馬王風範
多得高科技,讓我們切切實實地比較兩個年代的三冠馬王,等講「美國法老」無敵的朋友死心。
「美國法老」贏三冠,除三關所有對手都不濟外(這從評分可以顯示出來),最重要的是他贏最尾兩關,都只可能在廿一世紀所發生的戰術有關。對手不濟,自己可以按慢步速,入直路才踩油拋甩。
相反地在過往,哪匹馬唔去到盡,贏到盡,在觀眾面前盡顯霸氣?「秘書處」段段(鑼)命的快速度,前千六米已走一分三十四秒二(「美國法老」是一分三十七秒九九),入直路拋甩對手鞍上人杜葛仍力騎,結果大勝卅一馬位。在現代,有贏得,都唔會咁盡,咁悅目。
自己生在「秘書處」年代,也在澳洲親睹兩匹電兔前領型氣袋「有型世紀」及「偉祿」,兩者都是喜歡自領十多馬位,有本事你就追!試若二者碰頭,步速快到癲,又如何?一樣各不相讓,咁先好睇!
真正馬王不是靠玩步速,要贏人心,就要靠本身的王者風範。對不起「美國法老」欠奉。我很期待下半年牠撼年長馬時的情況。