節錄…曹仁超 (14/02/2008)的投資者日記

此段文講金錢世界之歷史大勢，有參考價值，所以節錄作備忘之用。而且在下都未想過今年美元可能升值…

「…1987年格蛇接手聯儲局主席時，美國總負債10萬億美元；到2007年總負債已達37.5萬億美元，或2007年美國GDP三倍，係歷史上最高負債點，係咪進入轉捩點？2005年12月28日起又再出現利率倒掛，係1970年以來第六次（過去五次，有四次出現利率倒掛之後，一年踏入經濟放緩期。去年9月起聯儲局才瘋狂減息，糾正利率倒掛現象，相信已太遲，金融市場所產生虧損已令真實經濟環境受影響（據今年ISM數據顯示）。未來一段日子聯儲局仍會大幅減息，到底能否阻止衰退出現卻成疑問。貝南奇上一課：When the yield-curve inverses, we'd better listen！整整一年半貝南奇一味話無事，錯過做最佳時間，到去年8月才知道事態重，較訊號出現時（2005年12月）足足遲二十個月零十一日。一如高血壓病人高血壓已二十年，一旦爆血管，雖然急救後醒番但亦已太遲道理一樣。減息或可減慢美國樓價下跌速度，但同時打擊全球投資者對美國經濟信心，隨時可引發另一災難（拋售美元資產）。
《福布斯》雜誌總編輯Steve Forbes認為，美國經濟低增長期今年第一季見底，第二季將復甦。你睇法又如何？
周二聯儲局又再注資300億美元入銀行系統，即去年12月至今聯儲局已注資1300億美元。聖路易聯儲銀行主席Williams Poole認為，美國可避過一場衰退。佢今年3月18月退休，因此唔會參加下次利率會議。佢認為房屋市場仍係問題，不過零售及汽車銷售只係停滯不前而非減少；加上大企業存貨量偏低，冇減低存貨需要，利率下降後應進入補充存貨期。
美樓價再跌45%才合理
美國房地產泡沫有幾大？1963年物業售19300美元，2007年售311600美元，如扣除貨幣購買力下跌因素，該物業應值173300元，較市值低45%。即樓價回落45%才重返合理水平（過去四十四年平均每年通脹率3.9%）。
去年港指數回落4.5％，見88.6，港元M上升21.1％，外幣上升17.2％，CPI大約上升4％；香港經濟2007年已進入全盛期（full capacity）。去年9月港元起追隨美元減息，可令香港經濟再次進入過熱，刺激租金及薪金呢類內部構成CPI上升因素，令今年CPI加快上升速度，因負利率時代來臨。
1935年起港元同英鎊掛；六十年代因英鎊一再貶值，改為同美元；1971年11月美元宣布浮動，1972年1月港元亦宣布浮動，直到1983年10月又再同美元掛。過去一百六十多年（其中一百五十年由英國統治），港元大部分日子同白銀掛（滿清政府貨幣標準係白銀）。1935年國民黨政府貨幣動盪不安，金圓券、關金券大幅貶值，香港政府宣布唔再同白銀掛，改為同英鎊掛；此乃老一輩人叫港元做「銀紙」理由。1967年英鎊貶值，港元追隨，其後受港人反對，港元改為同美元掛。1971年7月美國總統尼克遜宣布美元唔再兌換黃金，布列頓森林制度取消美元同黃金關係，宣布美元自由浮動，港元追隨美元浮動，直到1974年11月宣布唔再追隨美元價自由浮動。1983年10月15日香港前財政司彭勵治宣布1美元兌7.8港元，進入聯制度。即港元真正自由浮動日子只有九年。
Debt-deflation支持美元價
1971年8月起美元浮動後，印刷美元毋須再增加黃金儲備，形成美元濫發情況相當嚴重，造成七十年代高通脹。1980年雪茄伏上台後減少發鈔，改為發債券，形成資金有時回流美國出現強勢美元，有時外流出現弱勢美元。小小一個香港，自1971年8月面對美元大量流入，1973年10月石油危機後又面對資金大量流失，造成恒生指數1973年3月9日見1774點，並1974年12月10日見150點。恒指狂升暴跌係1974年11月港元宣布唔再追隨美元升降理由。1982年8月中國政府宣布1997年7月1日收回香港主權，引發港人恐慌，政府為穩定港元價，1983年10月15日重返聯制度至今。香港再次承受美元大量湧入即令香港經濟過熱、美元流失香港經濟卻過冷局面。最嚴重一次係1990至96年，1997年7月亞洲金融風暴令資金又流失；2001年美國減息，2002年美元又再流入，香港經濟2003年才好轉。聯制度令香港經濟1990年至今有如過山車，出現七年好景（1990至97年上半年）後六年衰退（1997年8月至2003年4月），然後又再出現三年半好景（2003年4月至2007年10月）。依家係咪又再面對另一次不景氣（美指數2007年11月見底）？
任何制度都有好有壞。我地接受聯制度，便必須承擔經濟出現過山車現象（Boom and bust）。香港最近一次繁榮期係咪2007年10月結束？事後才知道。
美國已進入資產貶值潮（樓價2006年8月開始回落、股市去年10月開始）。好多人認為減息不利美元價，事情並非咁簡單。2004年6月至06年4月美元加息期未見美元價上升，就係例子之一。1990年6月至94年4月日圓減息，日圓價卻十分強，最高見78日圓兌1美元（上述高價至今未見）。呢方面紐約大學斯特恩商學院教授Nouriel Roubini已解釋得好清楚，叫做「Debt-deflation」。一個國家一旦進入減債期，資產價格下跌，造成資金流入，一如1990至94年日本人全球變賣資產回日本減債，導致日圓需求強勁。今年起美國人會否全球出售資產，然後回美國減債？呢個情況一旦出現，美元價不但唔會轉弱，反而轉強。」