靠惡追女仔
2007/12/28 00:03:03
網誌分類:
時事
泛民呢班友爭取普選的手法, 令黃SIR想起有D惡少, 追女仔的手法o一味靠惡, 完全不解温柔, 不懂對女性要甜言蜜語,甚至情意綿綿至得!而惡少只知一味蠻幹!人家又點會就範呢?
正如05年, 曾特首已同中央商議好, 大家踏出了政改的第一步, 而這班惡棍, 正如見女仔肯同佢去街了, 居然一步就想結婚!唉!梗係唔得啦!要培養吓感情, 拍吓拖!時機成熟, 就求婚!要過很多關, 先至結得婚嫁o
而家呢班友, 次次都想一步結婚!點唔死吖!結果咪次次都結唔成婚囉!
今次又一樣策畧, 又一味靠惡, 又話絕食, 又話罷工, 又話罷市, 又話罷課!
我相信只有罷課, 有D可能, 因為D學生多數支持, 唔駛上課, 可以去玩o至於老師, 有粮出, 又唔駛做!冇所謂o至於D家長, 多數掛住揾食!边得閒理D細路吖!唔番學都冇人理啦!
泛民就大把呢D擁躉, 所以做任何冇乜道理的行動, 都大把嘍囉!
一於罷課啦!
而家D學生, 讀唔讀書都冇乜分別, 都係冇乜分析事物的能力!第日咪又一班惡少囉!
呢班友係咁上下矣!
抄襲自「泛民字典」
(註:本人謹以至誠聲明完全絕對無意侵犯泛民先生太太小姐們的尊貴創意及崇高版權)
絕食 - 在有人監視下或攝影機、攝錄機前不吃固體食物,其他類型及形狀食物可以任吃、照吃﹔在沒有人監視下或攝影機、攝錄機旁或後,任何類型及形狀食物可以任吃、照吃。
接力式絕食 - 國際慣例規定只有吞咽動作,即是從口部輸送食物通過喉嚨至食道這個動作/過程才算進食,故此其前後的咀嚼及食道傳輸等過程完全不符合國際認可的進食定義。接力式絕食適合患上「一刻也不得停止進食症」又不得不絕食的可憐患者,充份體現亦符合美英大帝國(下略100字)的基本人道畜道昆蟲道、陽道陰道[1]溝渠道(下略1000字)精神。基本上該等患者只需暫停絕食少於一秒鐘進行吞咽或稱進食動作,便又可以繼續自我接力、自我完成整個絕食行動,自我感覺良好。
文革式批鬥 – 揭露非我政黨人士過往不想人知、違法違規的行為。
暗殺 – 他黨人士的有意無意、故意惡意的夢境、想法、言論、行為、動作等,導致受者流汗(嚴重後果為虛脫致死)、心跳(嚴重後果為心臟衰竭致死)、皮外傷(嚴重後果為失血過多致命)等的事實。
*** *** ***
後記: 各位兄弟姊妹請救救小弟,小弟己經歷盡多年饑荒了,很悽慘啊!(註:我已有多年沒有吃過魚翅,鮑魚了!最新消息透露,目前國際專家正積極研究將該等情况視為饑荒,擬立慣例加以規定,以便追上日新月異的社會發展及國際步伐。)
[1] 陽間道、陰間道。