美的享受（四）

講到文字之美, 真係講十日十夜都講唔晒也ｏ歷代有思想的人, 寫下無數好文章, 真係窮一生一世, 都幾難讀得完ｏ

正所謂, 人生之快事, 有云, 書有未曾經我讀, 事無不可對人言ｏ

有未讀之書, 生活又點會悶呢？

沉醉在詩詞文學之美, 實在此中樂, 不可與外人道也！

至於神交古人, 能明白古人人生之大道理, 每有會意, 真會欣然忘食也ｏ

而新的思維, 日新月異！能追上潮流, 不落後於人, 真真不易也ｏ

每次明白一新的發現, 就會感歎造物之奇？黄SIR第一次了解到DNA結構之妙, 真係有相逢恨晚之感也, 若非盛年已過, 大把課題可供研究也！

至於納米科學, 亦極有發展之空間也, 納米即NANO 米（10的負九次方咁細的空間, 好多新鮮事物在其中也！）

玩樂之道, 無論是唱好一首歌, 跳好一隻舞, 寫好一篇文, 食好一餐飯, 都係十分寫意的享受也ｏ（最近黄SIR忽然有興趣研究吓新馬仔的唱腔！剩係聽新馬仔都好好享受也！）

做人經常保持住赤子之心, 天天學, 天天玩, 享受每一天！趙是！