遊戲人間心態

黄SIR有時發覺有些人, 對一些本來一D都不值得認真, 也不能認真的事, 過份地認真, 結果弄到身心皆疲, 不能自拔！

就以賽馬為例, 賽馬只能視作一個賭搏的活動, 而十賭九騙, 乃理所當然之事！但居然有人以為, 可以用體育運動的想法, 計算步速, 跑法, 騎功, 去賭錢, 結果唔輸到焦頭爛額就奇矣！

又例如黄SIR退休後玩唱粵曲, 看粵劇, 也是以遊戲人間的心態去進行ｏ但偏偏有人以為黃SIR在演藝事業會有什么什么幻想, 其實可以說出SHOW, 只不過貪得意, 滿足吓虛榮心ｏ不似有D人, 以為同賢仔唱就等同自己藝術成就係果個級數, 出一塲高山就可以一曲成名了ｏ走紅省港澳, 威震東南亞矣！

黃SIR又見過有D人, 以為佢D藝術會俾人偷, 所以演出過show的DVD就不能被街外人看ｏ（其實如果你D藝術咁醒, 又怕乜人學呢？唔通你叻得過所有D老倌？不自量力！）

以前黃SIR更遇過D人, 唱完D歌也不肯俾人聽, 驚人偷佢D腔ｏ真真吹漲！本來是遊戲, 变了秘戲！你話同佢玩有乜癮？

玩的心態, 就不能太認真, 有D人認真到小小一句說笑的話也容不了,唯有冇得玩先至肯收科！

原來遊戲人間的心態, 都唔係人人有！唉！趙是！