快樂的金毛強

今日在家附近的茶餐廳, 叫了一杯熱朱古力, 一件油占多, 通常對此類食物都冇乜期望ｏ

但當油占多送上來的時候, 黃SIR發覺两片麵包切得厚度適中, 而烘得恰到好處, 又靚又均勻ｏ D油占在麵包边看得出, 很用心的抹上去, 是一件很有心機的傑作！

看看水吧的小顆子, 是一個全頭染了金毛的金毛强（都唔知點解金色髮仔一定要叫亞強）又睇唔出佢會咁用心製作呢件油占多俾客人食！

應該是他很喜歡他的工作, 才會咁認真去做, 因為通常此類工作, 大家都冇乜要求, 求其亂咁做都得！但佢卻樂在其中！

只有一個開心的人, 敬業樂業, 很喜歡自己的工作的人, 先會咁樂意去做, 所以黃SIR肯定佢係一個快樂的金毛強！