相人之術（眉頭帶箭）

所謂眉頭帶箭, 就感情緒亂, 何謂眉頭帶箭呢？有冇睇過D箭左射右射, 一D都冇規則, 即是眉毛生得不規則也, 感情緒亂, 則是情感出了問題, 一個人情感有問題, 其實好易睇, 皺晒眉頭, 仲冇問題就奇了ｏ（所謂眉心帶箭, 亦都係, 皺得眉頭多, 自然有一條直紋, 在两眉中間ｏ）

有D人就好易同人產生感情, 乜鬼嘢都觴情一番ｏ其實 情, 是人類最奇妙的事, 有父子之情, 有手足之情, 有夫妻之情, 有君臣之情, 有朋友之情ｏ

有時所謂人在江湖, 人情難卻！

古時D人想揾人賣命, 就先用盛情字困住英雄, 例如太子丹對荊軻先生, 連千里馬的肝都俾佢試吓, 太子妃的手也斬下送埋俾佢, 屈到佢唔去刺秦王都唔好意思, 就係盛情所累矣ｏ

劉備對關羽, 張飛, 用結拜方法, 一同食, 一同寢, 好到無倫！所以两人終身肯為佢賣命！亦係盛情之累也！

人生在世, 總逃不了一個情字！無論愛情, 親情, 友情, 都要處理得妥妥當當, 咁先至會有一個快樂嘅人生嫁！

至於係唔係眉頭（或心）帶箭, 反而又唔駛咁死執着嘅！對人好D, 帶箭都會冇事者也！