六大退休城市
貿易戰暫遏，美國炒銀行股業績，杜指大升320點至24776點，升幅1.3%；標普500指數及納指齊升0.9%。
推動美股造好的主力係金融股，標普銀行股票基金（SPDR S&P Bank ETF）大升2.3%，係今年3月26日以來最大的單日升幅。其中高盛及摩根大通齊升約3%，帶動杜指跑贏大市。
銀行股表現一枝獨秀，除了上週五公布的美國6月非農就業報高好過預期，顯示美國經濟理想，有利銀行業之外，另外，美企第二季業績公布潮本週展開，包括花旗、摩通、富國等大型銀行將於週五派成績表，根據美國金融數據公司FactSet的預期，標普500企業第二季的盈利增長會有20%；更重要的是美企財季把投資者對貿易戰的注意力轉移到基本因素上面。
正如B. Riley FBR的首席市場策略師Art Hogan所講，「市場焦點轉變，隨時令人意想不到。美國上週五公布的就業報告，加上陸續有來的美企財報，把投資者的注意力拉離了全球性的貿易戰。」市場焦點能夠離開貿易戰，回到經濟的基本因素上，對股市自然是一件好事。Financial Research的交易及衍生工具部門副主席Randy Frederick補充，預期美企第二季財報強勁，甚至好過第一季，這將成為美股市反彈的催化劑。
香港樓價租金高企，生活越來越艱難。退休以至即將退休的人士，更係憂心忡忡，就算返回內地生活，北上廣深這些內地大城市，生活指數越來越高，也不易捱也。
最近有一家叫做International Living的國際組織，撰文介紹世界五個又平便宜又好住的城市，一年使費只需3萬美元，約每月2萬港元，有需要的人朋友，不妨諗諗。
第一個係葡萄牙的馬福拉，一對夫婦每月只需17760港元，就可以過著很舒適的生活，馬福拉離開葡萄牙首都里斯本約20公里，附近會有沙灘、公園，經常會有音樂會和話劇演出，也有很多咖啡店和酒吧。
第二個是厄瓜多爾的昆卡（Cuenca），昆卡是厄瓜多爾的第三大城市，一對夫婦每月13300港元，就可以舒適地生活，據International Living的資料顯示，一個三房兩厠的高層住宅，每月租金才5500港元，這裡風景優美，而且食物也相當不錯。
第三個是哥斯達黎加的中央谷地（Central Valley），哥斯達黎加三分之二的人口都聚居在這裡，一對夫婦的生活費每月只需16000至19600港元，附近有森林、高山又有農場，大自然景色一流。International Living表示，當地的住宅社區非常優雅，醫療設施充足，有第一流的購物中心和食肆及好好的餐廳。
第四個是巴拿馬的佩德斯（Pedasi），離巴拿馬城只有幾小時路程，這是一個漁村，喜愛沙灘的就最適合，附近有很多農場和粟米田，生活節奏不快，一個月的生活費才16000港元，據International Living指出，請一個管家，一個月才120港元，啤酒算是貴一點，也只是8港元。
不想去到歐洲這麼遠的，可以考慮第五個城市，柬埔寨首都金邊，這裡可以說是全世界生活最便宜的地方，但生活質素不差，一對退休夫婦每月只需約9000港元，就可以過不錯的生活。在金邊是柬埔寨最繁盛的城市，但在市中心租一個一睡房連露台的高層住宅單位，月租不用2000港元。
我附加第六個選擇，中山。樓價1800元人仔一呎，租一個千呎單位5000元就得，一對退休夫婦每月生活費10000元就夠。有病坐車經港珠澳大橋回港睇醫生也十分方便。
中年朋友，都要為退休生活打算吓啦。
陸羽仁
陸Ｓir:
您第６個建議中山，有限購令，港燦唔可以買一手住宅樓喎。要住中山，只有
1. 租住：但相信中山通帳會高過香港
2. 買二手住宅：但要信晒律師同代理，唔好彩買中咗上手業主有鑊嘅嘢就煩
3. 買唔限購嘅公寓，即係商住樓，但除咗年期短，稅率水電等較貴外，仲要查清楚係咪准住人，有啲商住公寓其實唔畀住只准商，只係賣樓嘅混肴視聽叫佢做商住樓，即使法例上可以住，亦唔介意年期等問題, 亦唔知會唔會成棟大廈變咗airbnb, 你日日出入都畀喼撞，又或者你鄰居係歌室，你樓上係舞室，日日嘈你震你...
唔知我呢個睇法，有冇錯漏？
小米讓利之謎
2018年07月11日
美股抗跌力真係唔到你唔服，中港股市因為貿易戰大插，華爾街就當佢小菜一碟，早兩日象徵調整一陣已經回升，前晚再喺銀行股帶動下勁升320點，收報24776點，科技股表現強勁，可以話係新舊經濟股雙炮齊響。
美股向好，主要係銀行預期業績理想，加上減稅效應推動，傳統股份佔比較高的杜指，跑贏科技股主導的納指，但咁唔代表科技股唔得，facebook月前受通俄門事件影響，當影響丟淡，佢嘅股價就節節向上。
同美股相比，港股就明顯弱勢，甚至A股造好升0.4%，但港股仍係先升後跌，收市倒跌6點，收報28682點；國企指數收報10824點，漲56點，成交金額987億元。美國科技股造好，小米集團(1810)
上水，但騰訊同樣先升後跌，收跌2.3%，報386.8元，單計騰訊跌幅拖低恒指70點，成為大市下跌主因。
股價上水急升13%
昨日最搶鏡係第二日掛牌的小米，股價不但上番水面，而且仲急升13%，收報19元。小米以銷售手機為主要業務，但公司提出的概念係互聯網業務，呢個概念喺招股時吸引唔到股民入飛，但有券商就喺佢掛牌後唱好。麥格理發表報告，首次給予小米「跑贏大市」評級，目標價高至30元，較現價有逾60%上升空間，相當於2019年預測市盈率35倍。
該行認為，小米用戶量是收入主要動力，可透過互聯網服務，包括廣告、網上遊戲帶動收入，而時尚手機對用戶有吸引力。這種商業模式跑贏其他手機同業，料互聯網服務毛利貢獻，未來三年將提升至42至49%。
大行唱好小米互聯網概念，但呢樣嘢唔係乜新招，點解喺上市前發揮唔到效果，掛牌後大行先好似發現新大陸，成為炒高股價理由呢？內媒就提出咗另一個剖析小米估值觀點，就係今次佢以下限價上市，是向基金「讓利」。
據引述在小米上市前夕，京東集團董事局主席劉強東在微頭條發文稱，奉勸有意跟住上市的獨角獸(市值10億美元仍未上市的創新公司)向雷軍學習，做到讓股民賺錢。他認為去股市割禾青的，沒有資格成為企業家。看到雷軍最後定價在最低價位，劉強東加了一個註釋，前幾年資本氾濫，很多創業公司享受超高一級市場估值，給很多創業者造成假像，有的人甚至真的相信自己可以值這麼多錢，現在可能到了裸泳時候。
京東主席拆解定價玄機
劉強東是內地科企高層，對行內大戶動向應有了解。按他的解讀，過去獨角獸自以為身價過人，而且愈叫愈貴，但到要真金白銀籌錢時，其實一樣面對爭奪資本現實。
未來香港上市的優質科企陸續有來，喺供應大增下，價錢自然有壓力，劉強東指，「小米讓利」說法和奉勸往後想上市的獨角獸，抬高身價要小心被迫裸泳，正係反映咗呢個大勢。
對於劉強東或內媒說小米讓利解釋，其實還有多一點觀察，就係小米董事長雷軍喺上市儀式，雖然有提吓入飛支持者，但實際要叩頭致謝的，是做基礎投資者的大戶李嘉誠、馬雲、馬化騰等大佬認購小米股票，強調「這是對小米管理層和員工莫大信任和重托。」雷軍提到這幾個大戶，相信喺上星期貿戰風高浪急時，決定小米能否上市關鍵，只要佢哋抽飛，相信掛牌就有機會觸礁，所以雷軍喺儀式裏面，流露感激不已的神情。
呢幾個大戶都係投資聖手，亦是對科網公司價值有深刻認識的強手，佢哋投資機會多不勝數，喺咁波動嘅市況要佢哋投資，「讓利」可以話係最體面說法。正如喺金融海嘯時期，好多大公司搵股神巴菲特入股，股神肯用筍價投資，好多CEO已經感恩戴德。如果咁樣去睇小米定價同讓利，相信對股價前景會有唔同角度。當然，喺貿易戰這樣風高浪急的股市，即使新股有一定質素，仍然面對市場風險。小米股價也未必會一帆風順。
陸羽仁
2018-07-10
Dow Jones Industrial Average (^DJI)
24,919.66 +143.07 (+0.58%)
股平樓貴難永續(大結局)
2018年xx月xx日 (xx:xx AM)
陸羽仁
金融High Tea——
股平樓貴難永續（下集）
2012-07-16
上周五是「黑色星期五」，但股市並不黑色，內地公佈第二季經濟增長只有7.6％，市場相當冷靜，內地上證綜指微微升鰦一點都唔夠，等如無上落，收2185點。港股亦撐住19000點大關，收19092點，升67點。
不過呢個黑色星期五去到美國仲精采，早前摩根大通深受「倫敦鯨」交易員投資失利影響，但上周五佢公佈上季業績較市場預期佳，股價勁升6％，帶動整片美國金融股抽上，再加上歐美投資者認為中國7.6％經濟增長，不是硬覑陸，杜指爆升203點，大升1.6％，終止連跌六日的頹勢，港股應有反彈，特別係跌得好殘的內銀股，應有像樣一點的反彈。
大戶操控詮釋權
股市就係咁，上上落落，壞消息面世時，又話「好過預期」、「其實唔係咁壞鎹」，股市升彈。股壇老雀極短炒時鍾意炒相反，認為如何詮釋市場資訊的權利在大戶手上，佢地鍾意同散戶做對手，所以要極短期炒作，只能在市場評價好差時買，在評價好好時賣。
上星期寫了篇文「股平樓貴難永續」，講起網友「硬道理」在09年中因錯判市況，將05年入市的自住樓賣掉，然後將所有資金分段投放在A50（2823） 及工行（1398） 上，如今樓價升了，投資的股票跌了兩成多。文章見報後，迴響不少，有不少甚為專業的老友都有評價，可以寫寫他們的寶貴意見畀大家參考。
第一，順大潮流炒作。有一個擅作價值投資的老手，睇完「硬道理」棄樓買股的手法，有此感歎，「買股票要年年有表現，其實近乎炒作，不是投資，炒作要順勢，唔講你個網友『硬道理』把自住樓賣掉，要冒上替代使用成本高升的風險（租金上升），單就炒作而言，佢鱓做法都是逆勢施為。」
投資老手話，股神巴菲特咁成功，除鰦佢善睇公司價值，低價入市之外，佢都有「順勢投資」的味道，才不止長線有表現，而且中短期都有表現。例如佢在2002年、2003年以2元多的低價大手買入中石油（857） ，除了因為中石油股價低迷外，還睇到2002年911事件後，美國大幅降息，美元將持續走弱，石油等商品價格將長線走強的大趨勢，當時美國石油股唔便宜，就買纒中國石油股，結果食正油價連年大升的潮流，多年後就在10元以上沽出中石油獲利。
股神都要順勢買
又例如巴菲特在2011年1月以440億美元收購美國第二大鐵路營運商伯林頓鐵路公司（BNSF）。巴菲特雖然聲稱這次收購是對美國經濟前景的一次豪賭，但如果真係咁睇好美國經濟前景，點解係買鐵路公司而唔係買銀行？巴菲特係睇住美國正發生可能長達10年的非槓桿化過程，靠借貸賺錢的銀行唔係咁掂，投資進入低回報年代，加上油價高企，所以就買入鐵路這種回報較穩定的傳統公用事業，這種行為和李超人去英國買電廠、水廠有異曲同工之妙。當然，巴菲特偶有睇錯大潮流出事的投資，例如油價高睇好電動車，過份放大呢個行業的發展，入股比亞迪（1211） ，結果概念掂生意唔掂，股神勝在以8元入股比亞迪作價夠平，所以佢未死只是跟風者死晒。
投資老手話「硬道理」在09年買入工行和A50基金長獱，事後睇係逆勢投資，因為阿爺在08年驚得滯大力投放4萬億救市，令股市和樓市當年升得太勁，再加上基建泡沫，觸發巨大通脹，2010年開始要收水救亡，這種收水潮，對投資內銀的氣氛不利，「硬道理」投資失利，係睇唔飱呢個收水大勢。反而好多人中短線炒纒內銀，跌得多買鱓，升一兩成走人，仲搵到食。
第二，買樓有利長獱。我有另一個老友是極資深投資銀行前輩，佢20年前係巨型銀行的投資銀行部獱fit人，一直鍾情股票長線投資，唔喜歡買樓，當然佢亦有兩三間樓畀自己和屋企人自用，但他和香港人大多數發達方式不同，主要投資放在股票之上，而且係20、30年咁長獱。
這位投行前輩舉鰦個例，佢話當年佢在包銷上市的公司中，揀鱓好鱓公司，用好少錢例如一、兩萬去買它們的股票（呢鱓錢在他而言只是零錢），買鰦十家八家公司股票，夾埋只是用鰦十幾萬，到而家無計歷年收的利息都值400幾萬，當中仲扣埋有一家公司執鰦笠股票變廢紙。佢話我可能唔覺得400幾萬係乜№錢，但佢只想試纒證明，長獱優質股票，獱得夠長有好回報。
散戶買股難長獱
當然，佢當年係投行大佬，睇住呢鱓公司上市，知道晒佢地盤數真假，佢長獱的股票有質素。佢承認呢個係事實，普通股民唔識揀，好多時會揀鰦鱓垃圾股，佢以內銀為例，雖然好多人怕內銀有壞帳黑洞，佢就唔係咁驚。呢個前投行大佬係中國好友，話中國第二季經濟仲有7.6％增長，仲話已經見鰦底，咁有乜№大問題，你睇纒歐美日的經濟有幾多增長？點解覺得美國好似安全過中國？美國最好的年代也只月3點幾巴仙增長，美國今年第1季增長只有1.9％，有幾好？所以拉長十年睇，佢唔覺得股票投資有乜問題，但你要日日問股價，日日去比較，咁就大問題囉，心理好易不平衡。
前投行大佬話，一般人買樓好過買股，除了因為買樓有槓桿外，還因為買樓焗你長獱，但買股好易出出入入，但完全唔贊成投資者買股「游水」（將長線投資的股份高位沽出低位獱番），因為覺得大部份股民沒有合適的心理質素，所謂高沽，可能升少少沽鰦，結果只有輸錢股會長獱，賺錢股一早就沽走。內銀現價息率4厘、5厘，點解唔可以長獱？佢認為若有心理質素長獱，買樓買股都得，只要選擇低位入市獱佢十年廿年就得啦。
第三，最怕係樓價追股價。聽完呢兩個朋友的意見，雖然好似一個話內銀唔得，一個話內銀得，其實只是中短線和長線的分別，內銀價殘，卻是大家都同意的事實。
有一個靚女朋友上周問我，好買唔好買一個西半山樓盤投資，16000元一呎，佢想買一個500呎細單位租畀人，話利息咁平，隨時供平過租，有租金淨收入。我計一計，500呎單位盛惠800萬大元，呢鱓單幢樓實用率好低，500呎樓有300幾呎都偷笑，呎價真係貴得好緊要。但我見靚女貌美如花，好怕叫佢唔買一年後升到20000元一呎佢鈬找我晦氣，只能咁同佢講，樓價咁貴，但利息續低，升3成變20800元一呎當然有可能，但跌4成變9600元一呎也有機會，好似跌的機會大過升少少，就算升鰦上20000元一呎，兩年內賣要畀特別印花稅，利潤無鰦一大截，叫三思才好後行。
靚女又問睇完我話「股平樓貴」，係唔係股價會大升？我見靚女一面「炒相」，好似唔炒樓想炒股咁，就提佢小心係「樓價追股價喎」，在這種百年不遇的金融海嘯中，投資唔好太冒進啦。
陸羽仁
金融High Tea——股平樓貴難永續
2012-07-09
中國減息沒有為上周五的市況帶來太多刺激，主要因為外圍唔好，內地股市上周五早段一度唔升仲要跌，搞到港股早段都要插，尚幸上證綜指當日午後都炒番上去，最後升1%收場，造2223點，港股都算收復失地，恒指只微跌8點。不過美股上周五又因為新增職位不理想，杜指跌124點，港股今日都要捱一捱。
股市唔好景，炒股的人愈來愈少，傳統智慧話無人買才是投資股市最佳時機，不過在歐美大崩圍兼大放水時代，傳統智慧係唔係咁啱用，都令人存疑。股票買唔買都得，但買樓有實際使用需要，就必須處理，令人有好大煩惱。網友「硬道理」早前在頭條網留言提問，我覺得問題有普遍性，所以不妨引述一吓。
網友「硬道理」咁講：「自問是紀律良好但不善投機的長線投資者，在09年中因錯判市況，將05年入市的自住樓賣掉，然後定下長遠投資目標，當時看好中國的長遠投資前景，將所有資金分段投放在A50（2823） 及工行（1398） 的股票之上，期間看着樓價不斷上升，雖然十分痛苦及無奈，但依然嚴守紀律，分段吸納，但3年過後，租金已將賣樓的利潤耗盡，自己的投資卻原地踏步，後期更是反覆向下調整，其中持貨較高的A50已比我入貨的平均價下跌28%，工行也下跌了22%，在後期將買貨目標轉至民行（1988） 及中銀香港（2388） 才止血，但倉位已滿，分配大概為A50 50%，工行30%，民行10%，中銀香港10%，由於A50及工行佔去總投資額的80%，令總投資虧損嚴重，本來看錯市受教訓是應該的，唯有處變不驚，靜待市況逆轉……工行、民行及中銀香港的投資，暫時偏向以不變應萬變，除非歐盟真的出現架構溶解的危機才考慮減持，這策略在這時勢還可取嗎？」
沽樓買股受重創
「硬道理」又問：「尤幸內子沒有給予太大壓力，亦從未有因為經濟緊逼而爭辯，但總會有片言隻語流露出對自置物業的渴求，但現在似乎在2014年利息回升之前，也看不到有再上車的時機，要說置業的好時機，可能還要再等2016年，因樓市縱然下調，開始時也會比較反覆，大量的剛性需求，會促使樓市在下跌初期不斷有小幅反彈，直至積壓已久的購買力完全釋放後，樓價便會正式受到考驗，陸老師同意這觀點嗎？」
他又說：「由於對自己的長期投資策略開始抱有懷疑，我在銀行跟我推銷3個月超低息借貸時，借了一些額外資本，總利息成本為0.3%，我以這些額外資本嘗試以5%止蝕及高位回5%止賺的硬道理進行短炒操作，最低目標是保本，幸運地由於市況好轉，暫時的成果比預期更成功，由於要控制風險的關係，所以不打算加大短炒的資金，但的確對自己的投資紀律挽回不少信心。」
「硬道理」的提問很長，佔了不少篇幅，希望《頭條日報》老總不要以為我在騙稿費，我覺得「硬道理」講了不少等買樓的市民的心聲，所以不妨長篇引述，我以點列回應。
第一，賣自住樓要小心。我一直在講，如果是投資的樓，覺得樓價好高，賣咗出街，即使樓價再升，也只是賺少了，只要平常心對待即可，但賣自住樓要小心好多，這是一個百年不遇的金融海嘯，各國中央銀行也以百年不遇的手法去應對問題，結果難料。聯儲局主席伯南克的博士論文，就係議論美國1929年的大蕭條，主要觀點是若當時央行大力放鬆銀根，就不會蕭條10年咁長。伯南克如今正試驗他的理論，係唔係咁簡單放啲水就得，無人知，正因為咁，美國的利息政策係點，亦好難估。利息影響樓市，所以樓市的中短期後向無人摸得準，人人都知到加息時香港樓市好可能唔掂，但到底幾時加息呢？
若伯南克成功救番美國經濟，可能在2014年，甚至更早就加息，樓市壓力就來。萬一相反救極都唔掂，而且再步向衰退，美國有通縮而唔係通脹問題時，只能令利息超乎想像長期低企，咁樓價又唔係咁易碌番落去。賣咗自住樓要長期租樓，好似「硬道理」老婆咁唔嘈已經好好，若一方賣樓，另一方老婆老公唔同意，鬧得一兩年，離婚都有可能，最悲哀係離咗婚樓市先至跌，證明當初賣樓的決定係啱，但一切都太遲，所以賣自住樓，除了睇市之外，還有一個感情因素要考慮。
第二，做咗不要後悔。好似「硬道理」咁，睇落有清晰思路，有自己邏輯，就不要動搖。他的理論是樓貴股平，所以賣樓買股，而家睇落唔啱，因為樓升股唔升，佢有少少動搖，仲借錢炒股，我建議佢唔好借錢炒股，因為咁樣就開始偏離長線投資的基本策略，好易一錯再錯。堅持買股長線投資，可能5年後發現係啱。
長揸平貨是正道
第三，股樓背馳難永續。由於央行的行為「反常」，長期低息，大量放水，谷高通脹，推升實物資產，令房產和商品等供應好難短期增加的實物資產大幅炒起，但供應相對彈性的股市炒唔郁，結果出現內地十年股市原地踏步，樓價升咗10倍的畸型現象，雖然內地早幾年因為股改將原本不能買賣的公司大股東持股投入市場，令股票供應大增，但兩者背馳成咁，都有股票太便宜、樓價太貴之歎，恐怕差距會慢慢修正。貴嘢會跌，睇商品已睇到，反映商品價格的商品研究局指數（CRB CCI Index）去年4月上到691的高位，現已大幅回落至545，技術上跌20%已入熊市，佢已從高位跌21%，熊味不輕，再大幅下滑就確認大趨勢。CRB指數在2002年美元大跌之前，長期只是在200至250中間浮沉，未來若全球經濟再走弱，對商品需求再減，商品價格下行空間極大，其他貴價資產亦然，內地房產價格已回吐，香港樓價又能否長升不跌？當然，我講的是長線走勢，短期一年半載內樓價唔回甚至再升都唔出奇，對無樓者仍然係好大煎熬。
第四，長揸收息唔失禮。我自己愛做長線投資者，本來好唔鍾意將長揸的股票出出入入，認為散戶點解買樓易搵大錢，買股無乜進帳，皆因持股坐唔定，升少少就走，所以一直建議「投資的我」買股要長揸。有人話而家啲股票係「呢世唔會再見到咁平」，所以你忍得住長揸，或許可以發達。不過好似「硬道理」咁，長揸A50基金和工行，而家仲要輸20、30%，心理上的確好惡頂，本來長揸A50基金有1.7厘息，好過放銀行，揸工行有5.8厘息，簡直吸引，唔睇股價就得，我的建議係揸落去，唔好低價出貨。若真係頂唔順，又估大市可能都係波動上落，可以等大市從低位升3000點時沽部份股票（只沽部份，不要清倉），博佢回吐跌番2000點時揸番，也是降低成本的方法，但要好有紀律去做，唔好太受市場影響，唔係沽咗唔去買番，就變成低位出貨，這種「游水」動作，要有定力才好做。
最後總結，一般人覺得買樓容易炒股難，主要係揸股票無定力，買樓迫住你長揸而已。長線投資一定要買平貨，才是正道，如今樓貴股平，要長線投資，選擇清楚不過。
陸羽仁
大戶兄:無錢的必須投機. 投機前必須學習. 學習必須犯錯. 犯錯必須改過. 改過后亦會犯錯, 犯錯后亦須堅持. 最后離成功不遠矣......
將軍，
點樣由5舊炒到六球？
kaka: 勿慌, 如gap down收市能重上290, 又真係好令仔架......
將軍，反彈受阻，救我
將軍，收到！
林之兄，買賣牛熊只因有正股坐艇唔願走乍
林之兄: 如gap down收市能重上290, 又真係好令仔架. 小貓兄一定all in.
將軍：不如就嚟個gap down 然後收市上返290
林之兄, Leo兄: 睇番大市要倒跌, 見到唔多開胃, 如明天未能重上290, 唔....要很小心呢.
Leo兄日日有得執
將軍，只係雞仔注，兩成買唔到只雞腳，唔同將軍日日食鵝脾
Gap down?難道老美今晚要反艇？
將軍，你咪拎六球比美少女玩吓倫敦金，然後專心睇市，賺到又再比零頭加碼比美少女炒倫敦金囉
Leo兄: 你就肥啦, 係咁易汁2成.
林之兄，今日沒有入牛，只是做了熊仔買賣…0.07入，0.084沽
林之兄: 剛剛有位美少女wechat子龍買倫敦金, 等子龍分心了大市呢.
明天唔會gap down掛.........
Leo兄又入牛嗎？
將軍，莫非今次是真跌
唔通將軍一時分心於尋找美少女而困於股場迷局？
林之兄: 救我.......
將軍有加注嗎？
就照将將軍意思好了！
Leo兄: 大戶成日係度扮跌, 唔....292夠吃未呢???
將軍，今次目標射幾高？
將軍，收到
大戶兄: 假設你有600萬, 全數買入405, 現價息率為6.3%, 即是每年有378000股息, 好過買樓收租, 買車位收租, 買入倫敦金呢.
唔係想倒跌呀!
kaka: 勿慌, 大戶又扮跌, 收市同我升番上去....
大戶兄: 噢...陸sir咪教左405, 退休重使愁呀.....
Leo兄: 今日未吃, 重想加注呢....
小米，殺呀！
將軍，快食鮑魚面啦！
將軍，
有冇六大退休股?
將軍，29000 有阻力，救我
叮噹....半日大市升1舊, 成交過500億呢
今日係咪應該食面呢, 子龍還在思考中呢.
小米合理要彈, 唔係就連大戶都要輸呢. TC主席大人再下一城呢.
Kaka兄：將軍可能又食埋最後一碗面
將軍，咁開心，琴晚食左幾多隻鵝脾？
小米😋重唔俾我捉到你😍
各位早
內銀再升多一日的话，就大事已定了
First