添瑞圍

天水圍連連出事, 於是有人話天水個名唔老利, 要改名ｏ劉皇發甚至在立法局公然向特首質詢, 何𣎴改名！

好了, 而家决定改為添瑞圍, 當然係希望添D瑞氣啦！祥瑞, 祥瑞, 一定好啦！

可惜的是, 這個瑞字的韻腳不好ｏ衰 水 瑞 需ｏ 發口唔好, 就变成添衰圍, 咁就真係唔衰攞泥衰矣！

君不見 老虎岩 改為 樂富, 陰澳 改為 欣澳, 吊頸嶺 改為 調景嶺都冇呢個麻煩！

偏偏這個水韻, 真真好難改也ｏ天字本來就係好字, 上天下地, 頂天立地, 天字第一號, 天地玄黄, 何來不妥？

反而添字就大劑矣！你主觀願望, 梗係想 添福 添寿 添男子啦, 但一加咗個瑞字韻, 就要小心矣！天水圍目下新移民又多, D口音自然就唔多正, 添衰, 添衰！日日咁叫, 心理影响仲大劑過天水圍ｏ

黄SIR就一D都唔覺天水有乜問題！反而班想改名D人個腦有小小唔妥, 就係墨水唔係好夠, 好改唔改, 改做添瑞圍, 唔变添衰都变添睡啦ｏ

其實天瑞, 天降祥瑞, 一D問題都冇ｏ發口唔好, 講咗天衰, 都係個天衰, D人唔衰就掂啦ｏ如果講咗天睡, 個天都瞓鬼咗, 冇眼睇！仲有乜事呢？

而家一添親, 添錯咗衰, 你話死唔死呢？吓？