加息壓頂
聯儲局在加息的態度上顯得「鷹」明神武，即時嚇到股市腳軟，杜指在聯儲局議息聲明公布後下滑超過100點，收市跌120點，收報25201點，跌幅0.5%；標普500指數跌0.4%，納指比較硬淨，微跌0.1%。
聯儲局昨日結束一連兩日的議息會議，一如所料，宣布聯邦利率加0.25厘至1.75厘至2厘區間。聯儲局會在是次會議決定加息，市場早已預料，影響已經在股價反映了，市場比較關注的只是聯儲局在今年餘下的時間裡會在貨幣政策方面會有多進取。而聯儲公開市場委員會（FOMC）在會後的議息聲名中，顯得較預期「鷹」，對市場做成壓力。
分析指出，FOMC的議息聲明少有地只有320個字，但對美國經濟的看法顯得更為樂觀，聲明中使用的詞彙較5月時的聲明「鷹」得多，例如對美國經濟增長方面，聯儲局把「適度」（moderate）上升，改為「穩健地」（solid）上升；失業率由「維持低水平」（stayed low）改為「已下降」（declined），至於家庭開支，由「適度」改為「已上軌道」（picked up）。
另外，聯儲局又上調美國今年GDP增長及通脹預期至2.8%和2.1%，高於3月時預測0.1個百分點；另外，失業率則下調0.2個百分點至3.6%。
委員在議息聲明表示，「預計聯邦利率在預計的目標範圍內逐步增加，將會與持續擴張的經濟活動、強勁的勞動市場狀況以及通脹接近聯儲局2%的對稱目標在中期內保持一致。」有委員更表示，下半年加多兩次息是合適的，令到今年總加息次數是四次，較預期多了一次。據最新的聯邦利率交易數據，交易員認為12月加第四次息的機會為51.7%，已略超過「五五波」。聯儲局加息態度變得比較進取，股市自然受壓。
值得注意的是，雖然聯儲局今年起碼會加多一次息，但2019年的加息次數仍維持3次，另外，當局預期2020年利息升上3.4厘之後，長期會回落至2.9厘，而2019年的GDP增長會放慢至2.4%，而長期而言只會有1.8%，顯示儲儲局對未來較長時間的美國經濟狀況不是十分看好，加息只是用以抗通脹的中期手段而已。
美股在市場預期聯儲局加快加息步伐的陰影下，跌幅尚算輕微，主要係美國法院批准AT&T以850億美元收購華納時代，刺激媒體及通訊股大漲頂住。
法庭判政府認為AT&T收購華納時代是市場壟斷行為敗訴，令到付費電視供應商可以擁有像HBO、CNN及華納兄弟這些有線公司。相關公司昨日即時炒起，正在被Comcast及迪斯尼公司搶奪的21世紀霍士率先升7.7%，Netfllix亦大漲4.4%！
港股現價30725點，仍在回吐軌道中，預計未來一星期，會反覆下試30000點大關。
陸羽仁
陸Sir 中航科工長線黎講有無得玩呀?
2357中航科工插咗落嚟，並無特別負面因素，唔使同下周H股全流通有無關，但全流通不是負面消息。維持看好，有貨可以持有。無貨插得深啲甚至可以吸納。
反而3800就衰啲，主要係中國在貿易糾紛中，改變對太陽能行業補貼的因素，太陽能行業協會正同當局講數，但估計點都要減補賠。雖然3800是行業龍頭，這幾年增收節支做得唔錯，但行業大環境不利，要坐真係要坐多一兩年，公司本質不壞，不想坐唯有等反彈止蝕。
陸sir,
604跌到52周低位, 咩事咁差呀? 仲睇好10買左揸10年既方法?
我係長線既...挨價中.....
謝謝
2018-06-14
Dow Jones Industrial Average (^DJI)
25,175.31 -25.89 (-0.10%)
兜底的理由
2018年06月15日
美國加息四分一厘，有聯邦儲備局理事提出下半年加息兩次，即係全年加息四次，屬於調升步伐較頻密說法，會後美股回軟，港股跌幅再大啲，指數一度下跌超過300點，收市跌幅略為收窄。O依家就睇大市有無機會跌返近30000點入貨兜底位，跌深少少可以出手。
聯儲局議息結果相對較鷹，但唔太令人意外，因為最近數據出嚟，美國經濟整體感覺幾硬淨，儲局加快調高息口，一來可以控制通脹升溫速度；二來息口加高，等如多咗子彈，未來唔好景可調低利率應對放緩；三來可以吸引資金流入美元，所以儲局唔怕加息，亦都唔怕講得鷹啲。
唔開車與博多鋪的抉擇
美國無論股市同經濟，抗擊加息能力都比其他市場強。美股喺加息後小跌，港股跌幅就加倍，上證指數都進一步跌近3000點關，收報3041點。
美國加息，港股腳軟，O依家就睇佢會唔會跌近30000點。有中環茶友問，若然跌近30000點，係咪可以入貨？當然要睇本身手頭上係錢多抑或貨多，如果錢多，可以考慮博反彈，理由之一係純粹睇圖，喺呢個水位有支持，技術上係博反彈水平。第二季基本上炒上落搵到食，咁條橋得咪就繼續做囉。
從基本因素睇，美國息口向上調，就好似喺駱駝上面加重物，終有一日會加到隻駱駝頂唔順。美息不斷向上，最終會令增長放緩，以至出現衰退。喺衰退出現前，股市走喺經濟之前，應該會先插低，所以喺經濟周期買股炒股，同玩懸崖飛車差唔多。不過，雖然知道架車係向懸崖衝，咁職業司機係咪唔開車呢？如果斷估仲有一段路才到懸崖，就有人會博自己能夠及時跳車，咁樣搵到食但就有風險。不過要炒，都係等回到咁上下先去馬，咁會稍為安全。加息後指數回落，趁呢啲位短炒，危險性會低啲。
騰訊可以炒吓上落
炒上落其中一隻可揀騰訊(700)
，昨日收報412元，博佢回深啲去到405元入貨，入到博佢上440元食胡，唔得389元打靶，都有少少值博率。
利息上調，金管局總裁陳德霖講得仲鷹小小，提醒預計今年內再加息兩次，明年將加息三次。近期本地一個月拆息升至1.5厘以上，與半年結、大型招股活動抽緊銀根有關，但拆息上升趨勢明顯，O依家唔少銀行已上調存息，一年期平均有兩厘以上，所以銀行調高利率只是時間問題。佢又話，港元資金流走，港元利息正常化，有利樓市往後健康發展，同時無可避免對資產市場出現波動，市民要小心管理利率風險。
陳德霖話加息令樓市健康發展，講白啲就係令樓市降溫，甚至下跌。究竟呢樣嘢係咪會發生呢？答案係必然，最難估只係幾時啫，下月發生同兩年後發生，有好大分別。美國利率上調，代理跳晒出嚟話影響輕微；政府一手樓空置稅未推出，好多人已經話佢止唔到咳，呢個正係樓市高熱跡象。喺呢啲環境若然要仲要炒資產，地產股就靈活過地產。好似陸羽仁講過呢兩年多樓賣的恒基(012)
，除淨後回調至44.05元，單日跌咗1.5%，接近短炒入貨目標。
世界盃開波，沽空機構GMT揀呢個時間候發表報告，唱淡體育用品股，指多間上市體育用品公司涉及造假，結果木棍扑正，前日創新高的安踏(2020)
挫8%；李寧(2331) 
跌6%；特步(1368) 
跌3.8%；361度(1361) 
跌3%。
陸羽仁
將軍係咪去咗揾美俄少女睇波？
TC主席: 苦主心情係有過程的
被刺激後變成
..........
苦主心情 ------>>>>>
???
有時真係要讚下財演可以咁厚顏, 而且買股勁到呢,每次低位都唔會叫人買, 到升到高位先叫人追, 仲要係同一隻股, 真係好勁, 除左3800外, 仲有2357, 大飛機
17年3月時, $5.15推介, 話目標係$5.95, 點知隻股一路向西, 係西天既西, 跌到18年2月既$3.6
http://pop.stheadline.com/content.php?vid=60194&cat=d
我諗, 就算點睇基本因素, 跌左30%, 點都會止左蝕啦, 但係, 就如3800一樣, 故事未完....
財演勁到呢, $3.6既時候玩潛水, 到2357係及後3個月強勁反彈到$5.84時又走出黎推介, 建議係$5.07入
http://www.bastillepost.com/hongkong/article/3083446-%e4%b8%ad%e8%88%aa%e7%a7%91%e5%b7%a5%e3%80%81%e8%8f%af%e6%b2%b9%e8%83%bd%e6%ba%90%e8%a6%8b%e5%b0%8f%e5%ba%95%e8%b6%a8%e5%8b%a2%e5%90%91%e4%b8%8a
剛才又跌到$4.78, 非常接近佢所講既止蝕位.....呢個情節又係同3800一樣
所以我先覺得財演好勁, 已經去到爐火純清既境界, 高位買進, 低位止蝕, 仲要係同一隻股來來回回....係邊度跌低, 就係邊度再仆多一次.....勁, 卓越, 出色!!!
由十年前教人保守投資, 買405, 買2828, 2823等等既穩陣股, 變成而家成日推介毒藥股俾散戶既忘我高手, 簡直變左另一個人一樣
香港樓市估錯十年, 錯到離普都算啦
鍾意可以睇, 唔鍾意可以唔睇, 兩不相欠, 非常自由......
當錯信佢既人聽到呢D說話, 你地話苦主會咩心情呢?
將軍，
有冇 息 more 股？
將軍去左邊呢？
早呀~ 各位~
有空的給個[讚]，有興趣的可[追蹤]一下，感恩~
https://www.facebook.com/HKProgramTrading/