選舉笑談

香港有了選舉都好多年, 記得當年選舉的辯論, 非常弱智, 通常就有一個問題經常有人問, 就係……..六四果晚你係边？如果冇得答, 即冇參加過民主歌声獻中华, 一定應声落馬！非常弱智！

有一條間題, 係問D左仔嘅, 你係唔係共青團, 不論人答有或冇, 都一口咬死佢係亞爺派來, 又係一定瓜得！（即落選！）

當時最興是指責他人轉軚, 一轉軚就係衰人, 變咗人人冇彎轉, 一反至底！不能妥協！直至有一次有個高智小小的候選人, 話揸車冇理由唔俾轉軚噃, 唔俾轉個軚盤, 咪一定撞車！D儍佬才冇再話人轉軚！（黄SIR就覺得呢班友D辯論, 真係低層次之極矣！）

另一殺着就係話人親中, 強如葉鍚恩（做了多年票后, 一樣死！）就係俾人話親中就輸咗俾司徒華 （一個我一直以為佢係左仔的人, 可見當年大家對政治, 都非常之白痴！包括天下無敵的黃SIRｏ到而家都一樣！）

時至今日, 看陳葉之戰ｏ指人建制派, 保皇黨又係嬴硬的招數, 認（只係認）自己是民主派又係嬴硬ｏ到今時今日, 選舉的文化還是如此這般！

真民主, 在何方？高質素的辯論, 你…..你……你…….快D泥啦！