甲子理論

無線節目, 什麽迎茂子ｏ有玄學家講一個什麽甲子理論, 頗有趣ｏ

一個甲子就是六十年ｏ

由 十天干, 十二地支 組合而成ｏ

十天干 就是 甲 乙 丙 丁 戊 己 庚 申 壬 癸ｏ

十二地支 就是 子 丑 寅 卯 辰 巳 午 未 申 酉 戍 亥ｏ

十二地支又可代表十二生肖ｏ（例如子就是鼠, 寅就是虎, 例如唐伯虎就是唐寅ｏ戍就是狗仔, 亥就是豬, 通勝有晒ｏ念熟咗, 人地話乜嘢年出世, 你就知佢生肖, 人地咪以為你好有料囉！）

十二地支又可代表十二時辰, 子時咪零時至二時囉, 午時就中午啦,亥時出世就係一日最後果两粒鐘出世囉ｏ

打開手掌, 屈起手指公ｏ每隻手指有三節, 共十二節, 即可代表十二地支也, 人地話山人合指一算, 就係用呢個方法了ｏ黃SIR曾跟高智禪師學習旁門左道之術, 又識奇門遁甲, 所以玄學一樣難唔倒我！

電視上玄學家之甲子理論甚為簡單, 佢話世事六十年一循環ｏ所以大事也會相似, 如日本侵华（1945）就等同2001 911事件, 跟住日本人佔領香港, 就等同 2003 SAR事件ｏ總之六十年前好, 就預測好ｏ六十年前壞, 就預測壞ｏ咁對黄SIR泥講就易嘞！因為所有六十年前的事我都在場, 今次仲唔知得一清二楚？

哈哈！跟據玄學家話出年鼠年投資小心農曆一月同七月, （好似撞啱公佈半年業績噃！）佢就話鼠年一月同七月, 有日蝕同月蝕ｏ（我就覺得咁都好易揾食！）