年尾沽弱股
美國紐約昨日朝早發生地鐵站內炸彈爆炸,杜指期貨一度跳水,後來發現與ISIS恐怖組織無直接關係,加上土製炸彈太流,炸傷施襲者炸不死其他人,股市開始回復,美股繼續造好,再創歷史收市新高,杜指收報24386點,微升0.2%。
本週包括聯儲局、歐央行及英國央行都會舉行議息會議,投資者都比較謹慎。市場估計聯局再度加息,幾無懸念,而歐央行雖然近期經濟表現不錯,但只係剛剛改善,但一旦加息,可能會對正在改善的經濟帶來衝擊,所以估計歐央行暫時仍會按兵不動,繼續觀察。
至於英國,有分析指英國央行不想見到英鎊貶值而導致通脹率上升(預計英國通脹率在未來三年將升越央行2%的目標),好希望加息,但由於英國脫歐的不確定性、薪資增長低迷,以及生產率疲軟,都給經濟帶來壓力。市場預計英國明年經濟增長可能會由今年的1.5%放緩至1.3%,所以估計英國央行加息的機會不大。
講番美國,市場雖然覺得聯儲局於週三鐵定會加0.25厘息,明年更大有機會再加三次息,甚至有分析認為會加四次息,但美股卻未受影響,主要原因係經濟狀況良好,包括昨日公佈11月美國非就新增職位好過預期、失業率去到17年新底、全國房價創了歷史新高、消費者信心指數好過預期等經濟數據,顯示美國經濟狀況良好,加息沒大問題,而更重要的是12月加息已經在投資者預料之內,股市早已消化了加息消息,而現時支撐市場的主要力量係正式出爐的稅改法案,以及特朗普剛剛提出,明年會推出的大型基建項目。
現時市場對於後市的睇法,睇好多過睇淡,而市場正出現板塊輪動炒作,資金從今年已經升得好多的股份,例如科技股,轉去比較落後的股份,例如銀行股和能源股,由於加息以及政府可能放寬銀行的監管,更吸引資金流入銀行股。
不過,有分析提醒投資者,不是所有落後的股份都會到資金追捧,還可能雪上加霜,在年底時會再插。主要原因係好多投資者,特別係企業投資者都會採取稅損賣盤(tax-loss selling)策略,在一年快結束的時候拋出表現不佳的股票,產生一些虧損以降低資本利得稅。Longbow Asset Management行政總裁Jake Dollarhide表示,「每年12月我們都這麼做,給有盈利的客戶體現一些虧損。我們的客戶既想保留蛋糕又想吃掉蛋糕,所以他們希望獲得8至12%的年回報率,又不想交資本利得稅。」
根據美國國稅局的反「洗售(wash sale) 」規定,投資者不能出於避稅目的賣出股票並在30天內買回同樣或類似股票,超過30日不受限制。一般而言,12月遭拋售的股票,在1月又會被買回,出現一個所謂的「1月效應」。去年標普500指數中表現最差的股票,在最後一個月都下跌。例如Trip Advisor 12月下跌4%,全年跌幅接近46%;Vertex Pharmaceuticals 12月跌近10%,全年跌幅為41.5%。
但到了2017年1月,Trip Advisor反彈14.1%,Vertex飆升16.6%,相對標普500指數當月升幅只有1.8%。所以1月初是買去年表現差股票的良機。
那麼,對港股有無影響呢?可以咁講,雖然香港的稅制不同,股票虧損唔可以扣稅,不過,買港股的大戶,不少都係美國機構投資者,同樣會用這個方式避稅,所以,不防留意一下今月表現更弱的大型弱股(當然不是那些無厘頭股),明年初可能係趁低吸納搏反彈的對象。
陸羽仁
(唔好意思再翻post, 陸sir總會睇到既)
-----------------------------------------------------------------------------
陸sir早晨
想問下你對604的睇法有冇改變? 我 3.55及3.4入過兩注, 平均價 3.47, 幾時係好機會入第3注?
另外 405 係$5入, 想再入1-2注, 請問幾時入比較好, 佢新收購武漢商廈後有的升幅
我405及604都係長揸收息為主, 謝謝指教
2017-12-12
Dow Jones Industrial Average (^DJI)
24,504.80 +118.77 (+0.49%)
港交所努力交功課
2017年12月13日
美國總統特朗普喺中東掟炸彈,承認耶路撒冷係以色列首都,搞到全球回教徒強烈不滿,紐約又有恐襲,不過個炸彈流流地無炸死人,無礙美股表現,杜指上日輕微高收。
港股昨日早段彈上29000點後開始有壓力,指數反覆。有中環茶友話,如果無乜需要,聖誕放假都唔會去美國啦。美國挑起中東敏感的傷疤,地緣政治緊張升溫,油價上升,三桶油都造好,呢樣嘢對正尋求上市的沙特石油公司沙特阿美都有利。
沙特以產油立國,依家正準備將國營石油公司沙特阿美上市。沙國政府希望呢間公司市值可以去到2萬億美元,即係等如3間騰訊(700) 。不過,投行就認為在全球環保潮流盛行,各國先後推出大力拓展電能車時間表,石油業依家好有夕陽行業的味道,或者呢個亦係沙特阿美要上市的原因,所以估值可能做唔到咁高,大約係1萬至1.5萬億美元咁上下,就算係咁,都會成為全球最大上市計劃。至於沙特阿美會係邊度上市,紐約、倫敦、香港都爭緊。茶友笑言,特朗普喺中東咁搞,好似係對回教徒不敬,但就對油價有利,對沙特阿美上市有利,咁沙特會唔會投桃報李,對去紐約掛牌秤先啲呢?
力爭沙特阿美來港上市
美國喺中東影響力毋庸置疑,不過,港交所(388) 始終唔甘心呢塊肥肉就咁溜走,所以高層呢期頻頻出動,鼓其如簧之舌,希望游說沙特阿美來香港掛牌,若然成事,咁就多左間超級公司在港上市。有人會問,美國係大隻佬,軍事外交筋肉咁發達,香港點同佢爭?港交所的說詞係美國出名多官司打,尤其興集體訴訟。喺幾年前美國政府通過左法例,容許公眾就911襲擊向沙國展開訴訟,呢條法例本來前總統奧巴馬都唔贊成,一樣阻止唔到法案通過,將來若然有人要打官司針對沙特阿美,特朗普一樣愛莫能助,所以沙特係咪應該將國家最大財富擺係美國呢?
美國上市公司法律風險大係人都知,當年阿里巴巴去美國上市,都好驚會中招,但到o依家都無事。事後解釋,就係美國佬有好多錢要買嘢,咁咪唔郁你住先。美國佬錢字掛帥,對拉攏沙特阿美同樣不遺餘地,所以「紐倫港」鬥法,始終紐約勝算大啲。港交所高層就算博到盡,其志可嘉,成功機會就不宜過份樂觀。由港交所呢期大力拉攏沙特阿美嚟香港,特區政府都有幫手。茶友話,呢屆政府似乎對港交所幾友善,唔單止爭取大型外資來港出力,對放寬同股不同權等問題上,都企左係港交所呢邊,對佢地做生意有幫助。
A股受壓 騰訊又軟
從經營上嚟睇,港交所今年都好左,無論新公司上市同每日交投都增加,估計業績會繼續改善。不過,過往大媽愛買港交所,概念係過水濕腳,生意食硬,但呢期潮流興金融科技,被視為有舊經濟味道的港交所就唔係咁得,變左落後股。睇番佢o依家市盈率48倍,息率跌到去1.6厘,茶友話咁嘅估值已反映佢係兌現緊之前獨食股市生意的概念,佢交到功課,股價撐住已經好彩,仲講話想攞彩,呢個就係概念股先有得炒,交功課股最多就係要嚟揸嘅殘酷現實!
A股昨全日受壓,拖累港股表現,午後跌勢更進一步加劇,騰訊(700) 及平保(2318) 同樣受壓,合共佔恒指131點跌幅,恒指收報28793,跌171點,跌穿50天線(28811) 。周一推動恒指的藍籌股,周二有部份回吐,騰訊回吐3%收報393.2元,拖累恒指86點跌幅;平保同樣下跌,收市下滑3.3%報78.65元,兩股合共拖低恒指131點跌幅,成為領跌股份。
陸羽仁
真係永恆!
3377 高高高
早呀~
Good morning.