在陰霾中睇樓…巧婦難為無米炊
2008/01/14 02:13:55 網誌分類: 經濟
其實都唔知自己講生活軼事還是講經濟,事原自己都打算結婚。今日崇拜後就走到河畔附近逛街加睇樓,看看現在的樓價及租盤,當然地給地產經紀捉住,硬銷一下。不過我始終覺得條數的計法唔同,有點問題,他的論點、計法如下
- 樓價未見頂,美國將減息,要買就要快,新年後樓價更瘋狂
- 沙田中只有河畔區同馬鞍山區價較底
- 介紹的是「筍盤」是河畔區內唯一一間新鴻基的樓盤(教徒兄弟的樓,有口皆碑),業本原本叫155萬,現在同我試叫148萬,但要即落訂金
- 同我計數用12萬做首期,借九成半按揭分25年歸還,每個月還7千幾元;若果租住,現在每個月都要7千幾元。但買樓後you own the property.租屋可能為加租到要迫遷
- 未計將來的升值能力,其實合埋眼亂買都有賺
- (回應我)沙田的地價貴
- (回應我)結婚前唔用來自住都可以炒一炒,轉手又賺多幾萬(or more)
- (回應我)縱使我最後唔好供唔到,都可以幫手放盤
- (地產經紀)自稱:其實係迫人富貴,買樓強迫我儲蓄
我有些認同他的論點,但處境唔同,最後都無落訂,因為
- 租或買都是自住,同自己的購買力有關,我同女友共有~18萬現金(唔計股票,基金,保險同儲蓄計劃裡的錢),兩人每月總收入~25k,打算結婚,唔問父母借都可以勉強供得起,但係女友想生bb後唔打工帶小孩。哇,我一個實供唔起la,結婚又用一筆。
- 縱然可以都無多餘錢投資;在下的妹妹在金融機構工作,月薪是我的一倍,每月使費可以是我的一半(以前是,現在大使了,買多了名牌)。典型elegant lady,她的意見是現在買樓會hold死自己的資金,所以唔買。自己有個強烈的感覺,如果現在我買樓,將來都可以出本「窮哥哥與富妹妹」
- 而單看呎價的圖表,樓價是爆炸性的上升,唔值得用百幾萬買入四十幾年樓齡的舊樓或用十幾萬買入1.廿幾年樓齡的舊樓2百幾萬負債。用股票來比喻,見到隻仙股升到上兩蚊,都唔敢追入;但隻股同時可以係第二隻港交所…高處未算高。
- 讀書都有教,要計net present value,唔好被將來的大數所迷惑
- 婚前輔導提議新婚未選好合適的地區唔好買樓先
- 地產經紀的推銷過程有點似騙案:第一次見就有「筍野」?要我們立即落訂?之前又話試148萬,返到公司又話業主要155萬,同我試一下153萬?其實提議都是增加交易的數量
- 買樓有hidden fee要交。e.g. 差享、地租、傢俱、日後的修理
- 買樓抑或租樓?blog中的比較;火sir的留言也精警‧他說「唉…兩個都係陷阱」(link:http://hk.myblog.yahoo.com/Voucher-mxs/article?mid=162)
以上純屬發洩,希望看官唔好被在下所言左右
有情有義
http://www.hkheadline.com/blog/reply_blog_express.asp?f=B7Y317UVCC62227&id=83618