比特幣 碌骰仔
《彭博新聞》昨日引述共和黨參議員John Cornyn說，兩院議員昨日已有一個初步的稅改方案。消息刺激杜指一度抽上23552點，升230點，臨收市略為回順，升119點，收24505點，再創歷史收市新高。
據兩名知情人士對CNBC的透露，最新的稅改版本係公司利得稅降至21%，個人最高稅率為37%，並提高按揭利息扣稅額至75萬美元，高過眾議院版本的50萬美元。至於減稅幾時正式推出，仍在討論當中，相信共和黨議員會爭取法案能夠在聖誕節前交給特朗普簽署，成升法律。
比特幣上週四在期貨推出前夕，抽上19000美元的嚇人收市高位，之後又大插兩成到15198美元，昨日又抽番上17300美元，用過山車來形容比特幣近期的走勢，絕對貼切。
正當好多人如痴如醉地炒比特幣，甚至有人按咗間屋去買，搏其一朝發達之際，媒體不忘訪問了華爾街很多投資高手，對比特幣的看法。有人十分睇好，也有人抱懷疑態度，其中股神巴菲特就係懷疑者之一。
股神話，近期沒有太過注意比特幣。他在幾年前曾將比特幣形容為「海市蜃樓」（Mirage），又話有人說比特幣有巨大的內在價值（intrinsic value），他覺得只是一個笑話。他寧願買低成本的指數基金。他在CNBC節目中表示:「恆常性地買一隻標普500的低成本指數基金，長期而言，才是最合理的做法，例如標指500指數基金，就包括了所有的大公司如蘋果、微軟和谷歌等。由於股份充份分散，表現會比較穩定，而且避免了選錯股的風險。」
股神認為買指數基金時，一定要買收費低的：「成本在投資中非常重要，如果回報7%至8%，而你要支付1%的費用，到你退休時，整體的淨回報會損失很多錢。」簡言之，如要尋找一個可靠的地方投資，就應該買低成本指數基金，並長期持有。股神提醒大家，即使見到市場波動或者見報紙頭條有壞消息，不論價高價低都應該堅持買入，特別是在價低的時候。原因係美國企業長久以來都表現得很好，長線投資的回報也會好好。
股神唔講比特幣，因為他覺得不值一晒。而包括CNBC的人氣節目《Mad Money》主持人Jim Cramer、《Shark Tank》節目主持人及投資家Kevin O’Leary和著名人生及投資導師Tony Robins的華爾街頂尖分析師，對比特幣則有不謀而合的看法，他們認為買比特幣，同去拉斯維加斯碌骰仔差不多，純係賭博，投資者對比特幣應該有一個正確的態度：比特幣不是可以保存財富的投資，而純是賭博遊戲，結果是贏錢或者輸錢。
Jim Cramer認為，比特幣市場是他所見過的最沒有功能的市場。不過，他不會批評別人玩比特幣，因為這遊戲的確充滿樂趣和刺激。Kevin O’Leary則表示，「比特幣可能會升到40000美元，或者跌到零，沒有人會知道。買比特幣，應該要當成是一種娛樂，就像在賭場玩輪盤或者賭大小，所以要預咗輸清才去玩。」而Tony Robbins就建議投資者只可以用閑錢去玩，輸光都無所謂，千萬不要借錢去買。玩的時候要經常提醒自己：我知道我只是覺得好玩而投資，我知道我可能會輸光，因為這是拉斯維加斯。
陸羽仁
唔好意思再翻post, 陸sir總會睇到既)
-----------------------------------------------------------------------------
陸sir早晨
想問下你對604的睇法有冇改變? 我 3.55及3.4入過兩注, 平均價 3.47, 幾時係好機會入第3注?
另外 405 係$5入, 想再入1-2注, 請問幾時入比較好, 佢新收購武漢商廈後有的升幅
我405及604都係長揸收息為主, 謝謝指教
2017-12-13
Dow Jones Industrial Average (^DJI)
24,585.43 +80.63 (+0.33%)
偷步炒加息
2017年12月14日
今個星期美國聯邦儲備局議息，市場預計加息0.25厘機會高唱入雲，經濟好加息，美股當佢無到，前一晚再升過百點。
港股更有偷步炒加息現象，恒指重上29000關，收報29222，急升左428點；國企指數收報11519，升207點，成交金額1068億元，當中以金融股最標青，市場買息差擴闊有利銀行生意，地產股都係回調低位反彈，實行喺美國加息前已炒壞消息消化。
輪到舊經濟股威番次
大市急彈，呢次終於唔係科網股最搶鏡，而係舊經濟股攞番彩，銀行股成為火車頭，滙控(005)
一度觸及80元，收升2%，收報79.95元，創左1年高位；之前公佈買入滙控股份的中國平安(2318) 
雙雙上揚，升左1%，收報79.5元。屬本地銀行大哥大的中銀香港(2388) 
首度升破40元，收報40.3元，升幅達3%。早前佢公佈第三季業績時，我話佢無問題可以低吸，結果真係在股價反映出嚟。本地銀行股恒生(011) 
收報190.4元，升左2.7%。銀行受惠於加息拉闊息差，由此可見大市呢鋪係炒美息向上，加上有大行唱好滙控表現，令佢一舉破關。
加息銀行股炒升銀行股好正常，昨日連地產股都郁左，好似新地(016)
收報123.5元，升左1%，偷步炒落後味道都好濃。
過去美國加息，港息都無跟，但隨著港美息差拉闊，港元下半年不時出現弱勢，明年跟隨加息機會相對上升。經絡按揭轉介市場總監劉圓圓就預料，美國明年加息3至4次，加上美國稅改及縮表，料美元資產陸續回流本土，導致本港有資金外流壓力，本港銀行體系結餘由2015年10月4263億元，下降至現時1796億元，顯示資金正在流出，香港跟隨加息難以避免，相信最快明年上半年調整最優惠利率，全年加息1至2次，每次加幅介乎0.25厘至0.5厘，明年底實際按息將達2.4厘至2.65厘水平。在港息短期未知是否跟加前，地產股早前已經率先調整，大戶似乎趁壞消息前已經沽定貨。
港樓今年持續上升，去到年尾升勢都仲未停，不過，地產股走勢就有啲唔同，年中地產股走勢算係唔錯，到特首林鄭上任，大家憧憬官商合作，地產股喺第三季大力炒上，到10月份林鄭首份《施政報告》發表，大家睇真啲，發覺佢所提用農地起首置單位，只係雷聲大、雨點少，樓價於是繼續衝上去，但炒有平地起樓的地產股就開始回落，其後恒指雖然升上3萬點，但基本上地產股係無份。
以最多農地的新地(016)
喺今年9月13日就見左高價136.8元。同樣有好多農地的恒基(012) 
表現強橫啲，佢喺9月18日升上55.3元先見頂，但10月仲彈過上去55.25元先反覆回落，由此可見地產股係受房策影響多過跟隨大市波動。
另一隻地產大股長實(1113)
走勢有啲唔同，佢早喺8月初已見今年高位70元，相對年初股份由49元起步，高點足足升足40%，之後佢雖然調整，但幅度明顯細過另外兩隻龍頭地產股。以佢昨日收市價65.7元計，只係調整左6%。長實表現咁硬淨，一個解釋係市場第三季一直憧憬佢賣中環中心，結果佢以402億元出售左呢項非核心資產，成為支撐股價最大力量。
地產股反彈只宜炒上落
如果睇番大型地產公司表現，佢地喺9月份炒作官商合作搞首置上車盤，到揭盅後開始失望散水。除左長實外，大股普遍調整幅度約為12至15%。新地年初股價100.9元，高位差唔多升左35%，高位回調約為11%左右。如果以政府數據，今年樓價上升約為10%，9月份地產股升勢平均去到30%以上，就係超前左樓價，呢個表現有3個因素影響，包括︰地產公司有借貸槓桿作用、股市大圍向好帶動作用以及新政府上場期望有利政策亢奮表現。當第三個因素減退，地產股就無法再跟進大市升勢，率先回落。
從今年至今累積升幅，雖然地產股已回調不少，但表現其實唔錯，只係因為科網股表現太突出，令到佢地變成跑輸大市。由於樓價o依家已經去到得人驚高水平，300呎唔夠的港島新樓未計折扣賣緊1000萬，計左折扣都要過800萬，相信無乜人會夠膽相信樓價可以喺比較長時間維時現今升勢。喺呢個假設下，地產股基本上無條件出現長期升浪，但由於佢地普遍都有好大折讓，主要都係當成炒上落高沽低買的目標。
陸羽仁
小5可唔可以造八十後呢？
番來lu , 埋位,
早呀～
早
Good morning.