快樂的七姐

街口有間 7 11 是我經常幫襯的, 其中有位女店員, 十分開朗, 充滿了陽光, 日日見佢笑口常開, 睇佢年紀都近七七之期ｏ（通常D女人到此年齡, 都古古怪怪, 無事生非, 多愁善感, 諗嘢就諗埋一边ｏ（據講而家叫, 新黄金中年也（即更年期！））但呢位七姐, 一D都冇此現象, 仲好努力SALE嘢！非常充滿活力！

先生, 買支豆漿吖, 買两枝送多支俾你又點話！ 哦, 而家我出街, 帶住三支豆漿唔方便, 番泥至買啦！

咁買包喉糖啦, 呢隻好好食嫁ｏ 哦, 我唔食開呢隻, 唔買……

咁睇吓有乜嘢啱？ D套……. 嘻嘻！買包紙巾啦！

每天都俾佢引發起, 我覺得生命的可愛, 豆漿？喉糖？套？都唔緊要,人總之有得吹水, 生命就有了意義！

有次我見這位七姐, 在教導一個看似初出茅廬的小伙子, 話佢剛剛頂撞個上司唔應該, 做人要學識點去遷就人至得, 咪以為自己一定啱ｏ

想唔到, 社會大學, 都有咁好嘅老師, 黃SIR做了28年老師, 似乎都冇乜教過D學生咁嘅做人的道理ｏ（我主要教佢地電子科技而已！）令我為之汗顏！

快樂的七姐, 黄SIR服了你！