美的享受(三)
2007/12/29 00:53:51
網誌分類:
嗜好
講開美的享受, 有人享受飲紅酒之美, 以前黄SIR有班同事, 走去上課學品嘗紅酒, 又講產地, 又講年份, 連打完仗, 有小小火藥味都飲得出!真係有好多學問嫁!
又有位同事去學品嘗茶, 学埋泡茶, 又學埋炒茶, 跟住上埋山, 直情學埋採茶添!(仲跳埋採茶撲蝶舞添!)
以前佢請黃SIR品嘗佢D茶, 問我鍾意飲乜, 我話鍾意飲乳前龍井!佢以為我話雨前龍井, 其實呢隻 乳前龍井 係以前D採茶姑娘將D至靚的茶葉收起在胸前, 作為私已收入!所以特別正也!而家仲有冇就唔知了!(我都係吹水之馬!飲茶飲咖啡o我都冇乜研究!)
要識飲識食, 都并不容易也, 有云富貴不過三代, 不知飲食!
人生在世, 自自然然會希望快快樂樂, 而快樂其中一選擇, 是去享受美的事物, 美有文字之美, 圖象之美, 聲咅之美, 食物之美, 飲品之美!要享受種種的美, 首先要有閒情逸緻o另外又要深入去D研究先至得也!
做人胡厘胡塗, 美善好醜都分不出, 就會生活苦悶無聊!日子難過矣!
好似黄SIR學貫中西o知識淵博o風流……..
又點會悶吖?
回應
(1)
我要發表
2007/12/29 13:00:33
回覆