玄之又玄

有所謂玄之又玄, 眾妙之門ｏ

玄者難解之謂也, 所以凡是預測, 必冇明言, 此所謂天機𣎴可以洩漏ｏ但唔講人又點知你有料呢？唯有只講大方向, 只是畫龍, 由得各人自已去點睛, 咁就事後大把空間去推算了ｏ

例如推背圖一張美人射日, 就清楚點出美國佬用原子彈去炸日本ｏ但古人又點知有亞美利加呢個國家呢？呢個美人ｏ其實是一個女子, 可解陰柔之法又得,女子有個子字, 正合原子彈也ｏ 射箭又可解作運動, 例如五四運動又得, 諸如此類, 事後看來, 就準到不得了ｏ

又例如推背圖有黄牛山下一個洞, 可容十万八千眾, 先到之人得安穩,後到之人半路送之語！仲唔係講香港這個東方之珠？先逃難而至的人, 生活得好地地, 而家先來的就咪自由行囉！（一定要有好好聯想力, 先做倒玄學家也ｏ）

凡到年尾, 例牌有許多玄學家作出總總預言, 講吓乜嘢生肖旺, 乜嘢生肖犯太歲, 叫人拜吓神, 祈吓福, 對來年展望, 又話要小心健康呀, 慎言慎行呀, 叫人小心D小人呀（又可以幫手打吓小人, 出吓氣！）都算有益世道人心, 此乃中國人五千年之智慧也！

做人有時都要隨吓俗, 人地拜神, 黃SIR咪食吓燒肉囉ｏ