為新演員設計造型出特刊 劉天蘭：最緊要盡力做好自己
2018/04/09 11:58:26 網誌分類: 生活
主持：黃柏高 統籌：林永匡 協力：李佩儀
攝影：袁東亮、謝民光 場地：大松日Matsunichi
「創意香港」自2013年推出「首部劇情電影計劃」，成功培育新晉導演和推廣香港電影，今年再下一城，邀請「香港電影美術學會」和其他協辦單位，透過「星。勢。力」這個項目，鼓勵年輕新一代的演員。任項目創意總監的Tina坦言：「星代表新嘅明星，勢力就係蓄勢待發嘅一股新力量。」今次Tina先為十位新演員設計不同的造型推出特刊，事前她要約見各人，與他們傾談作進一步的了解，然後再構思image，跟住就影相和做訪問。籌備了約三個月，特刊終於在上月中面世，Tina開心表示：「成個過程都幾順利，同埋都有幾好嘅回應。」
感激Tina幫助
訪問當日，四位新演員Jennifer、Rachel、Hedwig和阿Sing都很感激Tina，Rachel更視Tina為朋友、媽媽和校長，她說：「有你哋嘅支持，做新演員就唔會覺得孤單。」而Jennifer就覺得整個過程好好玩、好難忘，「諗唔到自己造型可以咁樣，經過今次一向拘謹嘅我，仲釋放咗自己出嚟。」Hedwig則表現得好開心：「希望俾人睇到我另一面，同埋今次令我有信心咗，覺得可以繼續發展落去。」阿Sing對於自己造型就好驚喜，並續說：「第一次有咁多新演員聚埋一齊去做一件事，我真係好鍾意電影呢個氛圍，大家朝住一個目標進發。」
被拒絕唔好傷心
談到未來目標，樣子甜美的Jennifer好想拍一部浪漫的愛情片；向來正氣的阿Sing，就想試演反派，挑戰自己；而Rachel外表看似柔弱，卻希望做打女；而Hedwig就想拍一些有關隔代親情的電影，例如爺孫或嫲孫，因這關係既親密又疏離，感覺好得意。不過Tina則寄語：「好多時演員都係被人拒絕，casting完個角色都唔輪到你做，但唔好傷心，因為唔係你嘅錯，拍電影太多嘢要配合，啱唔啱？係機遇嚟，所以唔好take it worse，that's ok！」我就覺得要堅持和主動搵機會。
多觀察多體驗
Tina表示同意，並說：「作為一個年輕演員，電影行業複雜多變冇sure win，你可以做嘅係做好自己嗰部份，係咩呢？除咗要鑽研演技，仲要知道點樣發揮你嘅長處，點樣改善你嘅缺點；仲有live your life，去睇多啲、體驗多啲，做多啲唔同嘅嘢豐富自己，因為當你演第二個人時，如果你有參考嘅成份，個角色會實淨好多。」當然仲要學識與導演和其他工作人員溝通，她解釋：「因為電影每個崗位都會影響套戲，就連茶水同場務都係一樣。」當你做得到，總有機會的。
黃柏高
■Paco和劉天蘭為四位新演員（前左起）余香凝、梁雍婷、談善言和林耀聲打氣。
■劉天蘭表示，新人需要有人輔助才能令人留下印象，希望今次能幫到他們。
■林耀聲（右）與胡子彤（中）和談善言（左）曾合演電影《點五步》。
■梁雍婷在電影《藍天白雲》中，與鄧麗欣有不少對手戲。
■余香凝（右）和梁雍婷（左）努力向自己的電影夢進發。
■談善言（右）和林耀聲（左）對自己的新造型均感驚喜。
I found this post of yours while looking for information to research related to blogs. It is a good article, keep posting and update information. app