審時度勢

有時做人最難解釋就係點樣去審時度勢, 有D人都唔知佢係真儍還是假儍, 做嘢一D都唔識執生！

有次非繁忙時段去間茶餐廳, 個伙記居然要我两個人, 坐埋卡位的一边, 以便有人來搭位！但我又見成間嘢都冇客！大佬！唔通一陣你約晒D老友泥捧塲？我見個伙計儍更更, 都費時同佢嘥氣！走去第二間食魚旦河去也！

周不時有D人做嘢, 做開咁就咁, 費鬼事用腦, d人最興就話, 做開係咁噃！

有次我有個老友, 去銀行COUNTER做單嘢, 個女仔揸唔倒主意, 佢就叫個經理出泥, 個經理居然話做開唔得！點知我個老友立即媽义佢, 咁你同COUNTER個女仔有乜分別？個女仔都一樣啦！你係經理, 小小事都孭唔倒飛, 駛乜叫你出泥呀！（其實只係張票寫多佐個$, 咁小事！）結果就搞掂咗！

社會上大部份人做嘢都不懂得審時度勢, 黄SIR細細個受的訓練是,俾人踏親, 先睇吓夠唔夠實力兇佢！唔夠, 就話對唔住, 我鞋面整親你鞋底, SORRY！SORRY！

如果夠, 就一於要佢道歉兼賠償！呢D就叫做審時度勢了！