十八區粵曲精英總決賽（三）

今次大會安排了两位表演嘉賓, 第一位陳玲玉小姐屬國家級藝人, 但就播出的片段, 唱工認真麻麻, 有嗌曲的感覺ｏ

可能掛住彈琵琶, 顧不及用丹田氣唱！又可能身體不適, 不能運氣唱ｏ她本來唱小明星腔, 屬於有水準之人, 但當晚之表現麻麻而己！而無線又轉播了, 你想吓啦！咁又點可以推廣粵曲呢？（職業表演者都唔好聽, 以後點揾人買飛呀？你話死唔死？）

新劍郎的演出比較好小小, 但他不屬於偶像級人物, 粵劇界以龍貫天,李龍, 梅雪詩等人最多FANSｏ南鳳都得, 但尹飛燕就千祈咪搞（佢最近在黄碧琪演唱會, 唱輸晒俾其他旦角！據稱台上眼見台風又差, 有口皆悲！一個藝人不自愛若此, 令黃SIR心痛！）

黃SIR D同學不識大體, 封了封利是給葉師父都俾人在亞立網話（其實不關老師事, 一早告戒了, 但依然有人以為咁好, 老師有何辦法？吓？）可見觀眾之苛刻！豈可不小心哉？

當晚的安排, 由開塲之大合唱, 及最後由周潔冰宣佈賽果的安排（等佢出風頭？）, 都令人有低層次的感覺, 連最後用推車花旦去宣佈冠軍的安排, 都令人有CHEAP的感覺, 原因是推車花旦太醜, 推來推去, 醜人多百怪, 關目又唔靚！（靚女玩嘢就冇所謂, 醜女玩乜鬼嘢吖！）多鬼餘！CHEAP！CHEAP！CHEAP！