咗政治,呢個係统戰既方法,大可以唔入,唔享用國家領導人資格,不過咁誘人,又好難抵受既。而且邊有可能政經分離,有啲嘢又唔可以睇得咁簡單。
你睇美國佬都係差唔多,邊間公司唔聽話,先扣帽子,然後罰舊大錢。一係就上庭再見,匯豐渣打已經係咁。要做大生意,點都要靠吓邊站啦,差左明定暗啫。
至於唔搞滬港通,或者可以搞吓滬(台)北稼,又一個统戰方法。
Blood is for sure...
SIGH...
田少當年23條臨陣倒戈,北大人已經放佢一碼,後尾佢自動退出行政會議,今次堐義氣幫富豪老友們出聲,應該預咗被UNFRD。
G2000係佢家族生意,佢細佬打理,大陸都好多分店。
極權統治,連沉默的自由都無。。。。。。對學生們的追求,非常理解。
田少啲 "kiss of death" 幾準確吓。
佢批個形勢其實批得無錯。
共產黨都係離唔開帝皇之術。
中國貪官可以在六年時間(2005-2011),向全世界走資估計約2萬8千億美元,阿爺點使放你啲港產富豪在眼內! 香港樓貴有原因。
How Chinese fortunes are hidden in Australia - Australian Financial Review
The Chinese are calling it “Operation Fox Hunt” and the numbers involved are staggeringly large. The Washington-based Global Financial Integrity group has estimated that $US2.8 trillion flowed out of China illegally between 2005 and 2011.
The Central Commission for Discipline Inspection, China’s top corruption fighting body, estimates the figure could be as high as $US1.5 trillion for this year alone.
gary,
田少無乜下場要怕啦, 一早講左家族生意沒有北上, 先咁夠薑.
咁黃帶軍都unfriend籃帶啦, vice versa, 其實任何團隊(及人)都是只聽合聽的, 平常心啦.
噚晚討論呢單嘢,香港電台出嚟澄清。
港台譴責捏造遇襲女記者訪問畫面2014年10月28日 (04:03 PM)
4名港台及無線電視的記者及攝影師上周六採訪「藍絲帶運動」晚會時遇襲受傷。但網上流傳附有遇襲的港台女記者王詠妍,當日現場的採訪新聞字幕畫面。港台澄清,王詠妍當日在集會現場進行採訪時,只負責拍攝工作,從沒有訪問任何人士。
網上另有流傳,訪問王詠妍附有「只問了他們收了多少錢出來集會」字幕的無綫電視新聞畫面,經港台向無綫新聞部查詢,與及翻看當日錄得的足本影帶後,證實沒有該段談話內容,網上流傳的畫面,實為偽造。
另外網上流傳指王詠妍為「佔旺」受訪者,亦非屬實。
港台對於這些揑造行為及不符事實的指控,予以譴責。港台強調,新聞部記者,不論以任何方式聘任,皆嚴格遵照採訪守則而行,秉持專業的態度履行記者應有的使命。
在下覺得其實唔止田少,好多傳統富豪其實都唔妥689,試諗下,富豪一早就批死689唔惦,好啦,依家証明真係唔惦,你又叫人幫手死撐689,咁大家咪唔出聲當幫忙囉,點知唔出聲都比你小,有冇搞錯啊?
雖然有話依家社會上既怨氣有大部份都係前朝貪憎種落黎,但係歷代三任特首都冇民選背景而且由中央指定,既然係咁,大家就覺得三任特首其實都冇分別,有問題唔可以賴上一手啦,再講689係上一届政府假假地都係行政會讓召集人,貪憎d衰野入佢數都無可厚非
睇689近排講野,見佢口震震咁款,睇佢就算做埋落去,都冇料到嫁啦,唉,不如老董出山救下佢個徒弟啦,佢隻腳好似好返晒咁喎,可以打前鋒?
在下都幾同意二打六兄所講,北京唔搞滬港通,但好難搵其他地方搞,阿爺做野鐘意everything under control, 中資銀行係香港勢力巨大,係香港推滬港通,可以安全推行,幫a股走出去同時帶晒頭盔,有咩事都有國企銀行睇場,唔怕外國勢力衝擊,而且仲可以食埋香港金融業呢隻金蛋,對阿爺自己同人民幣國際化都有重大意義
搵新加坡?要知道國際金融業依然係美國話事,中資銀行係新加坡又唔係特別大隻,有事上黎如果要搵李光耀出面保你,就咩面都冇晒啦,當然,唔可以認真大搞,都可以扮晒野少搞做下勢既,搞隻南方A50新加坡版黎上市,比個名做滬玻通,炒下慨念又冇咩所謂
草兄,
人大 unfrd即係幾乎同開除黨席都無乜分別。好明顯一樣嘢,香港邊個唔聽話就無好下場。
被人大 Unfriend,
最近好普通姐.
嘩,郁手拉田北俊落嚟,有戲睇
田北俊將被免除政協職位 | 政事 | 巴士的報
http://www.bastillepost.com/hongkong/1/396325
咸魚苦呀...
叮噹....全日大市升接近4舊, 奶粉很好意頭188......
小貓兄: 名師等同10倍股, 難求呀......
子龍兄:
RE:學生哥沒有錯, 錯的只是教壞他們的大人呢.
---
HAHA~我個仔都話比我知,小學老師都有向課堂上教授佢地呢D"港民教育",
我幾希望學民思潮能組織一下示威,証明佢地反對洗腦式的教育
安仔: 你....你是打工皇帝..... . 所以子龍痛恨那些大人們, 而憐惜那些學生哥們, 請阿爺給與學生哥們改過自新的機會.
bosssssssssssssss,
從口號中已明白他們不懂民主呢.//好同意你講,錯在大人點教
同事留我話返工等出糧好了. 我每日要出門口和坐係個位度,又算唔算要做呀?
小貓兄: 其實民主不是給您或我, 是給與人民. 但香港的小朋友, 學生哥習慣了說, 我要什麼, 我要什麼, 寵壞了. 從口號中已明白他們不懂民主呢.
學生哥沒有錯, 錯的只是教壞他們的大人呢.
安仔: 咁free??? 唔使做呀???
bosssssssssssssss,
你想幾時飲茶呀?我家下好hea,隨時都得?
Another example HKSAR government unfair prosecution...
SIGH...
ATV had been delayed salary for almost one month... but Labour Department did not take any legal procedure...
SIGH...
公司因違反支付工資的規定被判罰款
****************
藝智國際有限公司因違反《僱傭條例》支付工資的規定,被勞工處檢控,今日(十月二十八日)在粉嶺裁判法院被判罰款三十萬元。該公司亦被命令須經法庭向三名僱員支付遭拖欠的款項,合共約三萬三千元。
該公司沒有按照《僱傭條例》規定,在工資期屆滿及僱傭合約終止後七天內支付工資予三名僱員,涉及的欠款額共為八萬二千三百五十元。
根據《僱傭條例》,僱主須在切實可行的範圍內盡快支付工資,但在任何情況下不得遲於工資期屆滿後及僱傭合約終止後七天內支付。任何僱主如故意及無合理辯解而違反上述規定,即屬違法,一經定罪,最高可被判罰款三十五萬元及監禁三年。
完
2014年10月28日(星期二)
香港時間15時13分
袋鼠:
re:雖然若果學生能撤退,可緩眼前危機,但只是消除表面徵狀,回歸前後所積累的不平衡、內部矛盾,依然有待解決。
----
我一直有一個假設的,就是這次佔領會同當年8萬5千一樣,成為代罪羊。明小貓意思嗎? 所以其中一個"謎之力"可能想維持運動一直攪下去。
子龍:
re:我要真普選, 應改為--->真普選歸於人民
--
我覺得依家d人只係想運完桔,點都要收到利是先肯走。
什麼為民主,為你爭取民主,都只係口號。
年輕人內心只係唔輸得,分手都要贏,這是原則問題
buddaau:
haha~梗係唔係啦~不過,向佔領呢一個月,我發覺一件事,我地向呢度講既見解,同用詞,有好多過一段時間,就會上電視,被某些人用來表達對佔領的意見。唔知係英雄所見略同呀,定係個隱形十幾萬點擊的宣傳效果。
-----
re:當法庭頒發正式禁制令, 係唔係學聯退場既最佳時機呢? 雖然有班人話, 學生走佢地都唔走, 口硬者, 大家知道, 正正因為有學生既光環在, 政府先就住就住黎, 如果學生一撤, 警察就唔會再縛手縛腳啦...
-
我覺得學生退場後會好d,但主要因素又未必係咁。
要清場,依家隨時可以清得,而且一定好低武力都可以清到。
但佔領者就係等緊警方清,然後再大規模反佔,因為依家咁被圍城無新聞價值,但對抗清場會吸引社會目光。
所以佔領者好大部份係好希望清場的,不然咁hea法,好易hea死。
而政府方,擺明係陷阱,又會唔會硬去清場呢? 我依然覺得繼續圍城比較實際。
這才突顯政府堅守"愛與和平"的原則嘛~
安仔: 噢...咁hea都唔找boss飲茶??? 10月份受政治影響, 沒有了心情炒股呢. 投機者往往是知恥近乎勇, 奶粉就像美少女, 同樣是難以忘記.....
bosssssssssssss,
因為我忙緊hea 所以少左上黎探你.
我唔諗得太多外圍因素,有點煩,腦無位入咁多野,你好好想下股票是否值買入吧.
正如奶粉係咪值得咁掛住佢呢.
小挾, 受制, 破底, 后抽, 再受制--->瀉......
當奶粉遇上小挾時......
小挾多滋味.....
沽升呀!
陸SIR , 謝謝你的回覆 : 短炒要博反彈都只能定較低位分段入。長揸最好見佢有底再插唔穿底時才入。
但你意思係米調轉呢 ? 短炒要唔穿底才入, 要低位分段 ?
又: 關於基本因素 :
1> 油價跌不是應該利好嗎?
2>化肥價跌是否已從盈警及股價反映了嗎 ?
3>聯營陽坡泉煤礦 拍賣 , 拍賣是否要撥備? 流拍有何影響 ?
謝謝~~
安仔: 午安, 何解失蹤左成排??? 望住奶粉, 令Boss要學懂止損, Boss呢排只會買太陽能.
問題成因在老美的量寬, 引致資產價格急升. 將財富不均明顯化了. 當然正苦的政策未能彈性回應, 這關係前瞻性. 只能經一事, 長一智...
bossssssssssss,
午安,做乜咁鐘情奶粉呀?
睇完依家兄昨晚留言,今日聽鼠嫂講BK又有人講,點解沙士、或九成按時唔買樓,點解反對八萬五。袋鼠睇落都似係啲唔係反智、就係五毛黨嘅癈話(轉載模擬藍帶訪問黃帶),全部睇倒後鏡嚟講嘢。
那條反智、五毛黨,應該唔記得在97時,有記者問董建華有關住屋難以負擔,問到眼濕濕。提出八萬五,印象中除了信報特別大聲警告,在亞洲金融風暴前,社會無乜反對聲音,畢竟那一代香港還未試過房產泡沬爆破,亦已被廿五年增長寵壞。
睇番今時今日佔中班友,以學生運動為主,加埋旺角啲憤青,成班人沙士時仲讀緊小學、幼稚園;除了少數同情學生嘅老人家,其他參與者頂多都係三、四十歲中產,佢哋出嚟工作時是通縮期,畢業後非精英只係揾七、八千一個月,仲要係失業潮之中,工作沒有穩定性嘅保障,呢啲人沙士時點買樓?!
此外,香港仲有好多餐揾餐食餐餐清,好似個阿婆入唔到政府總部返工就要咸,連示威嘅能力都無。
不論支持佔中還是反佔中,根本就係香港有分配問題(政治及經濟)才爆出嚟。雖然若果學生能撤退,可緩眼前危機,但只是消除表面徵狀,回歸前後所積累的不平衡、內部矛盾,依然有待解決。
《天與地》那句the city is dying,真係好嘢
叮噹....半日大市升舊半.
學生哥沒有錯, 錯的只是大人........
袋鼠兄,
最近其實係有些倦了, 少左上來. 今日下午決定睇戲 relax 下, 希望個市放我去.
buddy,以對家嘅『嘥士』係天文數字?
"因為有學生既光環在, 政府先就住就住黎" - 真係有咁嘅感覺。
二打六哥,講要防兩頭蛇,有啲道理喎。
GARY: 記得當年我重同個負責搞大O既莊員講記得要將我地傾好既理念擺入啲遊戲活動到, 典知佢同我講唔知點擺喎, 不如你黎啦...