紅館粵曲之夜

剛剛看了紅館粵曲演唱會, 論卡士, 就認真抵睇了ｏ有成十一首歌, 其中又有折子戲, 成万多人一齊睇, 十分壯觀也！

其中內地紅伶有梁玉𤪤, 曾慧, 郭凰女, 蔣文端,  丁凡, 梁耀安, 林家宝, 黃偉坤等等ｏ香港有龍貫天, 王超群ｏ星加坡有蔣艷紅（同湛江余陽丽唱眏紅霞！黃SIR唱得好聽過佢, 甩曲就𣎴相伯仲！）

全晚表現至佳乃梁玉𤪤, 小明星腔十分討好ｏ有聲有色有藝, 下次佢有演唱會可買飛捧場！丁凡, 蔣文端也不錯！

林家宝唱隻霸王別虞姬, 甩咗十次以上（唔記得歌詞, 可能驚咗原唱龍貫天同台！）職業表演, 咁溉水準, 不可原諒ｏ

黃偉坤依然食老本, 一味靠好声, 睇佢都似冇操曲, 唱到一仆一碌！不過一樣好多FANS俾利是同禮物佢！真吹漲！

全晚四小時冇得休息, 音樂不停演奏, 難為樂師們頂足全塲, 連廁所都冇得去, 真陰公也ｏ（其實休息十分鐘, 等D樂師去去洗手間, 飲吓水, 咁至人道D！冇需要一氣直落也ｏ結果到最後樂隊都草草了事也ｏ（有個何洪泉玩大提, 係我地識溉！頭架就陳小龍ｏ）

紅館D音效就相當差, 成晚有迴音, 周不時會有隆一声！十分影响！紅館粵曲演唱會,下次都咪鬼搞我矣！