2015靚媽媽秋裝
係時候睇下。
2015秋天衣物顏色
今年嚮d時裝店見到橙色出沒...
http://www.fashionwaltz.com/?p=8708
呢度有講橙色。不過橙色好難襯架喎, 襯黑色、灰色, 白色, 或者布料上面有橙色都ok既。
又有講到「罌粟紅」、「珊瑚紅」~
棑色令人想起落葉, 秋天好似成日都見到棑色。不過衣服既顏色要襯返自己膚色架, 我覺得... 仲有頭髮既顏色要襯。唔係會好暗咁。
金色呀!
唔同顏色既格仔布, 包括銀色?
個人覺得, 薰衣草色唔適合我... 呢種色太過女性化。
又出現返成件過既毛毛衫~
軍綠色、寶藍色, 好悶囉...
黑白, 好單調。
呢套衫閃閃地既綠色就襯得好睇啦: http://www.ts-online.com.tw/luxuary_detail.php?id=268 不過唔夠高既話, 唔會著得咁好睇。算了吧。
圖案
正常d既係粗橫條, 偏暗既暖色調, 每一個條係唔同色既~
而好玩d既係有熊仔:http://www.toodaylab.com/69915
或者綉花丫, 印大花丫:http://lady.163.com/15/0312/14/AKH09DN900264N2N.html
唔係咁高點著好
http://www.2298.com/Article/110632.html呢度話高腰裙好喎。當然啦, 條腰都可以遮埋, 嘻嘻~
而行過H&M同UNIQUO發現UNIQUO既褲頭彈性好D, 都幾想去買佢地既緊身褲。雖然生完BB都瘦過街上大部分既人, 自己知自己事既, 條腰點會冇粗到丫...
仲可以著短JACKET拉高返個比例。
短裙呢, 夏天開始著返架啦, 秋天繼續著。
配飾呢
手袋都係偏細隻? 有金屬鏈果種... 都唔適合媽媽用既。不過推住bb車, 其他野放bb車, 就可以。又或者用揹帶揹住仔仔... 不過揹住仔仔又可以點玩配飾呢 =.=
今年又興返n年前既流蘇...不過個人覺得, 好煩, 一堆堆蘇咁, 仔仔又會蚊黎蚊去架啦, 唔使考慮。
鞋... 絲絨? 咁好難清洗, 有bb既媽媽都係著返皮啦。
好在粗腰帶未被淘汰... 上年燒餅送左好多俾我, 因為我叫佢賠返條腰俾我。當然, 如果你條腰靚, 幼腰帶好似仲時尚d。
返工既話, 細既短頸鏈又興返; 唔返工,繼續跨張啦! (燒餅都買左好多跨張頸鏈俾我, 嘻嘻)
不過今年頸鏈有個趨勢係, 短到就快cool住條頸會塞息咁...http://www.yoka.com/dna/d/317/314.html
http://www.ef43.com.cn/zhuanti/sennv/呢個網「森女系搭配」好有秋天feel, 望落去亦令人覺得好舒服。
頭髮係好重要架
依家想留長頭髮, 睇下邊d頭係靚架先...
有次嚮地鐵站見到一堆人, 有幾個都係紮丸子頭既。冬甩頭都仲興緊, 希望頭髮留到咁長。加埋個兔仔耳頭飾就夠可愛啦~ (雖然已係媽媽, 我行出街都仲係似少女架) 唔加兔耳仔, 可以用豹紋布整個橡巾~
粗頭cool好似又出現返~ 不過夏天買入既好多蝴蝶夾應該仲可以繼續用。
其實今年秋冬既編髮造型同夏天既一樣...
講到尾, 如果你要電髮, 呢十年要電既咪又一樣...只係留海唔使咁齊, 可以凌亂d~ 而頭髮既分界, 你都可以唔使太刻意, 自己條界嚮邊, 用返佢就ok~
搵左咁多篇野睇, 眼痛, 遲d先搵咩帽好睇, 同埋搵埋鞋款。
華衣配美人。