石油「逆價差」
上週五係美國感恩節之後的「黑色星期五」，係美國所謂的瘋狂購物日，亦係美國通統的購物旺季開始，一直去到新年。呢段時間的零售銷售量會係物全年的4成以上，而零售銷售佔美國的GDP近7成，所以零售旺季得唔得，對美國整體經濟非常重要。
而剛過的感恩節銷售，算係有一個好開始，推動上週五開半日市的美股造好，三大指數升0.1%至0.3%不等。
感恩節假期當日，類似Best Buy及Target等零售店門口都大排長龍，生意好過預期，而網上銷售更火紅啦，根據Adobe Analytics，截至感恩節當天上午10點，線上銷售6.4億美元，較去年增長18.4%。亞馬遜係網上銷售大哥大，股價自然水漲船高，升2.6%。
First Standard Financial的首席市場經濟師Peter Cardillo表示，上週五股市主要是與零售銷售數字靚仔有關，令到投資者肯下注賭今年美國會有一個不錯的銷售旺季，不少此前很低迷的傳統零售股，股價都有好表現，例如梅西百貨升2.1%，JC Penny升0.6%。
紐約1月期油上週五收每桶58.95美元，創出兩年多以來高位。市場現在十分關注本週四OPEC（石油出口國組織）在納也納舉行今年最後一次的會議。今年5月時，OPEC與俄羅斯及其他9個非OPEC產油同意把每日減產180萬桶的協定延長至明年3月，上個月，沙特皇儲同俄羅斯總統普京暗示會支持把減產協定再延展延9個月至明年年底。沙特石油部長近期正努力游說各產油國再延。
不過，有消息傳出俄羅斯石油生產商反對延期，主要係覺得減產幫助油價，令到美國頁岩油有盈利空間。她們希望油價升，但又不想升得太多，目的是不讓美國產油商有長期的發展空間。由於俄羅斯不想延期，市場相信OPEC在是次的會議中商討出一個折衷方案，不能延期9個月，就縮短至6個月甚至3個月。如果未能延期，明年3月之後原油每日就會增產180萬桶，會令到原油供求進一步失衡，對油價會造成好大衝擊。
不過，隨著特朗普拋售原油政策，美國無論是石油商業庫存及戰庫存正在大幅下滑，另外，全球經濟有復甦跡象，亦令到需求開始回升，EIA前些時已經預測，原油供求到2018年，已去到平衡狀態，所以，還需不需要延長減產協定，各界意見分歧，還需要討論和有待觀察。
不過，有分析則對未來油價十分樂觀，認為油價已去到一個結構性的分水嶺。分析指出5月底時，高盛發表的一份關於以沙特為首的OPEC正在大力把油價期貨價差，由正價差扭轉成逆價差。事實上，這個對策也在逐步成功，紐約1月2月期貨出現逆價差，係3年以來首次。分析預計油價將出現一個結構性改變。
所謂正差價，就係遠期油價高過現貨油價；逆價差過好相反，就係現貨油價高過期貨價。有玩開期貨的朋友都知道，未來價錢越高，長期看好，不是更能吸引人入市，有利拉高價格嗎？為什麼逆價差反而對油價有利呢？
高盛分析，先要了解的是，油價升不起來，除了環球原油供求有影響之外，美國頁岩油的不斷開發，令到供應過多供求大失平衡，也是主要原因。現貨油價升，美國油商固然可以賺多些，但由於美國油商的生產成本遠高過OPEC產油國，其實賺得唔多。就算唔賺錢，美國油商可以繼續生存，主要在於現金流穩定，而現金流的通道則來自正價差，只要正價差一直存在，就出現一個財務操作的機會，美國油商令用期貨價高，就可以在市場上進行融資和槓桿，現金流就會非常穩定。期現價差變成逆價差，美國油商的財務調動就出現很大的難度，甚至無以為繼。由於OPEC不可以影響遠月的油價，只好想盡辦法去抬高現貨原油現價，就出現逆價差啦。由此可見，OPEC 還在主導大局，油價無咁快死。
陸羽仁
跟北水炒要夠膽汁
2017年11月28日
港股三萬點關口唔係咁易企穩，雖然港股美國預託證券上周五高收，但到香港開市，又繼續受A股拖住後腿。
內地股民年尾觀望氣氛好似突然瀰漫，令到港股短期唔係咁易突破。北水炒作大上大落，有時就算係回調，個股震倉都唔係咁易頂，本地股民要跟風炒，要小心頂佢唔順。
A股唔開胃港股都食滯
A股呢排處於股民收割期，大市不斷有獲利回吐盤，上周連日回吐後，滬深兩市昨日集體低開，午後芯片、半導體、5G等前期強勢題材股，以及大消費等白馬股全線暴跌，中興通訊(000063)、比亞迪(002594)等股跌停，搞到港股本來高開後都要跟跌。上證指數收報3322點，再跌咗31點或0.9%，芯片、半導體、5G等板塊跌幅居前。
內地股市呢排氣氛有啲淡，基本理由係好多投資者覺得經過今年回升後，來年好難憧憬大市有乜好勁嘅增長勢頭。
呢排其中一類跌得多嘅係「白馬股」，即係香港所講嘅績優股，內地股民柴台沽貨的理由好簡單，就係好嘢都公佈咗啦，咁預示明年內地經濟唔見得會有好勁增長，呢啲已經炒上咗嘅股票，仲有乜聯想空間呢？
於是大家齊齊沽貨食胡，令到個市跌咗落嚟。內地股市要消化，港股急升後就難免覺得都幾滯。
好似白馬股被人柴台，從基本面話佢哋好難再有增長，其實有啲勉強，實際我懷疑內地開始預備埋數，再加上美國十二月份可能加息心理影響，資金開始緊張有關。呢排內地資金緊張，搞到本地拆息都抽升埋。
無資金炒作，咁個市就算基本因素好都有無用，所以呢排如果內地繼續錢緊，港股都唔係咁易大力炒上。
大摩出口術吹跌芯片股
A股對港股嘅影響，最明顯有兩樣，一係內地A股拖跌埋H股，好似中興通訊(763)
收跌逾9%、比亞迪(1211) 
跌3.5%、保利協鑫(3800) 
插咗11%。
另外，早排內地炒芯片股炒個不亦樂乎，但係大摩就出招唱淡大型芯片股。台積電、西部資料、群聯電子等芯片行業巨頭，評級均遭下調。
大摩認為，目前快閃記憶體行業公司高企的股價已難再支撐進一步上漲，建議立即開始拋售持倉高位沽貨，並預計整個行業在短期內迎來一輪大幅回檔。
中芯(981)
昨日又跌4%，收報11.42元。簡單嚟講，就係內地熱炒的股票，呢輪都因為A股回調而洩咗氣，個市衝破三萬可以話升也北水、跌也北水。
北水炒起上嚟其實可以好癲，之前美圖(1357)
大力爆上，跟住下插，其他例子好似呢排隻比亞迪一個月由50元爆上80元，搭咗佢順風車就真係好爽，而且唔知佢幾時停車。
不過佢拋番落嚟嘅幅度都可以好快，幾日間就插穿70元。中港股市依家睇仲未破壞慢牛走勢，但如果自問唔係咁跟夠，咁跟炒前就要諗真啲。
強勢股退潮下，恒指收報29686，跌咗180點；國企指數跌135點，報收11772，成交1026億元。重磅藍籌股周一幾乎全線走弱，之前無乜升嘅滙控(005)
逆市升0.7%，收報76.8元，貢獻恒指19點升幅。
仲有就係濠賭股逆市造好，下月初公佈11月澳門賭收數據，市場提早炒作，澳博(880)
收升3%報6.28元；永利澳門(1128) 
收升2.4%報23.3元；銀娛(027) 
上揚0.9%收報58.6元。
陸羽仁
保利協鑫有運行 (2017年11月15日)...
SIGH...
可能11月已經食夠，留返D 12月繼續食。
叮噹...全日大市跌近2舊, 成交1026億, 縮水....
799全日收8190, 成交3.14億
772全日收8790, 成交2.67億
700全日收4114, 成交106.46億
2357全日收4110, 成交2千多萬.....
馬仔: 勿慌. 11月是好友主導大市, 除非大戶已轉倉, 按道理, 無奶油唔頂多幾日喎.....
將軍 喺咪要散水呀？
根據回歸均值理論, 人只可以短暫改變現況, 但最終都只能回歸均值.
市場只是人為的賭局而矣.
馬仔: 留意今日很多大媽股都要急插.
將軍 真的
。咁你做淡喇 
馬仔: 嘩...點解你一出場, 大市就插咁既???
早呀~
陸羽仁周記 http://blogcity.me/blog/reply_blog_express.asp?f=66feaI2IA2253648&id=902932