巴士座位
2016/04/30 08:32:35 網誌分類: 文化
放工時間,好多人上左巴士
之後 有大肚婆上巴士
可惜我隔離有個師奶 所以出唔到去 讓唔到座 而且我座位都好後,大肚婆未必想坐
見佢個肚都七個月或以上!
前面原來有學生妹冇讓座
其他係呀公呀婆同買餸師奶
愛莫能助既感覺!
突然記起之前陀仔仔時我仲好瘦
五個月先稍為見肚
七個月見肚但只睇上身仍然似 口靚 妹
所以冇人留意我當時大肚
九個月仍然有人同我爭lift坐。。。
有一次,係未見肚時,有兩個坐後面既師奶話我坐左關愛座 話後生仔女霸住座位
我當時想起身 怕佢地話
不過燒餅話我大肚 絕對唔應該起身
然後我同燒餅討論bb
後面d師奶又唔聽 繼續話後生仔女霸位
講又點丫 咪以為我咁後生就搞出人命?
當時其實廿七架啦 只係個樣baby face
但昨晚我見到既大肚婆係大人樣
都冇人讓座
原來同個樣冇關
有些人欠缺愛心。