四叔的智慧
2008/03/03 01:50:43
網誌分類:
時事
最近在電視上看D記者同桓基的老細李兆基先生對話, 十分有趣味,四叔（黃SIR都排行第四, 都有人叫我四叔！）自從拒絕再做股神之後, 但講股依然十分健談, 準不準已是後話ｏ但佢叫人買D燒得着嘅, 如煤氣呀, 煤呀, ,石油呀, 就充滿了智慧矣ｏ
此類能源股, 冇咗能源, 人都癲啦, 又點會唔賺呢？而四叔真係坐言起行, 佢自言此類係佢長線投資, 長揸不放者也ｏ（我有佢咁多身家都可以長揸啦！）
黃SIR欣賞佢就是, 佢有時不經意, 就講出一D大道理, 令黃SIR擊節讚賞ｏ例如 六隻耳仔, 各自諗計, 又押韻, 又有道理！（佢話新鴻基三個仔不咬絃乃必然之事, 成語有云, 六耳不同謀是也！）
跟住佢笑笑口話自己得两個仔, 四隻耳仔就唔同, 相信佢教仔都有一定方法也！好笑的是, 佢有個仔個名, 都叫做李家誠也ｏ（影射李嘉誠乎？）
似乎李嘉誠都有两個仔, 又係四隻耳仔, 相信都冇乜事ｏ不過黄SIR印象中, 好多朋友俾佢個哨牙仔隻八號仔, 害到雞毛鴨血ｏ如果李嘉誠一旦去咗, 佢個哨牙仔都幾大劑也！
睇來睇去, 都似乎四叔高智過誠哥, 放長雙眼睇下, 睇下边家人, 會富貴𣎴過三代？
大家一齊來, 玩吓憎人富貴啦！哈哈！
我諗你指的曹博士是曹宏威, 我𣎴是姓曹, 是姓黃, 也不是博士, 是退休講師就冇呃人, 是一個在 保理大 資訊及電子工程學系 教了二十八年的老師！
KC
我想您不是曹博士, 入您的blog 看, 因為看到 4叔, 我好喜歡他, 因為他風趣, 對人心地不錯 (唔一定人到無求品自高和). 常以長者, good guy 形象同人分享,有guts, 有d返老還童感.
4叔同d 口不對心的大富豪好不同. 每次在電視見他, 我都好開心. 是偶像來. 我有跟他增持3仔, 他無令我失望,一年有4成增長, 唔像某d人上市叫您買, 自己交比您走. 人就大富大貴, 您就一身係.
他2公子, 因為大有仔有信仰未婚,可能唔會太多arguements ( 對不起, 不是 中英夾雜, 但好多字不懂打出來).而且重係老豆話事.不過觀相,二公子一d都唔係隨遇而安的人.
不過我深信4叔一早做好信托. yy