各自諗計

四叔講咗句, 六隻耳仔（即係三個人！）各自諗計！令黄SIR茅塞頓開ｏ原來人好多問題都是出自两耳之間（即腦袋也！）一念可以為善, 一念也可以為惡, 思想真的是十分神奇之事ｏ

以往大陸大嗌, 高舉毛澤東思想紅旗, 毛澤東思想？當年黃SIR都唔曉得思想的偉大, 以為只是一個口號吧了, 及後年紀大了, 發覺人世間很多事, 都是思想作怪！（毛澤東的思想, 弄到一代人雞毛鴨血, 還不偉大？）

最近新鴻基的郭炳湘先生因與可以溝通（思想上！）的紅顏知已, 介入了家族事務, 被迫停職就是思想作怪一例！

有時黃SIR見社會上很多爭執, 都是思想上出了問題, 各執一詞, 無法解决, 本來是合則兩利之事, 卻因各走極端, 弄到不可收拾！

思想出了問題, 根本上除了當事人自已開竅之外,旁人實在幫𣎴了ｏ你講一, 佢諗二, 两隻耳仔, 都在諗計, 你話有乜收？

古人有云, 夏蟲不可以語冰, 就是這個道理ｏ 夏天的蟲, 到了冬天之前已經瓜佐, 從來未見過冰雪之美！你點講佢都唔明啦！正如你唔好彩遇到了一個夏蟲似的配偶, 或家人, 或朋友, 你就會無啦啦多了很多麻煩ｏ（有時有D網上夏蟲, 留言媽义黃SIR教壞人, 大佬（姐）你有两隻耳仔, 可以自已諗計嘛, 又駛乜聽黃SIR點呢？吓？）

記住四叔的教訓, 两隻耳仔, 一樣各自諗計, 你就冇咁谷氣矣！