刼匪才疏

今早讀一段新聞, 真係好鬼好笑, 有位地盤工, 又爛賭, 又輸錢（爛賭唔緊要, 嬴就無所謂！）欠下一屁股債ｏ仲係大耳窿個隻！被大耳窿追到走投無路, 於是把心一橫, 走去中環桓生銀行總行打刼！

好笑的情節是, 此君本意遞紙仔打刼, 以避人耳目ｏ可惜的是, 個 刼 字太深, 唔識寫ｏ只好寫白字, 打甲！

但如此一來, 銀行職員睇唔明（明都扮儍啦！）問佢想點？要佢再寫一張！呢位刼匪哥哥又認真合作噃！寫住打X, 要五十万！（刼字又唔識, 始終都冇計也！）

櫃員哥哥又唔明！激到刼匪哥哥大聲講！打刼呀！

誰料仲搞笑, 櫃員哥哥可能見佢又冇炸彈, 又冇乜殺傷性武器, 居然叫佢稍等ｏ（佢又合作噃！）

刼匪哥哥又聽佢點, 等佢按動警鐘, 揾差人包圍銀行, 自然將刼匪手到拿來也！

相信此事如果電視新聞有報導, D亞媽睇倒, 一定會咁教D仔女, 衰嘢！唔俾心機讀書ｏ第二時真係打刼都唔識呀！

此事令黃SIR樂上半天, 原來識得字多, 打刼都叻過人, 似乎黃SIR好容易就天下無敵也！

嘻嘻！