賴綺芙

香港傳媒有時真的十分賴綺芙（白痴）ｏ在電視上, 去動員香港人去捐欵救災！以前唐山地震, 華東水災, 遍地災民, 國家又窮, 自然義不容辭啦！

但而家國家外匯多到要宏觀調控, 美國佬日日要迫人民幣昇值, 股市D錢多到A股高過H股成倍！大陸富豪多到遍地都係, 边駛勞動到香港市民去捐？仲叫D小朋友將利市錢捐俾災民, 𣎴如叫佢地儲起去炒股票仲有教育性啦！

情况有如李嘉誠名下百佳俾水浸佐, 何勞大家捐錢去幫呀？吓？

而家係D物資因風雪不能送達災區, 香港人有能力去做國務院都做唔倒D嘢咩？

咪鬼玩啦！黃SIR見電視上成班影視歌星去歌声送暖！真係攞泥玩就得, 人地仲鬼得閒聽歌咩？

香港人成鬼日自我中心, 以為乜都叻過大陸佬, 誰知時移勢易, 人地仲好橋過你地也ｏ你睇吓D新勞動法, 去打走D港商, 大力保障工人階級！就知共產黨唔好惹了ｏ

救災民？救吓D港商仲好啦！