世事無常

人多喜歡知道將來之事, 但偏偏世事就往往出人意表, 無法預測ｏ

物理學上有一條叫測不準定理, 知道了一樣, 另一樣就一定不明朗ｏ世情如此, 非人力所能預知也ｏ

有所謂能知一日事, 富貴万千年ｏ現在港股日日上落成二千點, 又咁多衍生工具, 做啱咗真係收到笑也ｏ

如果能一有預知的能力, 真係肥過肥豬仔矣！又何勞上電視去吹水呢？在電視上眼見D所謂玄學家, 故弄玄虛ｏ去測賽馬, 就話利D紅色綵衣騎師, 出門先向北行, 再轉向東, 財位ｏ結果去沙田去鬼咗北角, 不賭是嬴錢, 有時連出門時辰都要揀, 揀着個亥時, 夜媽媽, 賭乜？

徧偏有D賭仔就信到十足十, 因為運氣呢家嘢, 唔到你唔信, 冇運起泥, 買WIN就跑個披, 買披就跑第四ｏ

拜咗神, 祈咗福, 揀啱時辰, 就有如神助, 輸咗都可以告甩人, 嬴到開晒巷ｏ

唔信邪？又點得呢？吓？