觀音借庫

觀世音菩薩據稱有千手千眼, 又係男身, 又係女身, 幻化成無所不能的化身, 普渡眾生！

近年觀音兼營銀行業, 𣎴用抵押, 人人可借, 仲利害過電視廣告之….情與義……值千金……….

觀音開庫（本周日？）, 人人都會排隊去借, 以前差不多人人一摸都借成一千幾百萬,但近日聽來, 舊年居然有人只摸得一紙恭喜發財, 等同借唔倒！同黄SIR過年時入馬塲玩擦擦卡一樣, 又係擦着恭喜發財, 連金鼠仔都中唔倒！好在黄SIR中番幾塲馬補數！

據說在香港, 運紅就咪去車公廟, 因為一轉, 变咗黑運咪死火！（據說車公廟最多下下簽也！否則誰去轉風車？）運紅一定要去黃大仙（因為黃大仙有求必應, 又多上上簽！唔駛驚應咗個黑運也！）

借庫梗揾觀音啦, 心經第一句話, 世觀自在菩薩, 照見五蘊皆空, 色即是空, 空即是色！色𣎴異空！空不異色！可見觀世音之出處乃在於心經ｏ（世觀即是觀世！世人皆是糊裡糊塗者也！有錢借話之佢觀乜音都借餐飽啦！又點會執輸呢？））

心念一動！財富卽滾滾而來！是為頌！

祝大家今年財源廣進！借庫成功！天日黄SIR去馬塲借庫！