區選笑談

十一月十八日是區議會的選舉日, 近日黄SIR的郵箱就多了一些選舉垃圾ｏ有D儍瓜侯選議員, 都唔知真弱智還是假弱智, 寫到密密麻麻, 边有人有心機去睇佢吹水吖ｏ有D現任的區議員, 平日都唔知佢匿埋係边, 從來冇見過佢, 係唔係住係呢區都未知, 一到選舉就懶老友, 企咗係當眼溉地方, 成個烚熟狗頭咁欵, 真係唔得佢死！

最妙我住果區, 有位候選者, 居然公然在政綱, 反對在厚德街市設立投注站,和在 東港城 設卡拉OK！

哈！乜呢個年代仲有D人以為投注站會教壞小朋友, 而卡拉OK就係藏汚之所？呢D思想落後得咁死緊要都講得出口, 點做區議員呀？大佬？小朋友是要教育佢地面對人生, 而唔係斬腳指避沙蟲嫁！不如唔准佢地見或接觸異性啦, 會做錯事嫁！

唱卡拉OK已成了大眾娛樂, 不設在商場, 又可以設在边呢？吓？有冇腦嫁？

有D以為利用政黨可拉票, 誰知黄SIR最鬼憎人狐群狗黨, 一見 民主黨, 垃圾桶見！自由黨！垃圾桶見！民建聯！垃圾桶見！乾手淨腳！淨番D獨立人仕ｏ（睇吓佢個衰樣！望之不似人君！）垃圾桶見！

哈哈！區選真多垃圾！