星期三的午餐

星期三是黃SIR到教協學跳舞的日子, 這天黃SIR貪方便, 多到達銅鑼灣才進食ｏ

在教協樓下有間賣豆品的鋪頭, 很多人也𣎴知原來有柴魚花粥賣, 每碗只賣十二元, 大大一碗, 熱騰騰, 似足黄SIR兒時在家吃的柴魚花生粥（一樣冇乜料也！）ｏ但已足夠令黃SIR每星期, 期待不錯失此頓午餐！

當年有個笑話, 過街的粥販, 大叫: 好靚柴魚….花生…..魷魚……地豆粥ｏ但買回來,只得柴魚花生, 沒有魷魚, 更加冇什么地豆, 於是捉住粥販交涉！

粥販振振有詞, 話明花生猶如地豆, 不是魷魚, 乜你地冇讀過書溉咩？吓？唔識字牙？ 唉！玩同音詞添, 冇收也ｏ

但今次黄SIR幫襯呢間, 有齊 柴魚, 花生, 如果好運小小, 尚有些碎蠔鼓, 很正！十二皮真係抵到爛也ｏ

加碟鼓油王銀笌炒麵, 有小小豆卜, 堆到成個山仔咁, 黃SIR要求佢地咪俾咁多, 食唔晒, 嘥料也ｏ又係平到出奇, 十皮嘢！加杯椰汁豆漿, 埋單三十皮, 真係美味非常也ｏ

想想隨後, 尚有與靚師妹們, 蹁蹁起舞之樂, 真係發夢都笑出聲也！

星期三, 真係快活過神仙也ｏ