生果金

剛剛在電視看到政府要增加七十歲以上老人家的生果金從七百多元至一千元, 但卻要加上審查機制, 相信此審查機制一定不容易通過ｏ

這班官大人和議員大爺們, 在黄SIR眼中看來, 真真是不學無術, 是非黑白不分也ｏ

且看生果金的名稱和設立的目的, 生果金不是救濟金, 也不是高齡津貼, 更加不是傷殘医療津貼ｏ生果金是一種社會對長者所作的貢献作一種敬意的表示, 一如我地去探望D長者, 買D生果手信, 去探人一樣ｏ

試想一想, 你閣下去探老人家, 準備買生果, 先要審查吓人地有冇包二奶, 有冇銀行存款, 有冇物業, 有冇拉架相機, 有就唔買生果去探人！咁合唔合理先？咁做有冇腦先？咁做係唔係講唔通先？

叫得生果金, 即係唔知D長者鍾意食乜生果, 折現俾佢自己買咁解ｏ但D所謂議員爭取增加時, 竟然搬出長者生活費不夠, 醫療費不夠, 大佬？你地知唔知生果本意係用來買生果嫁？

攪攪吓, 六十五歲先至通過審查才可以攞, 而家七十以上又要通過審查ｏ查得两查, D錢用晒泥請人審查！边有錢再俾生果金呢？ 吓？呢D咁嘅蠢政府, 蠢議員, 真激死人！