觀劇感言

昨晚勇哥班來幾張粵劇折子戲晚會飛, 請我們一眾同學（粵曲班）去大會堂睇他的朋友趙籣心和林蕙玲做折子戲ｏ

當晚居然看到何家耀老師演出秋江（一套表演陸上行舟的戲ｏ）何家耀老師父親何劍秋, 母親雪影鸞, 七歲從藝做小神童, 一生就在戲行渡過ｏ（小時了了, 大未必佳！）雖有南北藝術, 但演藝要求是声色藝都出眾才成, 一個小朋友, 長長吓, 唔夠高, 唔夠靚仔, 任你唱做唸打會飛, 也是枉然ｏ寄語望子成龍之輩, 細思！

另一前輩朱劍丹也是老師級, 任白授徒, 奈何又係難與同門龍劍笙比,声色藝皆遜一籌（甚至两籌！）ｏ能唱, 能演但不為觀眾喜愛, 又係只能做老師吧了ｏ在戲行冇觀眾緣（同本身声色藝條件大有關係ｏ）又係識飛都唔得ｏ

趙蘭心是一個很有名的舞蹈老師, 當晚多塲舞蹈都排得悅目ｏ但唱方面, 畢竟是半徒出家, 雖有名師梁素琴也𣎴外如是！（演秋江時的唱工很弱, 但演去國又好咗好多！）

反而何偉凌唱工大有進步, 令人聽得舒服（同朱劍丹比較一吓便明ｏ）莫何婉嫻也是教基工老師（SANDY姐的老師ｏ）但唱工也是麻麻, 否則已是成功表演者啦ｏ（又係同何偉凌一比便知高下ｏ）

最後賢仔同林蕙玲的演出是全晚至佳的組合, 不枉此行！