荒謬人生

如果黄SIR設計一個十分公平的遊戲, 包冇古惑, 大家投了注, 黄SIR先抽十五巴仙, 餘欵分給中獎者, 唔知有冇人玩呢？如果黃SIR再講埋, 公平的方法是你班賭仔自已抽隻啤牌斗大！你地一定媽义黄SIR, 話黄SIR揾老襯！

其實大家玩緊的賭馬遊戲, 馬會就係做緊黄SIR上文所講的角式！但又冇人懷疑佢揾笨噃！更加個個人唔知幾投入去研究, 又血统, 又路程, 又騎師, 又塲地, 又天氣, 又檔位, 總之嬴又一大堆理論, 輸又一大堆理論ｏ事前又晨操, 又磅重, 又試閘, 亞支亞佐一番, 度到頭髮都甩晒咁滯！

但一到真跑, 成日都意外重重, D錢亞支亞佐就輸咗, 真係吹到漲！

成日散馬塲見D大叔大嬸, 猛呻買多隻就中到正, 拖埋乜乜, 乜乜做胆就冇死啦！（中都正ｏ反而冇咁多口水！）

有位大嬸仲妙, 問佢老公ｏ 老公！點解你咁鍾意買埋D輸嘅？贏果D又唔見你買呢？吓？乜得你咁死蠢呢？

吹到大叔漲！