音樂也在唱

音樂是令人愉快的ｏ最近在電視聽到有首二重唱的歌, 十分有趣ｏ就係……姨丈賣魚腸！姨丈賣魚腸！……..一文一斤鷄！一文一斤龟！你話雞貴定龟貴！……由成班細路合唱, 黄SIR就覺得相當悅耳了！

原來合唱（歌詠團）又是另一種訓練, 分很多聲部一齊唱, 互相配合,,好好玩, 唔怪得D教會歌詠班吸引倒咁多人也ｏ

黃SIR退咗休先唱粵曲, 最近唱唱吓發覺, 原來D音樂在高手的演奏下, 根本就同我一齊在唱, 應該我快佢就快, 我慢佢就慢, 我喜佢就喜！我悲佢就悲！我唱錯, 佢一樣跟住錯, 呢D先至叫做拍和也！

但D低手頭架, 衝頭露尾, D音樂死實實, 冇喱味道, 高手玩同低手玩真差天同地也ｏ

玩玩吓, 開始唔甩唔撞, 開始有D自己腔口, 就自然會要求音樂拍和有番D水準至得ｏ

深圳有D樂社, 收一千皮都冇人玩, 有D收成二千幾, 一樣BOOK到滿晒, 就係呢個道理！

唱口一樣, 初學大家要求唔甩唔撞, 但學到咁上下就要求大家配合曲情, 有感情交流至得ｏ大家有D曲藝有番咁上下, 先至好玩ｏ不同階段, 要求自然不同矣！

至於黃sir乜嘢級數？哈哈！你話呢？（自已吹就國家一級！至於人地評囉渦………..