陸羽仁
陸羽仁
陸羽仁

金管局又入市

2018/05/16 08:58:46 網誌分類: 生活
16 May

美息上升,港元回軟,兌美元週二多次觸及7.85的弱方兌換保證水平,金管局時隔近一個月後,再出手,今日在美股時段買入15.7億港元,令港元脫離7.85下限,港幣銀行體系總結餘預計降至1269億港元。
金管局出手和美息上升同步發生,美息及美元雙雙走高,美國10年期國債債息升上3.09厘,係2011年以最高,而反映美元兌6隻主要貨幣匯率的美元指數昨日升0.8%,又重上93上方,收93.28。金管局再入市,將令港股承壓。


利息升亦不利美股,杜指結束7日升勢,昨日回落193點,收24706點,跌幅0.8%,標普500指數跌0.7%,納指跌0.8%。


杜指一口連升7日,突破了下降壓力線24575點,上日更升穿「W」的阻力位上方的24830點水平。升得這樣急,調整一下都好正常,只要杜指唔跌穿支持位約24200點,反彈的勢頭仍未破壞,如果能夠向上企回24830點樓上,將挑戰25800點的2月底高位。


美股昨日跌勢比較全面,標普500指數11個板塊,除了能源股勉強企穩之外,其餘全部向下。美股昨日在全美最大家居裝修設備連鎖店Home Depot公佈業績之後開始走軟,Home Depot今年首季盈利雖然好過預期,但銷售卻按季下跌1.3%,差過市場預期。由於春季來臨,消費者都會湧去買園藝用品和家居裝修材料,所以每年踏入2、3月,都係家居裝修零售商的旺季,但Home Depot的銷售卻不升反跌,股民自然沽之哉。Home Depot昨日跌1.6%。


不過,美股走弱,還是源於市場氣氛麻麻,除了美國商務部公布的4月零售銷售增長0.3%,遠低於上月的0.8%之外,更大影響係利息及美元雙雙走高,美國10年期國債債息升上3.09厘的7年高位,有點嚇怕投資者。不過B. Riley FBR的首席市場政策師Art Hogan認為,國債利率的確在持續攀升,只要不是升得過於兇猛,對股市的影響不會太大,特別係利息上升有穩健的經濟數據支持。不過,Hogan補充,市場此前還懷疑美國聯儲局今年能否加息4次,但市場目前的態度似乎有變,開始覺得聯儲局可能會加息4次,除了3月已加息之外,將於於6月、9月及12月再加息。看芝商局聯邦利率期貨交易數據顯示,交易員首次覺得今年聯儲局加息4次的機率為51%,已過五成。


他認為聯儲局仍然保持加息的門檻為通脹目標2%和健康的就業水平,在決定加息前會考慮經濟數據。雖然上星期的消費者價格指數(CPI)略低於聯儲局的目標,但聯儲局認為更有指導性的個人消費支出,已非常接近聯儲局的加息準則。


加息對收息股、地產股不利,對銀行股有利,相信這個趨勢會持續,可以逢低吸納大型銀行股。


陸羽仁

回應 (10)
我要發表
animal666
animal666 2018/05/17 02:57:41 回覆

A股入摩步聲漸近
2018年05月16日

  外匯基金派發今年首季投資成績表,收入按年大減60%,睇番全球投資市場表現,呢個都係預算之內。坦白講,去年外匯基金大豐收,O依家調整吓,挑戰其實唔嚴峻,皆因O依家美息處於向上周期,息升債券價格下跌,金管局持有大量美債,等如行上坡路,而且愈行愈斜。

  金管局總裁陳德霖話,今年投資環境難以與去年比較,在利率趨升下資產價格將受影響,股市前景難以預測,稱今年投資環境更困難。現實上嚟講,增長推動通脹升溫,利率必然上調,直至冷卻經濟為止,中央銀行O依家政策係冷卻而唔係暖化經濟,從宏觀大氣候,息口趨向向上,會成為投資最大阻力。

  不過,呢兩日同政經界猛人傾起,佢話香港政府剛剛公佈,首季按年實質增長4.7%,高於上季3.4%,連續第六個季度高於過去十年平均每年2.7%趨勢增長率。雖然政府仍然維持全年經濟增長預測3至4%,但聽聞首季呢個增長數字都令政府有啲意外。

  加息下增長要買股

  今年首季股市旺,可能有財富效應因素,加上貿易戰因素未產生影響,第二季情況未必會咁好。如果用第一季數字計,增長有4.7%,若然通脹有2%,兩者加埋用公碼計名義增長有成6.7%,用呢個數字去睇,O依家香港利率遠唔係2%,仲係遠低過增長,更加唔好講話加埋通脹因素落去。處於呢種情況,理論上至少應該將部份資金投資股市,先至能拉番高整體回報。

  O依家投資者問題係面對兩個不明朗因素,一個係聯儲局政策;另一個係美國總統特朗普觸發的政策風險。聯儲局加息步伐左右資金流向,但以目前美國同全球經濟勢頭,美息逐步向上係可以預期,關鍵只係快定慢,所以利率因素不確定性唔算太高。相比下,特朗普神經刀作風,就令人莫衷一是。好似佢同中國打貿易戰,波及科技公司。點知日前佢又忽然發文,話會諗辦法解決中興通訊(763) 股價及相關新聞 制裁風波。美國商務部長羅斯跟住放風,表示正研究其他方法制裁中興通訊,又話希望可藉著美國總統特朗普和中國主席習近平之間的密切關係促成協議。《華爾街日報》亦報道,中國和美國接近就中興通訊和農業關稅達成共識,美國將解除對中興通訊制裁,中國亦不再對大豆等價值數十億美元美國農產品徵收懲罰關稅。

  特朗普忽然對中興鬆章,涉及眾多因素,可能同要中國幫手和北韓達成協議,又或者唔想中國幫伊朗,同時唔想中美貿易打大交,影響同中興做生意的美國企業。早前美國財政部制裁俄鋁(486) 股價及相關新聞 時已經發生過。由於俄鋁喺全球市場佔有份額太大,華盛頓強制唔准同佢做生意,搞到好多美國企業有生產停頓威脅,最後美國惟有放寬對俄鋁限制,要求大股東賣股就得。美國佬打制裁牌,遊戲規則完全佢話點就點,仲經常轉來轉去,投資者企錯邊就好易被佢玩死。

  喺咁嘅環境下,短期因素有時唔睇得太多,猛人話佢策略就係分散注碼。佢認為利息升,都係因為經濟好,現階段唔需要驚到完全避開股市,因為唔買股好難追到一年6至7%帳面增值,他的投資策略係恒指喺30000點下買入大股或指數基金,先收息再博反彈,至於特朗普出口術,佢就當住佢唱歌。

  金融板塊佔比重

  大市連升六日後,就算有中興好消息都一樣要回吐,恒指收造31152點,跌返389點;國企指數收報12440點,下滑103點,成交1052億元。升得多的藍籌回調亦急,騰訊(700) 股價及相關新聞 急跌3.4%,再穿400元關,收報398元,大股東配完股點都傷咗元氣,股王好難話一口氣升唔回頭。之前累升唔少的舜宇光學(2382) 股價及相關新聞 回跌2.5%,收報149.6元;友邦保險(1299) 股價及相關新聞 跌1.7%,收報73.1元。業績唔對辦的瑞聲科技(2018) 股價及相關新聞 再挫5%,收報110.1元。

  下個月A股正式入摩,隨著呢個日子步聲漸近,入摩個股名單終於公佈,新增A股股票11隻,合計標的有234隻,創業板上市公司無一入圍。

  去在首批名單中,金融、周期權重最高,消費其次,234隻納入標的中,滬港通150隻,深港通84隻。標的平均市值約1118億元,數量佔A股6.7%,流通市值佔A股54%左右。首批標的基本覆蓋上證50、滬深300等大盤指數絕大部份成份股,對於中小盤覆蓋率較低。花旗估計,初期資金流入約180億美元,對日均交易額700億美元的A股市場,該行認為影響並不明顯,不過股市有時係講心理多過講實質,係咪無影響好多時都仲要睇埋氣氛。

  陸羽仁

大戶終結者 ( 等人齊 )
大戶終結者 ( 等人齊 ) 2018/05/17 00:54:01 回覆

前主席識唔識返來? 係咪已經咗!  {#icons_dog1}

幪面馬仔
幪面馬仔 2018/05/16 23:22:34 回覆

頭條打雜大佬們,真唔該哂。


麻煩您們,感謝連日為我們做的改善 {#iconb_3113}

其實頭條blogcity冇執,應該感恩。
多謝 luk sir,多謝何生

幪面馬仔
幪面馬仔 2018/05/16 23:11:28 回覆
@大笨袋鼠...

袋鼠


人生真有幾多個十年??

有好多朋友在此,真的不想離開.......


剛有網友教我用ctrl c / ctrl v(貼上),可做到。
用mouse,right click就貼不上。


咁就唯有等頭條打雜大佬,希望會有改善

幪面馬仔
幪面馬仔 2018/05/16 22:46:48 回覆
@大笨袋鼠...

袋鼠

不枉我們相識十多年都未見過面,唔該晒。

即是話只可上載在網上第三方的圖片。

我自家畫那些要用你教我的方法??

其實我吾明你講咩架!

咁即是廢我武功……

我仍留在頭條是因為大家還在此處。

其二是貪佢仲可貼自家圖。

咁攪法,我好頭痕 {#iconb_24}

大戶終結者 ( 等人齊 )
大戶終結者 ( 等人齊 ) 2018/05/16 19:40:28 回覆
@林之...

正式通告兩個數字都有, 29% 係 non-gaap 準則, 唔知市場用邊個做估值多  {#iconb_61}

幪面馬仔
幪面馬仔 2018/05/16 17:21:45 回覆

打雜大佬

我自己在小畫家畫的图,怎樣在自家電腦上載到頭條網?

可否還原最容易right click的copy n paste功能?

吾好意思我投降,仍攪不懂 {#iconb_3113}

大戶終結者 ( 等人齊 )
大戶終結者 ( 等人齊 ) 2018/05/16 13:39:25 回覆

倒升!  {#iconb_626}

大戶終結者 ( 等人齊 )
大戶終結者 ( 等人齊 ) 2018/05/16 09:43:41 回覆

{#iconb_62}

 KFC
KFC 2018/05/16 09:07:25 回覆

{#iconb_62}

user

最新回應

幪面馬仔
幪面馬仔 2021/03/09

將軍

睇圖就像樣衰,但大户睇住散户食嘅。

當大家都話跌,可能反高潮。

話時話,明天可能會升。

子龍 (kaka就是大叔的契哥)

馬爺: 大市是否很.....樣衰 {#iconb_62}

幪面馬仔
幪面馬仔 2021/03/09

將軍,大户 {#iconb_62}