陸羽仁
陸羽仁
陸羽仁

高盛睇好

2014/10/28 10:02:50 網誌分類: 經濟
28 Oct

       美股上星期升幅創了近22個月最大升幅,雖然歐洲銀行同德國經濟都唔係幾得,油價插落每桶80美元水平,能源股下挫,美股昨日仍然企得好穩,先回再反彈,未見投市場獲利回吐,反映投資者對美股後市仍然信心滿載。

         睇股市恐懼指標VIX指數徘徊在15想16之間區間,亦可以見到投資者對股市未來30天的走勢仍然樂觀。

         歐元區上周日進行銀行壓力測試,德國銀行基本過關,但全個歐元區共有25家銀行唔合格。重災區集中在意大利。測試結果顯示,歐元區130家銀行的不良貸款在2013年年底增加了1360億歐元至8790億歐元(以美元計,已超過一萬一千億美元)。這筆數量驚人的不良貸款相當於歐元區所有經濟産出的的9%。加上歐元區經濟唔得,區內經濟龍頭德國10月IFO商業景氣指數從9月的104.7下降至103.2,低過市場預期,更係2012年12月以來最低水平。

         經濟報告使人對歐債危機重的憂慮升溫。歐洲股市繼續腳軟,其中德國股市跌0.9%,法國跌0.8%。歐股唔得,加上油價再創新低,拖累能源股,美股朝早回軟。

         以為美股上星期升得咁勁,昨日會借勢回調,但事實係美股非常硬淨,跌少少已經走番上來。杜指尾市收復上午失地,由跌轉升,收市微升12點至16818點,標普500指數則收窄跌幅,跌3點,收報1962點,納指收市靠穩,微升2點至4486點。

          美股硬淨,除了9月二手房簽約銷售指數較上月增長0.3%至105點,係今年第二高值之外,投資者對於聯儲局今個星期召開議息會議,對提早加息方面會表現得比較「鴿派」有關,由於連「鷹派」的聯儲局官員都認為有需要繼續比較寬鬆嘅貨幣措施,所以投資者比較傾向聯儲局的會後聲明會保留「相當長一段時期內」維持低利率的措辭。

          而高盛則唱好大市,其首席股市場策略師考斯廷(David Kostin) 發報告,話考慮到美國經濟增長的持續性,預期標普500指數今年底目標2050點,之后嘅10個月內仲會漲到2150點,即係最多仍有大約10%的上升空間。高盛睇好,對大市都有少少刺激。

          迪拜ADS證券公司首席市場策略師哈姆利(Nour Al-Hammoury) 則指出,聯儲局這次貨幣政策會議之后,今年內都唔會再開會。預計在聯儲局發布會議聲明之前,市場可能不會出現最近幾星期頻頻出現的大幅震蕩。市場唔會大上大落,投資者又可以睇定啲,唔使咁急住銷定利潤。

          紐約原油昨日朝早下跌接近1美元至每桶80.6美元,拖累能源股及大市下跌,不過,油價好快又彈番上來,最新報每桶80.7美元。油價下跌的主要原因係高盛將西德克薩斯輕質原油(West Texas Intermediate crude oil)目標價由 每桶90美元下調至75美元;將英國布蘭特原油(Brent)由100美元降至85美元。幾個星期前,花旗銀行出了一個報告話頁岩氣(shale gas)的總成本大約係70美元至80美元,油價再低的話,就唔可能有人會開採。問題係油價即使跌到高盛的預期,似乎仍未見底。

         全球最大產油國沙地已經宣布會減產,但由於美國近期生產量大升,美國現時每天生產9百萬桶原油,係全球產量10%,明年將增至每日1千萬桶,邊際的增幅已經去了美國,而不是沙地。不過,美國產量也會隨著油價下跌而減少,因為美國生產原油嘅成本比沙地還要高。不過伊斯蘭黑市倒賣石油,亦成為油價下跌的另一助力。

         油價現在再跌入破位崖邊。油價跌得咁低,市場上已經有人開始擔心,低油價,對消費者固然係好消息,但對美國能源業及就業市場就係一個好大的打擊啦。

 

陸羽仁

回應 (20)
我要發表
 KFC
KFC 2014/10/29 09:44:58 回覆

Re-post on behalf of:

BoBo Fox ( 心好, 好日來)  28/10/2014 12:38:39  網友在此的回應

陸SIR , 謝謝你的回覆 : 短炒要博反彈都只能定較低位分段入。長揸最好見佢有底再插唔穿底時才入。

但你意思係米調轉呢 ?  短炒要唔穿底才入, 要低位分段 ?

又: 關於基本因素 :

1>  油價跌不是應該利好嗎?

2>化肥價跌是否已從盈警及股價反映了嗎 ?

3>聯營陽坡泉煤礦 拍賣 , 拍賣是否要撥備? 流拍有何影響 ?

謝謝~~

twohitsix  2014/10/28 11:37:3  網友在此的回應

陸sir:

如果中央不信任香港, 難道會反而信任星加玻? 滬港通的戰略目的是透過香港將A股市場國際化, 即係賣A股比鬼佬. 如果有滬玻通, 中央點解決星洲將機密賣比美國既二頭蛇問題? 多幾間A股老闆搵投行押股借錢, 夾一夾數, 出報告short sell 呢d行為,  滬港通容易定 滬玻通 容易?

我實在想不到何以陸sir的識見會提 滬玻通, 想必是我見識不夠, 陸sir 可否再詳加解釋?

Xuej  2014/10/28 9:10:37  網友在此的回應

sir, 想請教一下有關升學問題, 目前家人對小兒明年的DSE後出路有不同意見, 爸爸主張在港升學, 考到咩學校就讀咩, 要佢自己對多年學業後果負責, 阿爺主張小孩要盡力培養, 在港如果上唔到好的大學, 辛苦些也應該争取到海外(加國/澳洲)升學…..自覺小兒學習動力不强, 目標也不明確, 比較被動, 一方面擔心這種性格不適合國外國教育氛圍,  一方又希望能藉此機會培養獨立的能力 ……想在家長的層面了解一下海外升學的優劣影响 ,因我們對此完全陌生, 希望有經驗的綱友提供意見, 謝謝!

animal666
animal666 2014/10/29 05:30:52 回覆

袋咗先
2014年10月29日

  滬港通壞消息插完一日,好似當無事咁,港股結算前彈番上嚟,不期然令人想起有人維穩的說法。呢排個市流傳一種講法,話有外資大戶造淡想撈大水,中央就全力撐住個市,實行唔畀大戶咁易得逞,實行政治上有政治上角力,經濟上有經濟上打仗,變成一場貨幣戰爭,至少頂到周四結算咁話。

  個市係咪咁有戲劇性,陸羽仁只係信一兩成,但從淡友部署,9月初大市高位25362點,一嘢插落嚟,到本月初低位22565點,雖然唔算係股災,但調整最多近2800點計,基本上已抹去第三季升幅,如果要一條氣繼續向下再插,有一定的難度,要出現流血清場呢種事態至得。可幸聽聞阿爺最新部署係唔急於叫香港清場,佔半年都等得到,短期就不會有好災難性的事件。咁淡友停一停、唞一唞,喺結算前先食咗胡,一於袋住先,無論係實利抑或係策略上都係有着數,所以唔講有無中央維穩力量,個市喺咁低水平彈上嚟結算,係好正路做法。

  克強效應再撐鐵路股

  個市上彈另一個原因,係觀望外圍變化,因為美國買債計劃已完,聯儲局要就息口有所表示。按照原先走勢,主席耶倫應該開始就上調息口鋪路,但最近歐洲燃起通縮風,加上油價下插,有利美國延長低息時間,所以美國債息喺低位徘徊,美元喺10月中開始,表現無之前咁硬淨,反映市場對加息時間無睇得好似之前咁早。有咗呢個外圍因素,港股淡友有胡先食,都係明智之舉,畢竟真金白銀落咗袋,暖暖荷包,心理上都佔晒優勢啦!

  借住內地股市急升,港股輕微高開後愈升愈有,受A股上升帶動,恒指最多爆升427點報23570點。午後上證綜指五連跌後勁彈逾2%,為三個月最大單日升幅,報2337點收市,市場憧憬國有企業改革。恒指全日最終升377點,報23520點,國指升237點,報10548點,主板成交677億元。百麗(1880) 股價及相關新聞 業績佳,派中期息連同特別息共40仙,全日升9.9%,報9.32元,為全日表現最好藍籌。月尾咁夾法,但到下月可能又係另一個世界,如果揸咗重貨,可以諗諗係咪趁機減磅。

  協鑫新能源亡命飛車

  國務院總理李克強推介高鐵技術,刺激鐵路基建股大漲。喺克強效應下,中鐵建(1186) 股價及相關新聞 升7.6%;中交建(1800) 股價及相關新聞 漲2%,報5.75元。另外,市場消息指南車(1766) 股價及相關新聞 及北車(6199) 股價及相關新聞 停牌將公佈合併計劃。消息多多之餘,早上車的股民𠵱家真係進退自如,可揸可炒。

  大市昨日以內地金融股表現最標青,無論內險抑或內銀,都係跑贏大市。呢浸追捧唔多唔少係憧憬中央放水,反正港股無乜概念好炒,要托高指數最好就搵大大件估值又平嘅內銀股。中行(3988) 股價及相關新聞 上升2.79%,收報3.68元,內銀大笨象工行(1398) 股價及相關新聞 弱小小,都升2%,收報5.05元;重農行(3618) 股價及相關新聞 上升,中小行同民營銀行就只係微升,跑輸大市。內險股以中國太保(2601) 股價及相關新聞 最出息,升近4%。

  二三線股繼續炒味濃,協鑫新能源(451) 股價及相關新聞 炒國策概念,近排不斷撩高。佢係月初曾經以2.55元配股,跟住就大幅撩高,不斷破頂。以昨日收市價計,又升8.33%,報收5.33元,已經比配售價高出一倍,呢架亡命飛車如果夠膽上車,𠵱家已經對本對利。睇番佢之前曾經有拆細等動作,一睇已經係個炒樣,但升到咁樣開晒巷,大戶大把水位走貨,短線隨時大上大落,好明顯係風險當炒股。

  冷門股喺大股發力下,仍見熱鬧。可以一提係隻賽得利(1768) 股價及相關新聞 ,集團早前透露在內地業務獲得洽購,股價爆上,呢個星期又見佢異動。賽得利有意出售的黏短膠業務公眾唔係咁熟悉,呢類生產初期投入資金需求相當,若然賣盤成功,估計公司可以套現番一筆,股價當時已經炒上,昨日再爆上去創今年新高。不過炒呢啲股,記住借好消息兌現時食胡呀。

  陸羽仁

 

k-i
k-i 2014/10/29 01:57:53 回覆

謠言可以怎樣止於智者?

. .
w

社會亂,謠言多。一事發生,大家都很憤恨。但不久消息傳來,原來這事情的反面才是真的。於是憤恨的情绪立即加倍。但不久又有最新消息,說反面的反面才是更真的。如此三反两覆,憤恨一再升温。憤恨己經變為仇恨。

原來仇恨是這樣製造出來的。

略施小技,波濤就汹涌了。

謠言可以怎樣止於智者?

甚麼都要親眼看見才信?

但親眼所見,也可能是逼真的戲劇效果呢。

所以,就需要跳上一個層次了。

例如,新聞報導,有人打記者。

又或,有人無端端打記者。

又或,是記者出言傷人在先。

又或,記者從未出言傷人。

以上孰真孰假,其實全不重要。

重要在上面的另一個層次:

到底傳媒在事件中的角色為何?
傳媒有無公正處事?大眾對傳媒的感覺怎樣?

以上問題清楚了,謠言就失去作用。

同樣原理亦可分析外國勢力的問題。如果你了解世界大局,知道甚麼事情正在發生,就不用親眼看見誰和誰在幕後有黑金交易了。因為你己看到更大的两股力量,在真實力場中的行為。

謠言只能在卑下層次有用。

謠言告訴你,是有黑金,是沒有黑金,是有中的沒有黑金,是沒有中的沒有黑金。

如果你 follow ,你就無暇觀賞大局了。

 

http://www.leechardasks.blogspot.hk/

animal666
animal666 2014/10/28 21:06:17 回覆

Blood is for sure...

SIGH...

 

子龍 (kaka就是大叔的契哥)
子龍 (kaka就是大叔的契哥) 2014/10/28 16:08:24 回覆

叮噹....全日大市升接近4舊, 奶粉很好意頭188...... {#icons_dog5}

小貓兄: 名師等同10倍股, 難求呀...... {#iconb_273}

子龍 (kaka就是大叔的契哥)
子龍 (kaka就是大叔的契哥) 2014/10/28 15:48:25 回覆

安仔: 你....你是打工皇帝..... {#iconb_67}. 所以子龍痛恨那些大人們, 而憐惜那些學生哥們, 請阿爺給與學生哥們改過自新的機會. {#icono_85}

子龍 (kaka就是大叔的契哥)
子龍 (kaka就是大叔的契哥) 2014/10/28 15:28:53 回覆

小貓兄: 其實民主不是給您或我, 是給與人民. 但香港的小朋友, 學生哥習慣了說, 我要什麼, 我要什麼, 寵壞了. 從口號中已明白他們不懂民主呢.

學生哥沒有錯, 錯的只是教壞他們的大人呢.

安仔: 咁free??? 唔使做呀??? {#icons_dog1}

 

animal666
animal666 2014/10/28 15:18:33 回覆

Another example HKSAR government unfair prosecution...

SIGH...

ATV had been delayed salary for almost one month... but Labour Department did not take any legal procedure...

SIGH...

公司因違反支付工資的規定被判罰款
****************

  藝智國際有限公司因違反《僱傭條例》支付工資的規定,被勞工處檢控,今日(十月二十八日)在粉嶺裁判法院被判罰款三十萬元。該公司亦被命令須經法庭向三名僱員支付遭拖欠的款項,合共約三萬三千元。

  該公司沒有按照《僱傭條例》規定,在工資期屆滿及僱傭合約終止後七天內支付工資予三名僱員,涉及的欠款額共為八萬二千三百五十元。

  根據《僱傭條例》,僱主須在切實可行的範圍內盡快支付工資,但在任何情況下不得遲於工資期屆滿後及僱傭合約終止後七天內支付。任何僱主如故意及無合理辯解而違反上述規定,即屬違法,一經定罪,最高可被判罰款三十五萬元及監禁三年。



2014年10月28日(星期二)
香港時間15時13分

 

子龍 (kaka就是大叔的契哥)
子龍 (kaka就是大叔的契哥) 2014/10/28 14:56:31 回覆

安仔: 噢...咁hea都唔找boss飲茶??? 10月份受政治影響, 沒有了心情炒股呢. 投機者往往是知恥近乎勇, 奶粉就像美少女, 同樣是難以忘記..... {#icons_dog5}

子龍 (kaka就是大叔的契哥)
子龍 (kaka就是大叔的契哥) 2014/10/28 14:15:49 回覆

小挾, 受制, 破底, 后抽, 再受制--->瀉...... {#icons_dog5}

子龍 (kaka就是大叔的契哥)
子龍 (kaka就是大叔的契哥) 2014/10/28 13:54:40 回覆

小挾多滋味..... {#icons_dog5}

子龍 (kaka就是大叔的契哥)
子龍 (kaka就是大叔的契哥) 2014/10/28 12:30:27 回覆

安仔: 午安, 何解失蹤左成排??? 望住奶粉, 令Boss要學懂止損, Boss呢排只會買太陽能.

問題成因在老美的量寬, 引致資產價格急升. 將財富不均明顯化了. 當然正苦的政策未能彈性回應, 這關係前瞻性. 只能經一事, 長一智...

子龍 (kaka就是大叔的契哥)
子龍 (kaka就是大叔的契哥) 2014/10/28 12:10:18 回覆

叮噹....半日大市升舊半. {#icons_dog5}

學生哥沒有錯, 錯的只是大人........

子龍 (kaka就是大叔的契哥)
子龍 (kaka就是大叔的契哥) 2014/10/28 11:36:42 回覆

重生兄: 老散抄股只有4個字--->輸少當嬴. {#icons_dog5}

子龍 (kaka就是大叔的契哥)
子龍 (kaka就是大叔的契哥) 2014/10/28 11:29:01 回覆

講下股先....奶粉跌破20, 吸引嗎??? {#icons_dog5}

民主其實只是4個字, 不是什麼少數服從多數,亦不是什麼多數服從少數. --->以民為本.

多數人要關注少數人的需要, 少數人要明白多數人的想法, 要從對方的處境去想.

我要真普選, 應改為--->真普選歸於人民. 多美....

子龍 (kaka就是大叔的契哥)
子龍 (kaka就是大叔的契哥) 2014/10/28 10:27:18 回覆

wingzero: 如果你真是想對民主有些睇法, 子龍推介你看一套電影--->逆權大狀, 看完后你可能會發現何謂民主..... {#icons_dog5}

子龍 (kaka就是大叔的契哥)
子龍 (kaka就是大叔的契哥) 2014/10/28 10:16:38 回覆

陸sir師兄師姐早晨. {#icono0_2}

大戶終結者 ( 等人齊 )
大戶終結者 ( 等人齊 ) 2014/10/28 10:09:09 回覆
大戶終結者 ( 等人齊 )
大戶終結者 ( 等人齊 ) 2014/10/28 10:08:52 回覆
大戶終結者 ( 等人齊 )
大戶終結者 ( 等人齊 ) 2014/10/28 10:08:30 回覆

Good morning

user

最新回應

animal666
animal666 2021/04/17

2028...

SIGH...

2028…

SIGH…

 

 

 

//

唔買貴嘢

2017/07/25 09:28:51 網誌分類: 經濟

25Jul

          外圍股市變化不大,杜指跌66點,趁住市靜少少,我又無咁忙,答一答問題。

      近日經常有人貼我在2012年的舊文,質疑我在當年話樓貴,他們問我兩個問題,1. 點解「股平樓貴難永續」(當日文章的題)?  2. 2012年樓市是高還是低?

        簡答如下: 1. 仍然覺得股平樓貴難永續。2. 2012年樓市是高。我當日講樓升地產股唔升,兩者不會出現這麼大的差價,差價終將拉近。邏輯上之後會出現三種可能,第一樓價跌向下收窄和不高的地產股價的差距。第二地產股上升追趕樓價。第三樓價大跌樓價股價皆跌。

        如今暫時接近第二種情況,2012年樓價,以中原城市領先指數計,當年年中上升到110,比97年高位還要高。但當日恒生地產分類指數只有25000點左右。到今天中原指數升到159,地產分類指數升到36326點,中原指數升咗44.5%,地產指數升了45.3%,兩者升幅相當接近。

        唔買樓買地產股一樣升。你可以駁我買樓有槓桿,買股唔借錢無槓桿,呢樣確實係。你又可以駁我細價樓升幅比大價樓多,中原指數不完全反映現實。呢樣亦係,不過若你咁唔好彩走去買豪宅,或者新樓貴貴單位,而家比2012年跌了要蝕讓的大有樓在。

        我當日想講兩個觀點,第一是2012年樓價是高(這是第二個問題的答案,今天仍然覺得如此,不是今天更高,當日便不是高,樓價高低從租金收益率可以看到)。第二是有其他替代投資。

        第一點針對「自住的我」,第二點針對「投資的我」。先講第二點「投資的我」,這個世界有很多投資目標,不買本地港島樓去投資其他東西,可以買股票,也可以買其他地方的樓,如大陸樓,這就是所謂替代投資。最笨的如買我經常講的越秀房地產(405),每年派7厘息,2012年中3.6元,如今5元,賺價39%,加埋每年7%息,夾埋5年有70%以上回報,唔係好失禮。

        其餘如2008年、2009年我都幾經常講在大陸買樓,在2008年廣州市區天河樓1000元人仔一呎,即使到2012年也是1200、1300元人仔一呎,如今是5000元一呎,當然亦唔係咁多人買咗,我唔好講咁多,費事俾人媽我。不過對唔住,我自己過去幾年無在香港買樓,不過在大陸在倫敦買了樓,回報也不俗。所以覺得香港呢度樓貴,唔買有乜咁出奇。

        講番第一點針對「自住的我」,雖然我當日主要針對投資者,無叫人自住唔好買,我對自住用家買樓的問題都通常答案是「量力而為」,但如果你當日追問我,我會認為自住其實亦都唔太建議買。原因好簡單,我當日已覺得樓價貴,若財力唔夠夾硬去買,咁就咪制啦。

        我的心只想叫大家「控制風險」,自住樓也是長線投資,咁貴買風險幾高(今天係好高,明天可以係極高)。我見過1997年、2003年樓價大跌,好多人買了樓輸身家的慘況,有人被銀行斬倉,有人收入高頂得順,也供了20年貴樓,到今天才剛剛供完,20年收入主要拿了去供樓,特別是下跌之初頭5年,供貴樓搞到自怨自艾,搞到家嘈屋閉。所以我就扮晒巴菲特,叫大家不一定要買貴嘢。我年紀大啲,乜都見過,難免保守。

        講多兩句巴菲特,佢投資的基本點是不買貴嘢。但不冒風險不買貴嘢,貴嘢繼續升,提建議者會俾人鬧。巴菲特係芬佬,佢話試過唔買貴嘢,佢的巴郡表現跑輸大市,俾客戶日日鬧,又要沽佢隻股贖回投資,佢壓力好大,搞到電話都唔敢聽,捱幾年先至捱得過。

       都係唔好扮晒股神,我同巴菲特唔同,佢叻啲,我蠢啲。但佢搞基金怕客戶沽貨,我只係在免費網站吹吓水,無咁大壓力。我呢啲投資建議,你覺得啱睇可以睇,覺得唔啱睇可以咪睇,兩不相欠,相當自由。

//

2012年樓市是高還是低?

2028...

SIGH...

 

 

股平樓貴難永續(大結局)

2028年xx月xx日 (xx:xx AM)

 

陸羽仁

 

 

 

 

 

 

 

 

 

金融High Tea——
股平樓貴難永續(下集)
2012-07-16
      
上周五是「黑色星期五」,但股市並不黑色,內地公佈第二季經濟增長只有7.6%,市場相當冷靜,內地上證綜指微微升鰦一點都唔夠,等如無上落,收2185點。港股亦撐住19000點大關,收19092點,升67點。

        不過呢個黑色星期五去到美國仲精采,早前摩根大通深受「倫敦鯨」交易員投資失利影響,但上周五佢公佈上季業績較市場預期佳,股價勁升6%,帶動整片美國金融股抽上,再加上歐美投資者認為中國7.6%經濟增長,不是硬覑陸,杜指爆升203點,大升1.6%,終止連跌六日的頹勢,港股應有反彈,特別係跌得好殘的內銀股,應有像樣一點的反彈。

        大戶操控詮釋權

        股市就係咁,上上落落,壞消息面世時,又話「好過預期」、「其實唔係咁壞鎹」,股市升彈。股壇老雀極短炒時鍾意炒相反,認為如何詮釋市場資訊的權利在大戶手上,佢地鍾意同散戶做對手,所以要極短期炒作,只能在市場評價好差時買,在評價好好時賣。

        上星期寫了篇文「股平樓貴難永續」,講起網友「硬道理」在09年中因錯判市況,將05年入市的自住樓賣掉,然後將所有資金分段投放在A50(2823) 及工行(1398) 上,如今樓價升了,投資的股票跌了兩成多。文章見報後,迴響不少,有不少甚為專業的老友都有評價,可以寫寫他們的寶貴意見畀大家參考。

        第一,順大潮流炒作。有一個擅作價值投資的老手,睇完「硬道理」棄樓買股的手法,有此感歎,「買股票要年年有表現,其實近乎炒作,不是投資,炒作要順勢,唔講你個網友『硬道理』把自住樓賣掉,要冒上替代使用成本高升的風險(租金上升),單就炒作而言,佢鱓做法都是逆勢施為。」

        投資老手話,股神巴菲特咁成功,除鰦佢善睇公司價值,低價入市之外,佢都有「順勢投資」的味道,才不止長線有表現,而且中短期都有表現。例如佢在2002年、2003年以2元多的低價大手買入中石油(857)
,除了因為中石油股價低迷外,還睇到2002年911事件後,美國大幅降息,美元將持續走弱,石油等商品價格將長線走強的大趨勢,當時美國石油股唔便宜,就買纒中國石油股,結果食正油價連年大升的潮流,多年後就在10元以上沽出中石油獲利。

        股神都要順勢買

        又例如巴菲特在2011年1月以440億美元收購美國第二大鐵路營運商伯林頓鐵路公司(BNSF)。巴菲特雖然聲稱這次收購是對美國經濟前景的一次豪賭,但如果真係咁睇好美國經濟前景,點解係買鐵路公司而唔係買銀行?巴菲特係睇住美國正發生可能長達10年的非槓桿化過程,靠借貸賺錢的銀行唔係咁掂,投資進入低回報年代,加上油價高企,所以就買入鐵路這種回報較穩定的傳統公用事業,這種行為和李超人去英國買電廠、水廠有異曲同工之妙。當然,巴菲特偶有睇錯大潮流出事的投資,例如油價高睇好電動車,過份放大呢個行業的發展,入股比亞迪(1211)
,結果概念掂生意唔掂,股神勝在以8元入股比亞迪作價夠平,所以佢未死只是跟風者死晒。

        投資老手話「硬道理」在09年買入工行和A50基金長獱,事後睇係逆勢投資,因為阿爺在08年驚得滯大力投放4萬億救市,令股市和樓市當年升得太勁,再加上基建泡沫,觸發巨大通脹,2010年開始要收水救亡,這種收水潮,對投資內銀的氣氛不利,「硬道理」投資失利,係睇唔飱呢個收水大勢。反而好多人中短線炒纒內銀,跌得多買鱓,升一兩成走人,仲搵到食。

        第二,買樓有利長獱。我有另一個老友是極資深投資銀行前輩,佢20年前係巨型銀行的投資銀行部獱fit人,一直鍾情股票長線投資,唔喜歡買樓,當然佢亦有兩三間樓畀自己和屋企人自用,但他和香港人大多數發達方式不同,主要投資放在股票之上,而且係20、30年咁長獱。

        這位投行前輩舉鰦個例,佢話當年佢在包銷上市的公司中,揀鱓好鱓公司,用好少錢例如一、兩萬去買它們的股票(呢鱓錢在他而言只是零錢),買鰦十家八家公司股票,夾埋只是用鰦十幾萬,到而家無計歷年收的利息都值400幾萬,當中仲扣埋有一家公司執鰦笠股票變廢紙。佢話我可能唔覺得400幾萬係乜№錢,但佢只想試纒證明,長獱優質股票,獱得夠長有好回報。

        散戶買股難長獱

        當然,佢當年係投行大佬,睇住呢鱓公司上市,知道晒佢地盤數真假,佢長獱的股票有質素。佢承認呢個係事實,普通股民唔識揀,好多時會揀鰦鱓垃圾股,佢以內銀為例,雖然好多人怕內銀有壞帳黑洞,佢就唔係咁驚。呢個前投行大佬係中國好友,話中國第二季經濟仲有7.6%增長,仲話已經見鰦底,咁有乜№大問題,你睇纒歐美日的經濟有幾多增長?點解覺得美國好似安全過中國?美國最好的年代也只月3點幾巴仙增長,美國今年第1季增長只有1.9%,有幾好?所以拉長十年睇,佢唔覺得股票投資有乜問題,但你要日日問股價,日日去比較,咁就大問題囉,心理好易不平衡。

        前投行大佬話,一般人買樓好過買股,除了因為買樓有槓桿外,還因為買樓焗你長獱,但買股好易出出入入,但完全唔贊成投資者買股「游水」(將長線投資的股份高位沽出低位獱番),因為覺得大部份股民沒有合適的心理質素,所謂高沽,可能升少少沽鰦,結果只有輸錢股會長獱,賺錢股一早就沽走。內銀現價息率4厘、5厘,點解唔可以長獱?佢認為若有心理質素長獱,買樓買股都得,只要選擇低位入市獱佢十年廿年就得啦。

        第三,最怕係樓價追股價。聽完呢兩個朋友的意見,雖然好似一個話內銀唔得,一個話內銀得,其實只是中短線和長線的分別,內銀價殘,卻是大家都同意的事實。

        有一個靚女朋友上周問我,好買唔好買一個西半山樓盤投資,16000元一呎,佢想買一個500呎細單位租畀人,話利息咁平,隨時供平過租,有租金淨收入。我計一計,500呎單位盛惠800萬大元,呢鱓單幢樓實用率好低,500呎樓有300幾呎都偷笑,呎價真係貴得好緊要。但我見靚女貌美如花,好怕叫佢唔買一年後升到20000元一呎佢鈬找我晦氣,只能咁同佢講,樓價咁貴,但利息續低,升3成變20800元一呎當然有可能,但跌4成變9600元一呎也有機會,好似跌的機會大過升少少,就算升鰦上20000元一呎,兩年內賣要畀特別印花稅,利潤無鰦一大截,叫三思才好後行。

        靚女又問睇完我話「股平樓貴」,係唔係股價會大升?我見靚女一面「炒相」,好似唔炒樓想炒股咁,就提佢小心係「樓價追股價喎」,在這種百年不遇的金融海嘯中,投資唔好太冒進啦。

        陸羽仁

 

 

 

 

 

 

 

 

 

 

金融High Tea——股平樓貴難永續

      

2012-07-09

 

       中國減息沒有為上周五的市況帶來太多刺激,主要因為外圍唔好,內地股市上周五早段一度唔升仲要跌,搞到港股早段都要插,尚幸上證綜指當日午後都炒番上去,最後升1%收場,造2223點,港股都算收復失地,恒指只微跌8點。不過美股上周五又因為新增職位不理想,杜指跌124點,港股今日都要捱一捱。

      股市唔好景,炒股的人愈來愈少,傳統智慧話無人買才是投資股市最佳時機,不過在歐美大崩圍兼大放水時代,傳統智慧係唔係咁啱用,都令人存疑。股票買唔買都得,但買樓有實際使用需要,就必須處理,令人有好大煩惱。網友「硬道理」早前在頭條網留言提問,我覺得問題有普遍性,所以不妨引述一吓。

      網友「硬道理」咁講:「自問是紀律良好但不善投機的長線投資者,在09年中因錯判市況,將05年入市的自住樓賣掉,然後定下長遠投資目標,當時看好中國的長遠投資前景,將所有資金分段投放在A50(2823) 及工行(1398) 的股票之上,期間看着樓價不斷上升,雖然十分痛苦及無奈,但依然嚴守紀律,分段吸納,但3年過後,租金已將賣樓的利潤耗盡,自己的投資卻原地踏步,後期更是反覆向下調整,其中持貨較高的A50已比我入貨的平均價下跌28%,工行也下跌了22%,在後期將買貨目標轉至民行(1988) 及中銀香港(2388) 才止血,但倉位已滿,分配大概為A50 50%,工行30%,民行10%,中銀香港10%,由於A50及工行佔去總投資額的80%,令總投資虧損嚴重,本來看錯市受教訓是應該的,唯有處變不驚,靜待市況逆轉……工行、民行及中銀香港的投資,暫時偏向以不變應萬變,除非歐盟真的出現架構溶解的危機才考慮減持,這策略在這時勢還可取嗎?」

      沽樓買股受重創

      「硬道理」又問:「尤幸內子沒有給予太大壓力,亦從未有因為經濟緊逼而爭辯,但總會有片言隻語流露出對自置物業的渴求,但現在似乎在2014年利息回升之前,也看不到有再上車的時機,要說置業的好時機,可能還要再等2016年,因樓市縱然下調,開始時也會比較反覆,大量的剛性需求,會促使樓市在下跌初期不斷有小幅反彈,直至積壓已久的購買力完全釋放後,樓價便會正式受到考驗,陸老師同意這觀點嗎?」

      他又說:「由於對自己的長期投資策略開始抱有懷疑,我在銀行跟我推銷3個月超低息借貸時,借了一些額外資本,總利息成本為0.3%,我以這些額外資本嘗試以5%止蝕及高位回5%止賺的硬道理進行短炒操作,最低目標是保本,幸運地由於市況好轉,暫時的成果比預期更成功,由於要控制風險的關係,所以不打算加大短炒的資金,但的確對自己的投資紀律挽回不少信心。」

      「硬道理」的提問很長,佔了不少篇幅,希望《頭條日報》老總不要以為我在騙稿費,我覺得「硬道理」講了不少等買樓的市民的心聲,所以不妨長篇引述,我以點列回應。

      第一,賣自住樓要小心。我一直在講,如果是投資的樓,覺得樓價好高,賣咗出街,即使樓價再升,也只是賺少了,只要平常心對待即可,但賣自住樓要小心好多,這是一個百年不遇的金融海嘯,各國中央銀行也以百年不遇的手法去應對問題,結果難料。聯儲局主席伯南克的博士論文,就係議論美國1929年的大蕭條,主要觀點是若當時央行大力放鬆銀根,就不會蕭條10年咁長。伯南克如今正試驗他的理論,係唔係咁簡單放啲水就得,無人知,正因為咁,美國的利息政策係點,亦好難估。利息影響樓市,所以樓市的中短期後向無人摸得準,人人都知到加息時香港樓市好可能唔掂,但到底幾時加息呢?

      若伯南克成功救番美國經濟,可能在2014年,甚至更早就加息,樓市壓力就來。萬一相反救極都唔掂,而且再步向衰退,美國有通縮而唔係通脹問題時,只能令利息超乎想像長期低企,咁樓價又唔係咁易碌番落去。賣咗自住樓要長期租樓,好似「硬道理」老婆咁唔嘈已經好好,若一方賣樓,另一方老婆老公唔同意,鬧得一兩年,離婚都有可能,最悲哀係離咗婚樓市先至跌,證明當初賣樓的決定係啱,但一切都太遲,所以賣自住樓,除了睇市之外,還有一個感情因素要考慮。

      第二,做咗不要後悔。好似「硬道理」咁,睇落有清晰思路,有自己邏輯,就不要動搖。他的理論是樓貴股平,所以賣樓買股,而家睇落唔啱,因為樓升股唔升,佢有少少動搖,仲借錢炒股,我建議佢唔好借錢炒股,因為咁樣就開始偏離長線投資的基本策略,好易一錯再錯。堅持買股長線投資,可能5年後發現係啱。

      長揸平貨是正道

      第三,股樓背馳難永續。由於央行的行為「反常」,長期低息,大量放水,谷高通脹,推升實物資產,令房產和商品等供應好難短期增加的實物資產大幅炒起,但供應相對彈性的股市炒唔郁,結果出現內地十年股市原地踏步,樓價升咗10倍的畸型現象,雖然內地早幾年因為股改將原本不能買賣的公司大股東持股投入市場,令股票供應大增,但兩者背馳成咁,都有股票太便宜、樓價太貴之歎,恐怕差距會慢慢修正。貴嘢會跌,睇商品已睇到,反映商品價格的商品研究局指數(CRB CCI Index)去年4月上到691的高位,現已大幅回落至545,技術上跌20%已入熊市,佢已從高位跌21%,熊味不輕,再大幅下滑就確認大趨勢。CRB指數在2002年美元大跌之前,長期只是在200至250中間浮沉,未來若全球經濟再走弱,對商品需求再減,商品價格下行空間極大,其他貴價資產亦然,內地房產價格已回吐,香港樓價又能否長升不跌?當然,我講的是長線走勢,短期一年半載內樓價唔回甚至再升都唔出奇,對無樓者仍然係好大煎熬。

      第四,長揸收息唔失禮。我自己愛做長線投資者,本來好唔鍾意將長揸的股票出出入入,認為散戶點解買樓易搵大錢,買股無乜進帳,皆因持股坐唔定,升少少就走,所以一直建議「投資的我」買股要長揸。有人話而家啲股票係「呢世唔會再見到咁平」,所以你忍得住長揸,或許可以發達。不過好似「硬道理」咁,長揸A50基金和工行,而家仲要輸20、30%,心理上的確好惡頂,本來長揸A50基金有1.7厘息,好過放銀行,揸工行有5.8厘息,簡直吸引,唔睇股價就得,我的建議係揸落去,唔好低價出貨。若真係頂唔順,又估大市可能都係波動上落,可以等大市從低位升3000點時沽部份股票(只沽部份,不要清倉),博佢回吐跌番2000點時揸番,也是降低成本的方法,但要好有紀律去做,唔好太受市場影響,唔係沽咗唔去買番,就變成低位出貨,這種「游水」動作,要有定力才好做。

      最後總結,一般人覺得買樓容易炒股難,主要係揸股票無定力,買樓迫住你長揸而已。長線投資一定要買平貨,才是正道,如今樓貴股平,要長線投資,選擇清楚不過。

      陸羽仁

 

2028...

SIGH...

大戶終結者 ( 等人齊 )

服裝零售股值得吼

2021年04月16日10:34 最後更新: 10:48

陸羽仁
幪面馬仔
幪面馬仔 2021/04/15

{#iconb_329}左一巴,右一巴