撥亂反正

玩了十年的母語教學終於宣佈失敗, 將來任D學校自行决定分班分科去用英語或母語教學ｏ（咁至啱噃！）

母語教學政策最失敗是標簽了母語教學的學校是二等學校, 又硬性規定要用全母語去教, 連課本也只能用中文課本, 先生教D英文名詞也被視學官話不合法, 硬要全中文到尾, 僵化到令黄SIR咋舌！

本來很明顯的事, 到了一班糊塗蟲之手（李國章, 羅太之流！）搞到唔湯唔水, 害苦了學生, 又難為了家長ｏ而家取消了中中, 英中, 居然又有家長反對, 因佢D仔女, 好難至入倒英中渦, 而家唔分, 豈不是白費心機？

根本世界上多了D既得利益者, 改革真是寸步難行也, 有時明明是好事,搞得两搞, 就好事變成壞事了ｏ

其實學習思考性的問題, 討論, 溝通, 唔駛問一定是母語佔優ｏ而英文則因要與國際接軌, 亦不能輕視也ｏ其實用英文課本去學習理科, 就是其中一個好的解決方法ｏ黃SIR中學時在培英就是如此（培正ｏ真光ｏ金文泰一些有名的中文中學ｏ皆是如此！）, 在中文大學也是如此學的, 理科用英文課本, 用母語教, 一D問題都冇！

至於英文應該由英文老師去教, 俾D心機, 創造一個多講多寫的環境（培英用鬼婆教英文, 能不講嗎？）一樣學得好, 根本唔使科科用晒英文教嘅！中中, 英中只不過是殖民地教育無可奈何權宜之計罷了, 可憐後來大學因學生英文差, 也硬性規定用英文教！結果搞到學生英文學不到, 連本科一樣學得差！非外行人可瞭解者也！