《老笠》題材大膽 馮淬帆:唔係一味胡鬧!

        今日想跟大家推介一部非常另類的電影《老笠》，相信是近年最血腥、最變態的港產片，過去一年在多個不同影展上得到很大迴響，首先我很欣賞導演火火的膽量和想法，這部看似胡鬧的瘋狂喜劇其實好有say，就連人稱緊哥的馮淬帆也讚不絕口，「是一部好有內涵又有message傳達畀人的商業電影，我撈幾十年都覺得劇本好正，這不是宣傳口號，我真係好滿意！」

主持：黃柏高
統籌：林永匡
協力：彭子僖
攝影：袁東亮
服裝：UniformExperiment@I.T（曾國祥）
化妝：YannesLee@NDNCO（曾國祥）
髮型：KenHui@IIHair&Nail（曾國祥）
場地提供：香港萬麗海景酒店

        中菜廳滿福樓

        火火說要開拍這部題材極端另類的《老笠》時，我覺得怎也要支持他，直至我坐在電影室看罷整部片後，感覺太荒誕了！火火真是鬼才，題材大膽，血腥變態至極，最難得是能打動馮淬帆、林雪、姜皓文等資深演員來演出，戲中飾演火爆老人的緊哥說：「已有近六年沒拍胡鬧喜劇，記得當初製片打嚟話有部喜劇想搵我拍，我即拒絕，後來睇完火火份故事大綱覺得都OK，唔係一味胡鬧，三級但唔係賣色情，這類片我未試過，埋位後更愈拍愈喜歡，我好清楚電影有message想傳達，雖然話好血腥變態，但電影就係要有不同想法去做。」

        緊哥讚火火有內涵

        事實上，電影故事節奏明快，完全能捉緊觀眾情緒，整個故事發生在一間便利店裏，劇情發展出人意表，極端得讓人無法想像，如林雪被緊哥用剪刀插喉卻能捱得住死唔去，緊哥說：「一開始我都唔係好明，搞不清楚，但祥仔（曾國祥）叫我唔使理，有喜劇效果就得，後來我慢慢了解故事發展，覺得火火雖然係新導演，但他好有內涵和思想，這部商業電影係有嘢講而不會令你覺得唔滿意，講真，一個導演好唔好，新舊係無關係，好多老導演一樣係咁雞。」

        曾國祥極愛cult片

        要一讚曾國祥Derek這次演出非常出色，以失意RichardLi出場確實精采，Derek說：「拍《後備甜心》時識火火，那時大家都為做導演而努力，亦答應大家將來一定會搵對方演戲，但真係估唔到火火可以咁癲咁喪cult成咁，我都好鍾意個劇本，你係唔會有悶場，真係每隔幾分鐘就有驚喜，不停有好多瘋狂的事情發生，令你唞唔到氣；便利店就好像是香港的縮影，會有好多不同人種走入去，而同一晚大家有很多未解決的事要解決，壓力亦在不同點爆發，我係一個廢青，路過見到請人就去做兼職，點知遇上老笠，過了一個非常瘋癲的夜晚，改寫一生。」

        在旁的緊哥突然爆料：「記得你第一日開工走來搵我影相，話要send俾老竇，我心諗，唔通你老竇係我影迷？後來先知你老竇係曾志偉，哈哈，後來愈睇愈似，尤其係矇矇地眼瞓未醒嗰陣，好在你唔太肥，唔係實一模一樣。」

        J.Arie片場偷師

        電影選角新舊演員比重是50/50，導演火火既想要老戲骨的演技，亦要給新演員一個機會，飾演待嫁港女的J.Arie雷瑜琛更獲緊哥點名讚賞，她說：「戲中我是一個平平凡凡的香港女孩，卻如中六合彩般被富二代睇中，故事一開始會日日發夢唔憂做，點知遇上老笠，大家困獸鬥過了一晚，這是我第二部電影，仲癲過《死開啲啦》，直頭可以用變態來形容，導演好似想香港人把怨氣、憤怒透過電影情節宣洩出來，能跟緊哥等前輩合作得著好大，無我的戲份也會在現場睇拍攝，看大家如何不用太大的動作形態來表達，這需要一定的人生歷練才能掌握。」

        或許大家早已在Trailer看到EricKwok跟Anita的激情演出，完全豁出去的表現令人讚歎，說起這班後輩演員，緊哥點名大讚J.Arie雷瑜琛演得自然，他說：「我好留意她的表現，做得好好，其實都好開心，去到我這年紀都希望班新人成功，我知EricKwok本身不是演員，會戰戰兢兢埋位，但其實演員愈新演得愈自然，他們還未被戲劇洗腦，我唔太欣賞那些長期設計點去演的演員，如我作為觀眾也會鍾意自然派，這樣角色才會自然和真實。」