當不成世界的設計師, 都要做自己人生路向的設計師! 近日發現一種最能保暖的「棉」, 它就是「determine」。 determine, 要是經日本傳統武士道人劍合一的專注精神所製, 定能把熱血青年的心, 全情投入到嚮往的理想! determine是意粉發現 可能最切合寒冬主題的「棉」…… 有了determine, 環境怎麼把你冰封, 你都有決心要衝破重重障礙、 走上夢想中的七色彩虹橋。 鼠年快到了! 不要漫無目的或者背棄理想鼠來鼠去。 我明白現世太多制肘, 但許多問題,只要肯努力就能解決: 意粉早前不見了一把雨傘-- 新買的,才半天,因為冒失而在學校找不著。 清潔嬸嬸下了班,我還在想:翌天定要找個嬸嬸來問。 終於問到、找回,這事讓自己很有成功感。 以前有些社交焦慮症, 但只要肯抱著耐心、堅執誠意、努力自信, 要跟人交流才能完成的事情, 最終都能完成得好。 其實近日女同學之間的話題, 都是她們的男朋友怎麼不懂關懷她們…… 不能見,也該給句短訊問候問候, 為此意粉寫了兩篇情人節禮物給大家: 《夫妻如衣服冬日新篇 》 《「MARKER」 》 無論是愛情、親情、友情, 都在於互相體諒、了解而懂得視乎對象和環境去關愛。 就算情人節大家沒有情人, 把自己、親人、朋友看成更加要關愛的對象吧! 恭賀新禧+ 情人節快樂!!! 是篇文章已上存於 http://blog.eduplus.com.hk//ivinaQXZ/myblog_detail.jsp?post_id=1552&status=Y 意粉之學子劄記 |
多謝beyendai 及貝澳~~
今日聽堂細佬講,以前教我美術個呀sir去左搞藝術展,唔教書la!
http://www2.lcsd.gov.hk/cf/search/e_details.cfm?lang=b5&id=67360
上面係個連結,大家去睇下啦。
不過意粉未必有時間去睇……
要返工。
遲d希望佢再有藝術展,意粉拉大隊去睇!!
漣漪雖有盡,
可爺爺對你們的愛卻是無盡。
生活無論是淡是濃,
爺爺亦靜靜的離開了,
去了似詩似夢的一方。
意粉努力,意粉爸爸也要努力。
今日下午,意粉的爺爺將會設靈。
送他一首歌:
漣漪 詞:鄭國江 唱:陳百強
生活靜靜似是湖水
全為您泛起生氣
全為您泛起了漣漪
歡笑全為您起
*生活淡淡似是湖水
全因為您變出千般美
全因為您變出百樣喜
留下歡欣的印記
植物亦似歌
那感覺像詩
甜蜜是眼中的痴痴意
做夢也記起這一串日子
幻想得到的優美
哈哈,
意粉只係嚮前輩個blog留左兩句,
前輩送返咁多句俾我,
抵食呀。
其實意粉媽同哥哥一早就叫意粉買下股票,
只係見個市上呀落呀咁,
好煩咁。
到我再冇功課做時,會認真研究下應該點買,先去買。
現階段理唔到架la,
咁忙,
邊有時間成日睇個市丫……
多謝你先
意粉靠打工賺錢有限,將錢存入銀行.提取利息有限,更被通漲食掉。在商業社會,識投資才能賺錢,從70年代美孚新邨為例,那時每層千尺樓只值五,六萬,如今值二,三百多萬,若你當年
手持現金五.六萬元不投資只存入銀行,到如今,連本帶利只有七萬多元,買個厠所也買不到o
不過你若不識投資,而亂炒股,更易將金錢蚀清o所謂十個散戶九個輸o
不過你若想在股市賺錢并不難,難的是要學識技巧,控制自己的EQ,不要盲目跟風亂炒一氣,尊守紀律‘做足工夫,平均投資本金年率賺15%o
方法如下…
不過都有妙計在股市賺錢,但一定尊守紀律,一不胡亂入市買賣,二,一定要買一線籃筹股,三,一定要等牛市完畢,進入熊市,在最高位向下調整4o一5O%
,在最底位買入長期持有,半年或一年檢討一次,并經常留意此股動向,業積,好的持有,壞的换馬,例如今次股災,大约需時一年左右,下調5O%大约在一萬五千點左右。
4意志要堅定,不要輕信傳言,如好股一如既往持有,壞股持有半日嫌多o
如果你能夠長期持有,當然最好,若你受不了誘惑利潤可觀,想套現,通常在最有利的時候是在頂位,如何看頂,一般牛市行二三年左右就見頂,約在上次頂再加三千點左右,如今次在三萬二千點,加三千等于三萬五千點左右,不過你賣完後千萬不要回頭再入市,應將注意力從股巿暫時離開,等他進入熊市,調整4o一55,左右再入市,同樣用上術方法。今次牛市是例外上升這麼多,由上次頂位18200、上升至今次頂位32000,足多了12000,只每十年國企指必有大炒一輪加上h股自由自行谷高.因此例外。
你咁講冇法啦~
哈哈。
終於計晒份功課每part應該有幾多字、要幾耐寫好。
大概3、4日會做完篇3000字,不過就咁計仲未計過渡句、過渡段咁~~
總之我會努力,
做完呢份既時候天氣或者會好暖架la,哈哈!
又再見啦
(近日忙做功課、執屋、執notes、成家人搞d爺爺出殯既野,但初一應該仲會有d自己屋企既拜年野;之後仲好多野搞---《二月大計 》 自己按入去睇,費時又講la。)
改下顏色咪得lor!
自己填色 XD
今日去爺爺屋企摺金銀……
三嬸話,佢呀媽都唔俾個女去佢度拜年~~
係既,話晒我爺爺真係上左天,
年尾流流,又近新年,係好多人會忌諱架啦。
上到去爺爺屋企,表妹佢地封緊吉儀……
d吉儀既封,比起我婆婆當時既靚少少~
金銀,就多好多,因為婆婆走時只有意粉同意粉媽摺金銀嘛。
到底通唔通知爺爺d朋友,
姑姐佢地商討左一陣。
爺爺d朋友都係老人家,
好在二姑姐好識處理,通知佢地既方法同語氣都好好~~
天氣咁「熱」,
大家都想緊,出殯當日係咪就咁著白裇衫?
定係加件外套呢……
希望當日暖返d,唔好落雨-- 係年三十呀。
一個要上鍊既鐘,
原來係1951年,爺爺同 女麻 女麻 結婚時既。
到幾點就響幾多下,幾得意……
睇到爺爺同 女麻 女麻 以前一幅合照,
覺得世界上「夫妻相」呢樣野不得不信。
願爺爺同 女麻 女麻 以及意粉既婆婆(唔知公公仲係咪嚮上面呢?我未見過佢架),
都會嚮天上過一個開心既年。
唔知上面係咪又咁「熱」呢?
估唔到爺爺d彩票會同佢一齊入土為安……
祝福,祝福。
事事順利、人口平安~ 萬事勝意、
新年個個健健康康開開心心讀書叻叻搵到工又加到薪又升到職咁la!