歪理橫行

最近看媒體一力攻擊宝BABY, 黄SIR不禁搖頭冷笑ｏ這位宝BABY含着金鑰匙出生, 坐擁巨資, 又風流, 又長袖善舞, 特首又係佢死黨, 真係唔招人妒忌就有鬼矣ｏ

今次佢有病, 傳媒仲唔趁佢病, 攞佢命乎？但傳媒攞佢命的道理, 在黃SIR眼中, 只是歪理！

傳媒話佢肯同美國政府庭外和解, 等同默認有罪！此乃犯了法理上的不認識也, 和解者, 即雙方皆無勝算, 只能和棋两勝, 並非等同認罪也ｏ可憐香港咁多法律人材, 無一人仗義執言, 可見宝BABY之欠缺人和也！亦可見世情之奸險也！（等同傳媒想趕絕阿嬌, 陳冠希一樣可惡！）

香港社會近年歪理橫行, 掌控了傳媒, 已屬可為所欲為, 指鹿為馬, 反手為雲覆作雨ｏ任何人一落入其手, 例無倖免！例如梁錦松！楊永強！羅范椒芬！鄭耀宗等, 甚至建哥！都敵不過傳媒之歪理也！如此一來, 此社會已無公義可言矣！

看着歪理变成正理, 雖然落馬者皆形象奇差之輩, 但如此風一長, 年青一代又如何自處呢？是非黑白又憑誰去解說呢？

教育界又如何去教育下一代呢？吓？

一個歪理橫行的社會, 又點會好呢？吓？